Dagblaðið Vísir - DV - 30.03.2011, Blaðsíða 14

Fékk nýjar rósir
n Lofið fær verslunin Garðheimar en
kona sem keypti þar rósir var sérstak-
lega ánægð með þjónustuna. „Rós-
irnar drápust strax og ég fór með
þær aftur. Konan sem afgreiddi
mig var alveg yndisleg og lét
mig strax fá nýjar auk þess að
ég fékk tvær í kaupbæti.
Ég þurfti ekki að sýna
kvittun og þetta var allt
með bros á vör. Þetta
kalla ég góða þjónustu.“
Léleg þjónusta
n Lastið að þessu sinni fær Laundro-
mat sem var nýlega opnað í Austur-
stræti. „Við fórum þangað fljótlega
eftir að staðurinn var opnaður og
ég pantaði mér samloku. Það tók
klukkutíma að fá matinn. Þegar sam-
lokan loksins kom var brauðið svo
hart að varla var hægt að skera það
og kjötið á henni seigt. Vinkona mín
ætlaði að fá að skipta út
frönskum í stað græn-
metis en hefði þurft
að borga 300 krónur
aukalega fyrir það.
Mér fannst þetta ekki
góður matur og þjónusta fyrir
peninginn sem við þurftum
að borga.“
SENDIÐ LOF EÐA LAST Á NEYTENDUR@DV.IS
LOF&LAST
Notkun stöðuskilta samræmd Fatlaðir einstaklingar á ferða-
lögum erlendis sem eru handhafar íslenskra stöðuskilta hafa nú óskoraðan rétt til
þess að nýta sér sérmerkt bílastæði fyrir fatlaða í flestum löndum innan Evrópska
efnahagssvæðisins. Á heimasíðu Félags íslenskra bifreiðaeigenda kemur fram að reglur
um notkun stöðuskilta hafa verið samræmdar á EES-svæðinu að Íslandi meðtöldu.
Stöðuskiltin líta nú eins út alls staðar og merkja það sama. Sum lönd, til dæmis Austur-
ríki, ætlast þó til að fatlaðir ferðalangar prenti út sérstakan miða og hafi hann í framrúðu
við hlið stöðuskiltis. Miðann má nálgast á heimasíðu FÍB og til að forðast óþægindi er
æskilegt að fatlaðir einstaklingar hafi miðann tiltækan á ferðalögum erlendis.
14 | Neytendur Umsjón: Baldur Guðmundsson baldur@dv.is 30. mars 2011 Miðvikudagur
E
ld
sn
ey
ti Verð á lítra 231,9 kr. Verð á lítra 236,8 kr.
Bensín Dísilolía
Verð á lítra 231,5 kr. Verð á lítra 236,4 kr.
Verð á lítra 232,9 kr. Verð á lítra 236,8 kr.
Verð á lítra 231,4 kr. Verð á lítra 236,3 kr.
Verð á lítra 231,5 kr. Verð á lítra 236,4 kr.
Verð á lítra 231,9 kr. Verð á lítra 236,8 kr.
Algengt verð
Almennt verð
Algengt verð
Höfuðb. svæðið
Melabraut
Algengt verð
Þrífum saltið og
tjöruna af
Eftir veturinn er mikilvægt að taka
bílinn í gegn en með reglulegum
þvotti og góðri umhirðu endist
bíllinn lengur og verður síður ryði að
bráð. Félag íslenskra bifreiðaeigenda
gefur ráð um þvott á bílum en þar
segir að byrja eigi á því að spúla
bílinn vel. Best sé að nota háþrýsti-
þvottatæki en einnig sé hægt að nota
vatnsslöngu með bunustilli. Nauð-
synlegt sé að spúla vélina þar sem
salt og aur geta setið undir bretta-
köntum og í kringum hjól. Mikil-
vægt sé að þrífa salt- og tjöruagnir af
lakkinu eftir veturinn og er það gert
með fituleysandi hreinsiefnum. Bent
er á að eingöngu eigi að nota slík efni
á þvottaplönum bensínstöðva því þar
eiga að vera niðurföll fyrir óæskileg
efni. Eftir þetta skal bíllinn þrifinn
með sápulegi og volgu vatni en gott
sé að skola bílinn vel og reglulega á
meðan á sápuþvottinum stendur. Að
lokum skal bíllinn þurrkaður með
vaskaskinni eða gúmmísköfu.
