Dagblaðið Vísir - DV - 07.05.2012, Side 3

Fréttir 3Mánudagur 7. maí 2012
klúbb sem bjóði upp á aukaafslátt
fyrir viðskiptavini, sem og magnaf-
slætti fyrir þá sem eru í stórum fram-
kvæmdum. Í samtali við fréttastofu
Stöðvar 2 á sunnudag sagðist Sigurð-
ur ósáttur við auglýsingar Bauhaus
þar sem fullyrt er að þeir séu með
besta og lægsta verðið. Hann gerir
ráð fyrir að fyrirtækið muni leita til
Neytendastofu vegna málsins.
Ólíkt Byko hefur Húsasmiðjan
ekki markvisst verið að undirbúa sig
undir opnun Bauhaus, að sögn Sig-
urðar. Hann viðurkennir þó Húsa-
smiðjan hafi endurskipulagt inn-
kaup og breytt hjá sér verðlagningu
undanfarið ár. Sigurður gerir ekki
frekar en Guðmundur ráð fyrir að
verðstríð skelli á. „Mér sýnist að
verðin séu svona tiltölulega í jafn-
vægi svona heilt yfir.“
„Vor í lofti í efnahagslífinu?“
Þrátt fyrir að Guðmundur taki sam-
keppninni fagnandi segir hann það
vissulega liggja í augum uppi að
Bauhaus muni taka af þeim ein-
hverja markaðshlutdeild. En við
náttúrulega stöndum vel að vígi.
Og er svo ekki vor í lofti í efnahags-
lífinu? Þá er meira til skiptanna. En
auðvitað eigum við eftir að finna
fyrir þeim, það er ekki hægt að
neita því.“
Sigurður tekur undir með Guð-
mundi að vissulega muni innkoma
Bauhaus hafa töluverð áhrif á mark-
aðinn. „Okkar markmið er bara að
vera leiðandi á markaði eins og við
höfum verið. Mjög mikið af okkar
starfsemi er úti á landsbyggðinni
þar sem við gegnum mjög mikil-
vægu hlutverki. Þannig við höldum
áfram á fullu með okkar stefnu og
við erum sannfærð um að það mun
tryggja okkar stöðu á markaðnum,“
segir Sigurður sem hefur engar
áhyggjur af því að Húsasmiðjan geti
ekki keppt við byggingavörurisann
Bauhaus.
Táknmynd kreppunnar
Blaðamaður DV var staddur fyrir
utan Bauhaus þegar verslunin var
opnuð á laugardagsmorgun. Eftir-
væntingin skein úr andlitum þeirra
fjölmörgu sem vaknað höfðu fyrir
allar aldir til að fá loksins að berja
þessa risastóru byggingavöruhöll
augum að innan. En sjálft húsnæð-
ið hafði staðið autt og ónotað við
Úlfarsfellið frá því fyrir hrun. Líkt
og táknmynd kreppu og efnahags-
þrenginga sem minnti á sig í hvert
skipti sem Íslendingar keyrðu út
úr borginni. Til stóð að opna versl-
unina árið 2008, en nú fjórum árum
síðar er biðin loksins á enda.
Margir hafa því velt því fyrir sér
hvort opnun Bauhaus marki enda-
lok kreppunnar. Viðskiptavinir sem
blaðamaður DV náði tali af voru þó
ekki svo vissir um það. „Ertu frá þér?
Þetta er bara verslun,“ komst einn að
orði.
Húsnæði verslunarinnar er engin
smásmíði, en það er 22 þúsund fer-
metrar að flatarmáli. Það veitir lík-
lega ekki af öllu plássinu því versl-
unin hyggst bjóða upp á 120 þúsund
vörutegundir fyrir hús, heimili og
garða.
Hvort opnun Bauhaus marki
endalok kreppunnar eður ei munu
neytendur án efa njóta góðs af auk-
inni samkeppni á byggingavöru-
markaði. n
Voru undirbúnir Guðmundur H. Jónsson,
forstjóri Byko, segir fyrirtækið í raun hafa
verið búið að bregðast við innkomu Bauhaus
á markaðinn fyrir nokkru síðan. Þeir hafi
meðal annars tekið upp nýja verðstefnu.
Hefur ekki áhyggjur Sigurður Arnar
Sigurðsson, forstjóri Húsasmiðjunnar, hefur
ekki áhyggjur af því að fyrirtækið geti ekki
keppt við Bauhaus. Þeir hafi verið leiðandi á
markaði og ætli sér að vera það áfram.
Klappað Starfsfólk Bauhaus bauð fyrstu viðskiptavinina velkomna með lófaklappi. Eftir-
væntingin skein úr augum fólksins og ljóst var að margir höfðu beðið þess spenntir að fá að
berja dýrðina augum.
