Dagblaðið Vísir - DV - 29.07.2011, Qupperneq 58

G
uðmundur fæddist
í Hvammi í Langa-
dal í Austur-Húna-
vatnssýslu og ólst
þar upp í foreldra-
húsum. Foreldrar hans
voru Guðmundur Frímann
Björnsson, bóndi í Hvammi
í Langadal, og k.h., Valgerð-
ur Guðmundsdóttir frá Sneis
í Laxárdal.
Guðmundur lauk prófum
frá Iðnskólanum á Akureyri, var hús-
gagnasmíðameistari að mennt og list-
fengur bókbindari með sveinspróf í
þeirri grein. Auk þess stundaði hann
leirsmíða nám hjá Einari Jónssyni frá
Galtafelli og myndlistarnám í Reykjavík
en hann var slyngur teiknari.
Guðmundur var húsgagnasmiður á
Akureyri 1930–39, kennari í Reykholti
1939–41, verkstjóri í Vélabókbandinu
hf. á Akureyri 1941–51 og kennari við
Gagnfræðaskóla Akureyrar 1951–73.
Guðmundur var nítján ára er hann
sendi frá sér fyrstu ljóðabókina en þær
urðu alls átta talsins. Hann var
þekktur rithöfundur á sinni tíð,
hlaut fyrsta styrk Rithöfunda-
sjóðs Ríkisútvarpsins og
þáði skáldalaun í fjölda ára
frá 1937. Meðal rita hans
má nefna Náttsólir, æsku-
ljóð, 1922; Úlfablóð, ljóð,
1933; Störin syngur, ljóð,
1937; Svört verða sólskin,
ljóð 1951; Söngvar frá sum-
arengjum, ljóð 1957; Undir
Bergmálsfjöllum, ljóðaþýðing-
ar, 1958; Svartárdalssólin, smá-
sögur, 1964; Rautt sortulyng, smásögur,
1967; Stúlkan úr Svartaskógi, skáldsaga,
1968; Rósin frá Svartamó, smásögur
1971, og Kvæðið um Kofahlíð, 1973.
Guðmundur þýddi einnig sögur
úr erlendum málum og samdi fjölda
vísna- og þjóðfræðaþátta í blöð og tíma-
rit.
Eiginkona Guðmundar var Ragna
Sigurlín og eignuðust þau þrjár dætur.
Bróðir Guðmundar var Jóhann Frí-
mann, rithöfundur og skólastjóri í Reyk-
holti og við Gagnfræðaskólann á Akur-
eyri.
58 | Ættfræði Umsjón: Kjartan Gunnar Kjartansson kjartan@dv.is 29. júlí – 2. ágúst 2011 Helgarblað
J
úlíana Sveinsdóttir fæddist að
Sveinsstöðum í Vestmanna-
eyjum og ólst þar upp til
sextán ára aldurs. For-
eldrar hennar voru
Sveinn Jónsson, trésmíða-
meistari í Vestmannaeyj-
um og síðar í Reykjavík, og
f.k.h., Guðrún Runólfsdótt-
ir húsmóðir. Hún var næst-
elst fimm systkina.
Júlíana stundaði nám við
Kvennaskólann í Reykjavík en
þar komu í ljós hæfileikar henn-
ar í teikningu. Það varð til þess að
hún naut tilsagnar Þórarins B. Þorláks-
sonar listmálara, árið 1908. Hann var
menntaður í Danmörku og hafði haldið
sína fyrstu einkasýningu í Reykjavík árið
1900, en það mun vera fyrsta málverka-
sýningin sem haldin var hér á landi.
Júlíana hélt síðan til Danmerkur,
1909, á vit listagyðjunnar. Líklega hafa
fáir séð vitglóru í því að ungir menn
sigldu til listnáms á þeim tíma, hvað
þá ungar stúlkur. En faðir Júlíönu hafði
hvort tveggja, áhuga og getu, til að
styrkja hana til námsins.
Júlía stundaði fyrst nám við einka-
skóla Gustavs Vermehren og síðan við
einkaskóla Agnesar Jensen. Eftir þriggja
ára undirbúningsnám fékk hún inn-
göngu í hinn virta Konunglega listahá-
skóla í Kaupmannahöfn og stundaði
þar nám við málaradeild undir hand-
leiðslu P. Rostrup Boyesen 1912–17 er
hún útskrifaðist. Hún stundaði síðar
einnig nám við Freskoskóla 1927–31 og
fór auk þess fjölda námsferða til Ítalíu.
