Dagblaðið Vísir - DV - 13.04.2012, Page 12

Alþingi er enn of háð
frAmkvæmdAvAldinu
12 Fréttir 13.–15. apríl 2012 Helgarblað
A
lþingi er undirmannað og
er háðara sérfræðiálitum
innan úr ráðuneytunum
en heppilegt getur talist.
Þetta kemur fram í sam­
tölum DV við forsvarsmenn þing­
flokka á Alþingi. Fyrst og fremst er
skipulagsleysi um að kenna fremur
en mannfæð að mati Ragnheiðar
Elínar Árnadóttur, þingflokksfor­
manns Sjálfstæðisflokks. Þrátt fyrir
áhyggjur af veiku þingi eru for­
mennirnir sammála um að þing­
ið hafi að einhverju leyti styrkst að
undanförnu þótt ekki sé einhugur
um ástæður. Fulltrúar allra þing­
flokka voru sammála um að ekki
væri þörf á að fjölga þingmönn­
um, þótt ef til vill væri rétt að fjölga
starfsmönnum Alþingis.
Umdeild mál bíða umfjöllunar
þingsins þegar þingfundur hefst
aftur þann 16. apríl. Meðal þeirra
mála sem forsvarsmenn flokk­
anna nefna eru rammaáætlun
um nýtingu og verndun orkuauð­
linda, fiskveiðistjórnarfrumvarp
ríkisstjórnarinnar og frumvarp
um verðtryggingu og vexti. Ljóst
er að frumvarp ríkisstjórnarinn­
ar um breytta fiskveiðistjórnun er
umdeilt. Bæði fulltrúi Sjálfstæðis­
flokks og Hreyfingarinnar sögðust
andvígir frumvarpinu en á ólíkum
forsendum. Þá er rammaáætlunin
umdeild, þótt fulltrúar allra flokka
segist styðja samþykkt hennar.
Deilurnar standa fyrst og fremst
um hvað fellur í nýtingarflokk ann­
ars vegar og verndunarflokk hins
vegar.
Stjórnarskrá, fiskveiðistjórnun
og bann við glæpastarfsemi
Gunnar Bragi Sveinsson, þing­
flokksformaður Framsóknar, segir
þingmenn flokksins leggja áherslu
á málefni er varða öryggi. Hann
nefnir framvirkar rannsóknar­
heimildir og bann við skipulagðri
glæpastarfsemi.
Fulltrúi Hreyfingarinnar segir
áherslu þingmanna Hreyfingarinn­
ar vera á samþykkt rammaáætlun­
ar og aðgerðir í þágu skuldavanda
heimilanna. Þá segir fulltrúinn
Hreyfinguna standa heilshugar
að baki áframhaldandi vinnu að
breyttri stjórnarskrá.
Meðal mála sem þingmenn
Sjálfstæðisflokks leggja áherslu á
að verði kláruð er frumvarp um af­
nám virðisaukaskatts á barnaföt­
um. Þingmenn flokksins vilja að
sögn Ragnheiðar Elínar umfjöllun
um aðgerðir til lækkunar bensín­
verðs og að tekinn verði fyrir listi
yfir framkvæmdir sem hægt sé að
ráðast í. Þá eru efnahagstillögur
flokksins til umræðu í nefnd en
Ragnheiður segir flokkinn leggja
áherslu á að þær fari fyrir þing­
fund.
Færri afgreiðsluþingmenn
„Mér skilst að hingað til hafi
stjórnarfrumvörp einfaldlega
verið stimpluð,“ segir Margrét
Tryggvadóttir, varaþingflokksfor­
maður Hreyfingarinnar. Hún seg­
ir það oft koma fyrir á núverandi
þingi að frumvörp ráðherra séu
endurskrifuð í meðferð þingsins.
Ástæðuna segir hún breytta af­
stöðu þingmanna. Þeir telji það
ekki lengur hlutverk sitt að af­
greiða málefni ríkisstjórnarinnar
gagnrýnislaust. Sú hugarfarsbreyt­
ing eigi þátt í að styrkja stöðu Al­
þingis gagnvart ráðherrum og
framkvæmdavaldinu.
„Þingmenn eru óhræddari
núna við að nýta sér vald sitt og
gera breytingar á málum,“ segir
Björn Valur Gíslason, þingflokks­
formaður VG. Hann tekur undir
með Margréti og segir ólíklegt að
þingið hafi hin síðari ár staðið jafn
sterkt gagnvart framkvæmdavald­
inu.
Styrking á kostnað
ríkisstjórnarinnar
„Þingið hefur styrkst, einkum og sér
í lagi vegna þess hvað ríkisstjórnin
er veik,“ segir Ragnheiður Elín og
bætir við að þingmenn í stjórn­
arliðinu hafi öll tök á stjórnar­
samstarfinu. „ Ríkisstjórnin er því
meira tilneydd til samninga því
samstarfið er undir.“ Hún segist
ekki viss um að það séu góð skipti
að styrking Alþingis verði á kostn­
að framkvæmdavaldsins.
Fámennt en góðmennt
Í máli viðmælenda kom ítrekað
fram að ein ástæða þess að Alþingi
sé veikari stofnun en heppilegt geti
talist væri starfsmannaekla og lít­
ið fjármagn til kaupa á sérfræði­
þjónustu. „Þingið hefur þurft að
taka á sig niðurskurð eins og aðr­
ar stofnanir samfélagsins,“ segir
Magnús Orri Schram, þingflokks­
formaður Samfylkingarinnar, sem
þó tekur undir gagnrýni á að þing­
ið sé heldur undirmannað. Hann
segir efnislega umfjöllun þings­
ins að miklu leyti fara fram á vett­
vangi þingnefnda og leggur til að
til þess verði horft þegar rými gefst
í fjárlögum til styrkingar þingsins.
„Það væri hægt að byggja upp sér­
fræðistarfsemi innan þingsins en
n „Ég vil meina að þingið sé undirmannað,“ segir þingflokksformaður Framsóknar
Atli Þór Fanndal
blaðamaður skrifar atli@dv.is
„Þingið hefur
styrkst, einkum og
sér í lagi vegna þess hvað
ríkisstjórnin er veik.
Ragnheiður Elín Árnadóttir Þing-
flokksformaður Sjálfstæðisflokksins.
Björn Valur Gíslason Þingflokks-
formaður VG.
Magnús Orri Schram Þingflokks-
formaður Samfylkingarinnar.
Háð framkvæmdavaldinu
Alþingi er enn of háð fram-
kvæmdavaldinu þótt það hafi
styrkst nokkuð undanfarið að
mati fulltrúa þingflokkanna.