Dagblaðið Vísir - DV - 07.09.2012, Blaðsíða 8

„Dregið úr trúverðugleika mínum“
n Ummæli Gunnlaugs í meiðyrðamáli gegn Teiti Atlasyni vekja athygli
A
ðalmeðferð í meiðyrðamáli
hjónanna Gunnlaugs M.
Sigmundssonar og Sigríð-
ar G. Sigurbjörnsdóttur gegn
bloggaranum Teiti Atlasyni fór fram
á miðvikudagsmorgun en hjónin
stefndu Teiti vegna bloggfærslu sem
hann birti á bloggi sínu á DV.is í febr-
úar í fyrra þar sem hann rifjaði upp
viðskipti Gunnlaugs með fyrirtækið
Kögun.
Í dómssal talaði Gunnlaugur
meðal annars um að málið hefði far-
ið mjög illa í eiginkonu hans og nán-
ustu fjölskyldu. „Þá hefur þetta dreg-
ið úr trúverðugleika mínum því ég
var viðurkenndur sem heiðarleg-
ur og góður rekstrarmaður,“ sagði
Gunnlaugur þegar lögmaður hans
spurði hvernig þetta mál hefði kom-
ið við fjölskyldu hans. Þetta kom
fram á Eyjunni. Þessi ummæli Gunn-
laugs, um að vera viðurkenndur sem
heiðarlegur og góður rekstrarmaður,
vekja athygli þegar litið er til aðkomu
hans að fjárfestingarfélaginu Mætti
sem framkvæmdastjóri.
Í lok árs 2010 var félagið úrskurð-
að gjaldþrota og fékkst ekkert upp í
22 milljarða kröfu sem gerð var á fé-
lagið, en þar af var Íslandsbanki með
kröfu upp á 20,8 milljarða króna. Í
skýrslu sem skiptastjóri Máttar, Jó-
hannes Ásgeirsson, vann um starf-
semi félagsins fyrir kröfuhafa þess
í fyrra kom fram að rekstur Mátt-
ar hefði verið glórulaus að hans
mati. Máttur var í eigu Milestone og
eignarhaldsfélaga Einars og Bene-
dikts Sveinssona, Hrómundar og
Hafsilfurs. Máttur átti meðal annars
hlutabréf í Icelandair og BNT.
8 Fréttir 7.–9. september 2012 Helgarblað
E
ndurskoðendafyrirtæk-
ið KPMG vann fyrir fjár-
festingarfélagið Ardvis sem
kært verður til lögreglunn-
ar á næstunni. Ardvis hafði
meira en 130 milljónir króna af tug-
um einstaklinga sem lögðu félaginu
til fé. Sviðsstjóri endurskoðunar-
sviðs KPMG, Auður Þórisdóttir, seg-
ir hins vegar að fyrirtækið hafi hafn-
að því að taka að sér endurskoðun
á bókhaldi félagsins eftir að hafa
fundað með forsvarsmönnum þess.
„Við vorum beðin að taka að okk-
ur endurskoðun á félaginu en við
höfnuðum því.“ Forsvarsmönnum
félagsins var umhugað að fá þekkta,
viðurkennda aðila til liðs við sig til
að auka trúverðugleika Ardvis-ver-
kefnisins og leituðu þeir meðal
annars til stórra, þekktra lögmanns-
stofa hér á landi en þær vildi ekki
vinna fyrir félagið.
Rekstrarfélag Ardvis, Costa, hef-
ur verið tekið til gjaldþrotaskipta
og er unnið að skiptum á búinu
– engar eignir eru inni í því. Pen-
ingar fjárfestanna voru að hluta
notaðir í einkaneyslu stærsta hlut-
hafa Ardvis og helsta hugmynda-
fræðings, Bjarna Þórs Júlíusson-
ar. Sérfræðingur á fjármálamarkaði
sagði í viðtali við DV að Ardvis hefði
öll einkenni píramídasvindls.
Skiptastjóri Costa sagði, í viðtali við
DV, að starfsemi félagsins yrði kærð
til lögreglunnar á höfuðborgar-
svæðinu.
Unnu við gagnaendurskoðun
Ardvis réð KPMG til að sjá um ým-
iss konar gagnaendurskoðun fyr-
ir sig. Meðal annars kom endur-
skoðendafyrirtækið að samningi
þar sem fram kom að rekstrarfélag
Ardvis, Costa, átti að fá 600 milljónir
króna frá Ardvis fyrir vinnu sína fyr-
ir félagið. Þeir fjárfestar sem lögðu
til peninga greiddu þá til Ardvis
sem svo aftur greiddi þá til Costa
þar sem þeir voru notaðir í rekstur
Ardvis. Þessi samningur var undir-
ritaður sumarið 2010 og átti að gilda
til loka septembermánaðar 2012.
Um þetta atriði í starfsemi Ardvis
sagði skiptastjóri Costa í DV á mánu-
daginn: „Reikningur Costa var eigin-
lega einkareikningur hans [Bjarna,
innskot blaðamanns]. Hugmyndin
virðist hafa verið sú að Costa tók við
þeim peningum sem hluthafarnir
lögðu Ardvis til.“
Auður segir hins vegar að ráðn-
ingarsamningurinn við Ardvis hafi í
reynd aldrei verið kláraður. „Eins og
ég segi þá var ráðningarsamningur-
inn ekki kláraður en við eyddum ein-
hverjum klukkutímum í að skoða
þetta. Við gáfum aldrei út neinn
reikning fyrir þessari vinnu. Ég held
reyndar að við höfum aðstoðað þá
fyrir nokkrum árum að stofna fyr-
irtæki. [...] Það er til tölvupóstur frá
mér til stjórnenda Ardvis þar sem
ég sagði að við sæjum okkur ekki
fært að halda áfram með þetta verk-
efni og framfylgja þessum þjónustu-
samningi. Það eru einhverjir mánuð-
ir síðan þessu var slitið,“ segir Auður.