Spilling eykst
við formleysi
n Nýjar siðareglur í Stjórnarráðinu
S
tarfsfólk Stjórnarráðs Ís-
lands sem gerist sekt um
kaup á vændi er nú brotlegt
við siðareglur Stjórnarráðs-
ins, jafnvel þótt vændiskaup
eigi sér stað í landi þar sem slíkt er
löglegt. Nýsamþykktar siðareglur
taka að auki til skeytingarleysis um
lög og virðingarleysi eða dónaskap
gagnvart þeim sem leita til stofnana
Stjórnarráðsins. Reglunum er ætlað
að auka fagmennsku innan stjórn-
sýslunnar og vera til stuðnings við
gildandi lög. Brot á reglunum getur
varðað áminningu en líklega aðeins
þegar brotin varða lög. Umboðs-
maður Alþingis mun fara með úr-
skurðarvald vegna brota.
Hafi frumkvæði að birtingu
upplýsinga
Samhæfingarnefnd um siðferðis-
leg viðmið innan stjórnsýslunnar
vann reglurnar í samráði við ráðu-
neytisstjóra og opinbera starfs-
menn. Meðal annars er fjallað um
ásættanlega hegðun á samfélags-
miðlum líkt og Facebook sem og
hagsmuna- og vinatengsl sem var-
ast beri í starfi. Sérstakur kafli er
um samskipti embættismanna við
fjölmiðla, almenning og eftirlits-
aðila. Þar er kveðið á um siðferðis-
lega skyldu til frumkvæðis þegar
kemur að því að upplýsa almenn-
ing og fjölmiðla. „Starfsfólk er vak-
andi yfir málefnum sem eðlilegt er
að upplýsa fjölmiðla og almenning
um og bendir yfirmanni á slíkt, eftir
því sem við á,“ segir meðal annars í
reglunum.
Íslenskar spillingargryfjur
Samráðsnefndin telur íslenskar
aðstæður til þess gerðar að skapa
spillingarhvata sem beri að var-
ast. Nefnir hópurinn sérstaklega
fámenni íslenskrar stjórnsýslu
sem auki hættu á vina- og ættar-
tengslum og um leið hagsmuna-
árekstrum. Þá sé hætta á form-
leysi sem lýsi sér í skeytingarleysi
um formlegar kröfur valdamikilla
embætta og að lokum sé viðvarandi
skortur á fagmennsku, það er til-
hneigingu til að gera lítið úr kvöð-
um sem fylgja embætti og ábyrgð.
Þess utan verði íslenskir embættis-
menn að vera meðvitaðir um hefð-
bundna hvata til spillingar líkt og
almenna hagsmunaárekstra og
virðingarleysi gagnvart mannhelgi.
Þá sé hér líkt og annars staðar
hætta á óeðlilegum áhrifum vegna
gjafa og sérstakra fríðinda eða ann-
arra tækifæra sem bjóðast til að
misnota stöðu sína. Sérstaklega er
tekið fram í siðareglunum að trún-
aður embættismanna sé gagnvart
almenningi umfram hagsmuna-
hópa.
DV nýtt sem dæmi
Í viðauka skýrslu samráðshóps um
siðareglur eru rakin nokkur dæmi
um siðferðisleg álitamál sem kom-
ið geta fram í opinberu starfi. Í einu
dæmi eru afleiðingar umfjöllunar
DV teknar fyrir. „Skrifstofustjóri í
ráðuneyti er með ráðherra sínum í
erlendri borg í opinberum erinda-
gjörðum. Eftir að þeim lýkur tekur
skrifstofustjórinn sér helgarleyfi til
að njóta lífsins í borginni. Þar slett-
ir hann ærlega úr klaufunum og til
hans fréttist á vafasömum stöð-
um. Nokkrum dögum seinna birtist
grein í DV ásamt mynd af skrifstofu-
stjóranum góðglöðum á þekktu
vændishúsi.“ Um er að ræða verk-
efnavinnu fyrir starfsmenn þar sem
þeim er gert að íhuga rétt viðbrögð
við aðstæðum og hugsanlega þörf
á að siðareglur nái til slíkrar hegð-
unar.
Væntanlega hafa opinberir starfs-
menn talið eðlilegt að siðareglurnar
næðu yfir slíka hegðun enda ákvæði
um vændiskaup sérstaklega bætt við
reglurnar en þær byggja að miklu
leyti á siðareglum ráðherra þar sem
er ákvæði um mannhelgi sem nær
yfir vændiskaup, þótt ekki sé það
nefnt á nafn. n
Atli Þór Fanndal
blaðamaður skrifar atli@dv.is
Siðareglur kynntar
Frá fundi samráðs-
hóps um siðareglur
stjórnarráðsins þar sem
reglurnar voru kynntar.
Jóhanna Sigurðardóttir Stjórnarráðið
setur sér siðareglur.
Verðkönnun Samkeppnisaðilarnir sendu her verðkönnunaraðila á vettvang sem allir
voru vopnaðir verðskönnum.
Sagað á timbrið Ekki var klippt á
borða þegar verslunin var formlega
opnuð, enda er betur við hæfi að saga
í sundur timbur þegar byggingavöru-
verslun er opnuð.
Verslað og skoðað Eflaust fóru
einhverjir gagngert í Bauhaus bara til að
skoða og svala forvitninni, en fjölmargir
gerðu þó stórinnkaup.
Nóg pláss Þrátt fyrir að fjölmenni legði leið sína í Bauhaus á opnunardaginn virtist vera nóg pláss fyrir alla, enda verslunin heilir 22
þúsund fermetrar að flatarmáli.