Það er ekki einungis fyrir veturinn
sem við þurfum að yfirfara bílinn og
athuga hvort allt sé í standi því þó svo
að snjó hafi tekið upp og salt og frost
herji ekki lengur á bílana okkar er ým-
islegt sem bíleigendur þurfa að huga
að. Sumarið er sá árstími sem við not-
um bílana jafnan hvað mest og því eitt
og annað sem þarf að skoða og yfirfara
áður en haldið er í ferðalög um landið.
Félag íslenskra bifreiðaeigenda hefur
sett saman upplýsingar á heimasíðu
sinni um hvað sé mikilvægt að athuga
í sambandi við bílinn áður en sumarið
kemur.
Fjarlægjum naglana í tíma
Til að byrja með er vert að minna á að
yfir sumartímann er ekki heimilit að
aka á negldum vetrardekkjum. Sektir
við því eru 5.000 krónur og ef þú ert
tekinn á nagladekkjum, sem eru auk
þess slitin og skemmd, getur þú átt
von á því að vera sektaður um 5.000
krónur á hvert dekk sem er undir bíln-
um. Það er svo ekki fyrr en 1. nóvem-
ber sem heimilt er að setja nagladekk-
in undir aftur.
Fyrir ferðalagið
Áður en lagt er af stað í ferðalag út fyr-
ir bæinn er mikilvægt að yfirfara bíl-
inn en það er frumskilyrði að ástand
ökutækisins sé gott áður en lagt er af
stað. Ef gera þarf við bílinn verður að
gera viðeigandi ráðstafanir í tíma því
oft tekur það daga eða vikur að fá tíma
hjá bifreiðaverkstæðum. Ef panta þarf
varahluti getur það tafið enn frekar.
Vert er að hafa í huga að á ferðalög-
um er bíllinn oftast meira hlaðinn en
venjulega og vegir geta verið misgóðir.
Þar af leiðandi er álagið á bílinn meira
en við daglegan akstur og því mikil-
vægt að hann sé í góðu ásigkomulagi.
Bíleigendur geta farið yfir ástand bíls-
ins sjálfir að hluta til en hemla og ann-
an öryggisbúnað á að láta fagmenn
skoða.
Hjólbarðar
Hjólbarðarnir þurfa að vera í lagi þeg-
ar haldið er af stað. Munsturdýpt ætti
aldrei að vera minni er 1,6 millimetrar
og ef langt ferðalag er fram undan er
æskilegra að hún sé 2 til 3 millimetr-
ar. Þetta er mikilvægt til að mæta sliti
á hjólbörðunum á ferðalaginu. Einn-
ig er gott að hugsa til þess að álag og
slit á hjólbörðunum eykst í hlutfalli við
þyngd farþega og farangurs.
Kanna skal loftþrýstinginn en auka
þarf hann ef bifreiðin er mikið hlaðin.
Mikilvægt er að yfirfara einnig vara-
hjólbarðann og fullvissa sig um að
hann sé í góðu ástandi.
Höggdeyfar
Höggdeyfar gegna mikilvægu hlut-
verki og hafa mikið að segja varðandi
aksturseiginleika bifreiðarinnar. Hægt
er að framkvæma einfalda athugun
á ástandi höggdeyfa.  Byrjið á einu
horni bifreiðarinnar og þrýstið hon-
um niður þannig að hann hreyfist
upp og niður. Ef bifreiðin dúar meira
en einu sinni upp og einu sinni niður
getur það verið vísbending um léleg-
an höggdeyfi. Þegar skipt er um högg-
deyfi er ráðlagt að skipta um báða á
sama öxli.