Hnattrænt markaðstorg
Markmið Ardvis og nákvæmlega
hvernig félagið átti að starfa var ekki
fyllilega ljóst út frá heimasíðu félags-
ins, sem nú hefur verið tekin niður,
eða þeim gögnum um félagið sem
DV hefur undir höndum. Meginhug-
myndin virðist hafa verið sú að þegar
fólk hafði ákveðið að fjárfesta í Ardvis
áttu hluthafarnir að fá aðgang að því
sem aðstandendur fjárfestingarfé-
lagsins kölluðu „hnattrænt mark-
aðstorg“ á netinu. Markaðstorgið átti
að heita Corpus Vitalis.
Á þessu hnattræna markaðstorgi
áttu hluthafarnir að geta keypt vör-
ur og þjónustu og átti hagnaðurinn
af sölunni á þessum vörum síðan
renna að 90 prósentum aftur til hlut-
hafanna í formi arðgreiðslna. Hug-
myndin var þá sú að Corpus Vital-
is yrði milliliður á milli þeirra sem
framleiða vörur og selja þjónustu og
hluthafa Ardvis. Hluti af hagnaðin-
um af þessum viðskiptum í gegnum
Corpus Vitalis átti svo að renna aftur
í vasa hluthafanna sjálfra. 10 prósent
af hagnaði Corpus Vitalis átti hins
vegar að renna til góðgerðamála
og áttu hluthafarnir að geta valið til
hvaða góðgerðasamtaka þeir gæfu
hluta af sínum arði.
Fólkið sem lagði Ardvis til fé hef-
ur ekki enn fengið fjármuni sína til
baka og er ólíklegt að svo verði úr
þessu.
KPMG vann
fyrir ardvis
n Slitu þjónustusamningi fyrir nokkrum mánuðum„Við vorum beðin
að taka að okkur
endurskoðun á félaginu
en við höfnuðum því.
Ingi Freyr Vilhjálmsson
fréttastjóri skrifar ingi@dv.is
Unnu fyrir Ardvis KPMG vann fyrir
Ardvis en hafnaði beiðni um að taka að sér
endurskoðun á reikningum félagsins.
Samningi slitið Sviðsstjóri endurskoðunarsviðs KPMG segir að þjónustusamningi við Ardvis
hafi verið slitið fyrir nokkrum mánuðum. Bjarni Þór Júlíusson var framkvæmdastjóri Ardvis.
m
y
n
d
E
y
þ
ó
r
Á
r
n
A
S
o
n
Lögreglan
leitar vitna
Lögreglan á höfuðborgarsvæð-
inu óskar eftir vitnum að um-
ferðarslysi sem varð norðan við
gatnamót Álfabakka og Árskóga
í Reykjavík síðdegis á miðviku-
dag. Tilkynning um slysið barst
klukkan 17:45 en svo virðist sem
bifhjólamaður, sem átti þarna
leið um, hafi misst stjórn á hjól-
inu og slasast illa. Rétt hjá gatna-
mótunum eru brú og undirgöng
en bifhjólið lá við steinsteyptan
vegg austanmegin ganganna
þegar komið var á vettvang. Öku-
maðurinn, karl um sjötugt, var
skammt frá hjólinu þegar að var
komið. Meiðsli hans voru alvar-
leg. Þeir sem urðu vitni að slys-
inu eru vinsamlegast beðnir um
að hafa samband við lögregluna í
síma 444-1000 en einnig má senda
upplýsingar í tölvupósti á netfang-
ið abending@lrh.is.
Innbrot í
Reykjavík
Lögreglunni á höfuðborgarsvæð-
inu var tilkynnt um innbrot og
þjófnað á Dvergshöfða 27 aðfara-
nótt fimmtudags en ekki er vit-
að hvað var tekið. Lögregla þurfti
einnig að hafa afskipti af manni
sem var handtekinn á Skúlagötu
eftir að hafa brotið þar rúðu í fjöl-
býlishúsi. Maðurinn var ofurölvi
og var hann vistaður í fanga-
geymslu lögreglu.
Vilja ekki láta
nauðga sér
Sæunn Kjartansdóttir sálgreinir
ritar grein í Fréttablaðið í kjölfar
umræðu um smásagnabókina
Fantasíur. Sæunn tekur það fram
að hún hafi ekki séð umrædda
bók en hefur hnotið um umfjöll-
un þar sem spurt er hvort skrif
af þessu tagi séu til þess fallin að
endurvekja mýtuna um að innst
inni þrái konur að láta nauðga
sér. „Mér finnst brýnt að árétta að
himinn og haf eru á milli fantasíu
um að vera þvingaður til kynlífs-
athafna og raunverulegrar nauðg-
unar. Í fantasíunni er hugmyndin
sköpuð af konunni og henni er
stjórnað af konunni,“ skrifar Sæ-
unn sem segir að í raunverulegri
nauðgun sé öllum formerkjum
umturnað. „Konan vill ekki láta
nauðga sér. Hún hefur enga stjórn,
hvorki á aðstæðum né atburðarás.
Þolendur nauðgana finna hvorki
fyrir spennu eða nautn heldur
sársauka, hræðslu, vanmætti og
niðurlægingu og margir óttast um
líf sitt,“ skrifar Sæunn.