Dagblaðið Vísir - DV - 07.09.2012, Blaðsíða 14

H
ann sagði við mig að ef ég
héldi þessu máli áfram þá
skyldi ég hafa verra af,“
segir Friðrik Eysteinsson,
aðjúnkt við viðskipta­
fræðideild Háskóla Íslands.
Hann segir farir sínar ekki slétt­
ar í samskiptum sínum við vara­
forseta deildarinnar og segir hann
hafa hótað sér og að stjórnsýslulög
hafi verið brotin þegar auglýst var
eftir lektor við deildina árið 2010.
Snjólfur Ólafsson varaforseti
deildarinnar vísar þessum ásök­
unum á bug og segir þær vera
tóma þvælu. Málið tengist honum
ekki persónulega og það sé af og
frá að hann hafi hótað Friðriki.
Enginn talinn hafa sérfræði-
þekkingu
Forsaga málsins er sú að árið
2010 var auglýst lektorsstaða við
deildina. Friðrik sótti um stöðuna
ásamt níu öðrum, sjö voru metn­
ir hæfir af dómnefnd. Eftir að hafa
farið yfir umsóknirnar mat val­
nefnd það svo að enginn hefði
sérfræðiþekkingu á sviðinu. Frið­
rik var ekki sáttur við þá niður­
stöðu enda taldi hann sig uppfylla
þær hæfniskröfur sem gerðar voru
þegar staðan var auglýst. „Það
voru alla vega þrír af umsækj­
endunum sem uppfylltu skilyrðin.
Síðan ákvað valnefndin að
vegna þess að enginn uppfyllti
þetta æskilega skilyrði þá ætlaði
hún bara að ráða þann sem þeim
fannst passa best þörfum og að­
stæðum deildarinnar án þess að
nokkur hafi skilgreint það neitt.
Þeim datt í hug að það væri þá
hægt að ráða viðkomandi á sviði
stjórnunar. Það var enginn að
biðja um að ráða mann á sviði
stjórnunar, það vantaði kennara
með hitt; sérmenntun í fjármál­
um og reikningshaldi eða endur­
skoðun,“ segir hann.
„Valnefnd taldi þá tvo koma til
greina. Annar var með doktors­
gráðu í hagfræði og hinn með
doktors gráðu í félagsfræði,“ seg­
ir Friðrik. Sá síðarnefndi var ráð­
inn og segir Friðrik að það sé hinn
vænsti maður en það komi málinu
ekki við. „Þetta snýst um að gera
þetta faglega og ráða fólk á réttum
forsendum.“
Hótað í kjölfarið
Friðrik var ósáttur og fór fram á
rökstuðning fyrir ákvörðuninni.
Hann segir það hafa lagst illa í þá
sem sátu í valnefndinni og í kjöl­
farið hafi honum verið hótað.
„Hann segir að hann muni
tryggja það að þegar næst verð­
ur auglýst staða í markaðsfræðum
sem verði væntanlega einhvern
tím ann þá muni hann beita sér
gegn því að ég fái hana, ef ég haldi
málinu til streitu,“ segir hann og
á við Snjólf Ólafsson varaforseta
deildarinnar. Snjólfur vísar ásök­
unum Friðriks á bug og segir ekk­
ert hæft í þeim og hann hafi aldrei
hótað Friðriki. Það sé flókið ferli
sem umsóknir fari í gegn og það
sé af og frá að hann einn geti haft
áhrif á það að hann yrði ekki ráð­
inn. Mál Friðriks sé í nefnd og
beðið sé niðurstöðu þaðan.
Friðrik segist í kjölfar meintr­
ar hótunar hafa ráðfært sig við
helsta sérfræðing deildarinnar í
mannauðsstjórnun auk þess hafi
hann upplýst aðra starfsmenn
um það. „Ég gerði það til þess að
fólk vissi af þessu. Ég spurði hann
hvað ég ætti að gera í framhaldinu.
Hann sagði að ég ætti bara að tala
við viðkomandi en mér fannst
það nú ekkert ráð. Svo sagði hann
að það væri betra að halda þessu
innan deildarinnar. Ég hins vegar
vakti athygli Ólafs Þ. Harðarson­
ar sviðsforseta á málinu seinna
um vorið, og það var að sjálfsögðu
ekkert gert,“ segir hann.
Varaforseti yfir nefndinni
Það var svo fyrr á þessu ári sem
auglýst var staða lektors í við­
skiptafræði með markaðsfræði
sem sérgrein. Friðrik sótti um stöð­
una líkt og fimm aðrir. Stöðuna
sem hann segir að varadeildarfor­
seti hafi hótað sér, tveimur árum
fyrr, að hann myndi beita sér gegn
að hann fengi. „Og þá var hann,
maðurinn sem hafði hótað mér,
settur yfir valnefndina og auk þess
eru þrír til viðbótar af þeim fimm
sem sátu í hinni valnefndinni aft­
ur í þessari valnefnd,“ segir hann
afar ósáttur.