Ljós
Þrátt fyrir björtu sumarnæturnar hér
á Íslandi er mikilvægt að athuga ljósa-
búnað áður en lagt er af stað.  Ef ein
ljósapera fer er ráðlagt að skipta einn-
ig út samsvarandi peru á hinni hlið-
inni. Gott er að hafa það fyrir reglu að
vera alltaf með ljósaperur í bílnum til
skiptanna.
Verkfæri og varahlutir
Yfirfarið verkfærasett bifreiðar-
innar.  Gott er að smyrja tjakkinn og
jafnvel fleiri verkfæri.  Eftirfarandi
verkfæri er ráðlagt að hafa í bíln-
um:  felgulykil, skiptilykil, átaksstöng,
kertalykil, skrúfjárn, stjörnuskrúf-
járn, bittöng, loftþrýstimæli og vasa-
ljós. Eins er gott að taka ávallt algeng-
ustu varahluti með í ferðalagið, svo
sem viftureim, kerti, öryggi, þurrku-
blöð, einangrunarband, olíu og frost-
lög. Í bílnum á alltaf að vera viðvörun-
arþríhyrningur, sjúkrakassi, dráttartóg
og bensínbrúsi.
Kælikerfi og rafgeymir
Kælikerfi vélarinnar gegnir mikilvægu
hlutverki og áður en haldið er af stað í
ferð verður að ganga úr skugga um að
nægur kælivökvi sé á kerfinu. Ef áfyll-
ingar er þörf er ráðlagt að blanda vatni
og frostlegi í jöfnum hlutföllum sam-
an en frostlög á einnig að nota á sumr-
in því hann ver kælikerfið gegn ryði.
Látið athuga hleðsluhæfi raf-
geymis, til dæmis hjá rafgeymaþjón-
ustu. Athuga þarf hvort nægilegt vatn
sé á rafgeyminum en vanti það skal
bætt á með eimuðu vatni.
Einnig þarf að hreinsa póla og
leiðslur með fínum sandpappír eða
vírbusta.
Viftureim, smurkerfi, kerti og
fleira
Mikilvægt er að kanna ástand vift-
ureimarinnar og passa skal að reim-
in sé hæfilega strekkt. Þó skal það
ekki vera meira en svo að hægt sé að
sveigja hana til um það bil einn senti-
metra þar sem hún leikur laus.
Skipta skal um olíu á hreyfli og
olíusíu og loftsíu og kerti á að skipta
um í samræmi við upplýsingar í eig-
endahandbók bifreiðarinnar.
Það sem þú getur
gert sjálfur
n Kannað ástand hjólbarða og hjól-
barðaþrýsting.
n Yfirfarið ljósabúnað.
n Athugað kælivökva.
n Kannað ástand og stillingu
viftureimar.
n Athugað vatnsstöðu í rafgeymi.
n Hreinsað geymasambönd.
n Smurt hurðalamir og fleira þessa
háttar.
n Margir geta skipt um olíu, olíusíu,
loftsíu og kerti sjálfir.
n Kannað ástand höggdeyfa.
Það sem
fagmenn ættu
að framkvæma
n Kanna ástand hemlabúnaðar.
n Athuga tengsli (kúplingu).
n Vélarstilla.
n Athuga ástand bensínleiðslna.
n Kanna stýrisbúnað.
n Skipta um olíu og síur.
n Kanna ástand útblásturskerfis.loftsíu
og kerti sjálfir.
n Tími ferðlaga innalands rennur brátt upp n Mjög mikilvægt að huga að ástandi bílsins
áður en lagt er af stað n Frostlög á ekki bara að nota á veturna því hann kemur í veg fyrir
að kælikerfið ryðgi „Áður en lagt er af
stað í ferðalag út
fyrir bæinn er mikilvægt
að yfirfara bílinn en það
er frumskilyrði að ástand
ökutækisins sé gott áður
en lagt er af stað.
Gunnhildur Steinarsdóttir
blaðamaður skrifar gunnhildur@dv.is
KOMDU BÍLNUM
Í TOPPSTAND
Naglana burt Óheimilt er að aka
á nagladekkjum eftir 15. apríl.