Fimm voru metnir hæfir af
dómnefnd. Einn dró síðan umsókn
sína til baka að sögn Friðr iks. „Svo
voru þeir sem sóttu um, boðað­
ir í viðtöl og boðið að halda kynn­
ingar, það er þeir sem valið átti að
standa á milli. Fyrst kemur óform­
lega frá þeim að það eigi ekki að
ráða í stöðuna. Þau rök sem voru
færð fyrir því voru þau að tvö okkar
væru ekki með doktors gráðu. Það
var eitthvað sem allir vissu og það
var engin krafa gerð um það. Það
var gerð krafa um meistaranám
hið minnsta og að umsækjandi
hefði verið virkur í rannsóknum á
sviðinu. Sá þriðji er með doktors­
gráðu, en þvert á álit dómnefnd­
ar, taldi valnefndin hann ekki vera
með sérfræðiþekkingu á markaðs­
fræði. Það er deildin sem ákveð­
ur að auglýsa stöðuna. Valnefnd
hefur heimild til þess að hafna öll­
um en það verða þá að vera ein­
hver málefnaleg rök fyrir því,“ seg­
ir hann.
Ákveðið að ráða ekki í starfið
„Svo er þetta mál skoðað. Álitið fer
fyrir sviðsforseta og hann tekur sér
sjö vikur í að skoða það því að þetta
var orðið heitt mál innan deildar­
innar enda sáu margir að þetta
náði ekki nokkurri átt,“ segir hann.
„Svo kom svarið. Þá er ákveðið að
ráða ekki í starfið því að enginn
umsækjendanna félli nægilega vel
að aðstæðum og þörfum deildar­
innar. Og ég bað náttúrulega um
rökstuðning og hef ekkert fengið
nema bara þetta. Það hefur hvergi
komið fram hverjar þessar þarfir og
aðstæður deildarinnar eru,“ segir
Friðrik sem furðar sig á því að hann
uppfylli ekki þessar þarfir deildar­
innar þar sem hann hafi verið ráð­
inn sem aðjúnkt í markaðsfræði.
„Ég var metinn hæfastur þá. Og ég
hef bætt við mig mikið rannsóknar­
lega séð síðan. Ég taldist hæfastur
og hlýt þá að hafa verið fullkom­
lega í takti við þarfir og aðstæður
deildarinnar. En svo af því að það
á að fara að breyta titlinum úr að­
júnkt í lektor þá uppfyllir ekkert af
okkur þetta skilyrði.“ Hann segir
eftirsóknarvert að hækka í tign inn­
an Háskólans því að því fylgi auk­
ið rými til rannsókna og betri kjör.
Hann segir það hafa verið rætt inn­
an deildarinnar að af því að hann
hafi verið talinn hæfastur þá hafi
enginn verið ráðinn.
Ekki skoðað
Friðrik segir gróflega hafa verið
brotið á sér og öðrum umsækjend­
um. Hann veltir fyrir sér hlut vara­
deildarforseta í því að hann fékk
ekki starfið.
„Hótunin var aldrei rannsök­
uð þó að ég hafi látið vita af henni.
Það ber að rannsaka svona ásakan­
ir. Ef hinn aðilinn segir bara „nei,
ég sagði þetta aldrei,“ þá getur vel
verið að málið falli dautt niður en
það ber að skoða þetta. En þú setur
alls ekki þennan einstakling aftur í
valnefnd þegar hann hefur beinlín­
is hótað að beita sér gegn ákveðn­
um einstaklingi sem sótti um. Ég
hef gagnrýnt ýmislegt í stjórnun
deildarinnar í gegnum tíðina og lít
á þetta mál sem tilraun til þöggun­
ar og ekkert annað.“
Friðrik hefur sent sviðsstjóra
starfsmannasviðs Háskóla Íslands
formlegar kvartanir vegna þessara
mála en DV hefur bréfin tvö undir
höndum.
Samkvæmt upplýsingum frá
Guðrúnu Jóhönnu Guðmunds­
dóttur sviðsstjóra starfsmannasviðs
þá er málið til umfjöllunar og bú­
ast má við svari á mánudag. Krist­
ín Ingólfsdóttir rektor Háskóla Ís­
lands hefur ekki fengið málið inn á
borð til sín þar sem því var beint til
sviðsstjóra Starfsmannasviðs. Ekki
náðist í Ingjald Hannibalsson, for­
seta viðskiptafræðideildar Háskóla
Íslands, við vinnslu fréttarinnar.
14 Fréttir 7.–9. september 2012 Helgarblað
n Aðjúnkt segir sér hafa verið hótað n Sakar Háskóla Íslands um að hafa brotið stjórnsýslulög
Viktoría Hermannsdóttir
blaðamaður skrifar viktoria@dv.is
„ÞETTA ER ÞÖGGUN“
„Þetta
snýst um
að gera þetta
faglega og ráða
fólk á réttum
forsendum
Segir sér hafa verið hótað Friðrik
segir að það hafi verið gengið framhjá sér
við ráðningu í lektorsstöðu í viðskiptadeild
Háskóla Íslands og að sér hafi verið hótað.