Júlíana bjó í Danmörku að námi
loknu að undanskildum árunum 1929–
31 er hún bjó á Íslandi. Hún sýndi fyrst
opinberlega í Kaupmannahöfn 1918 og
var upp frá því þátttakandi í fjölda
samsýninga í Danmörku, oft
tveimur til þremur á ári, all-
an sinn feril.
Hér var yfirleitt um að
ræða virtar sýningar þar
sem þátttakendur höfðu
verið valdir af dómnefnd
og fólst því oft mikil við-
urkenning í því að fá þar
inni. Þá sýndi Júlíana á Ís-
landi með Listvinafélag-
inu og Félagi íslenskra lista-
manna. Hún var auk þess valin á
fjölda samsýninga á íslenskri og nor-
rænni list erlendis. Hún tók þátt í rúm-
lega hundrað samsýningum og hélt
ellefu sérsýningar á Íslandi og í Dan-
mörku. Þá var hún virk í samtökum
listamanna og gegndi trúnaðarstörfum
fyrir slík samtök.
Júlíana naut mikillar virðingar í
Danmörku fyrir list sína, var m.a. sæmd
heiðurspeningi Eckersbergs 1947, átti
sæti í dómnefnd hinna virtu Charlot-
tenborgar-sýninga um langt árabil og
var fulltrúi listamanna í stjórn Hins
konunglega danska listaháskóla sem
m.a. er ráðgefandi opinberum aðilum
um myndlist og arkitektúr og viður-
kenningar á því sviði.
Júlíana er, ásamt Kristínu Jóns-
dóttur, fyrsta íslenska konan sem varð
myndlistarmaður að atvinnu. Helstu
viðfangsefni hennar voru landslag og
uppstillingar, auk þess sem hún stund-
aði myndvefnað í óhlutbundnum stíl,
en veggteppi eftir hana hangir m.a. í
Hæstarétti Danmerkur.
G
uðrún fæddist í Reykjavík
8.7. 1941 og ólst þar upp,
lengst af við Lágholtsveg á
Bráðræðisholtinu. Hún var í
Melaskóla, lauk gagnfræða-
prófi frá Gagnfræðaskóla Vesturbæj-
ar og stundaði nám við Gagnfræða-
skóla Verknáms. Þá lauk hún prófum
frá Lyfjatækniskólanum og stund-
aði nám í píanóleik hjá Anne Leifs í
nokkur ár.
Guðrún starfaði við Vesturbæjar-
apótek á árunum 1958–64. Þá starf-
aði hún við Reykjavíkuraptótek um
skeið. Hún sinnti síðan húsmóður-
störfum og barnauppeldi eftir að
synirnir komu í heiminn.
Guðrún hóf að starfa í Sjálfstæð-
isflokknum árið 1987, sat í stjórn
Hvatar um sex ára skeið og var síðan
formaður Hvatar í þrjú ár. Þá sat hún
í stjórn Landssambands sjálfstæðis-
kvenna, var í fulltrúaráði flokksins,
sat í kjörnefnd Sjálfstæðisflokkins
í Reykjavík og sat í flokksráði. Hún
vann ötullega fyrir ýmsa frambjóð-
endur í fjölda prófkjöra flokksins í
Reykjavík.
Fjölskylda
Guðrún giftist 16.5. 1964 Magn-
úsi Tryggvasyni, f. 15.8. 1940, fyrrv.
framkvæmdastjóra, og síðar for-
stjóra ORA. Hann er sonur Tryggva
Jónssonar, f. 14.9. 1914, d. 11.12.
1987, forstjóra ORA, og k.h., Kristín-
ar Magnúsdóttur, f. 17.6. 1912, d. 7.5.
1991, húsmóður.
Synir Guðrúnar og Magnúsar
eru Tryggvi Magnússon, f. 16.11.
1963, viðskiptafræðingur og inn-
kaupastjóri við sjúkrahús í Berg-
en í Noregi en kona hans er Katrín
Rut Sigurðardóttir læknir og eru
börn þeirra Jónína Kristín Tryggva-
dóttir, f. 28.6. 1990, Magnús Karl
Tryggvason, f. 5.7. 1995 og Mikael
Freyr Tryggvason, f. 9.1. 2001; Ei-
ríkur Magnússon, f. 26.7. 1966, við-
skiptafræðingur og framkvæmda-
stjóri ORA, búsettur í Reykjavík en
kona hans er Hjördís Unnur Jóns-
dóttir, þjónustufulltrúi hjá Valitor
og eru börn þeirra Jón Birgir Eiríks-
son, f. 28.4. 1993, Guðrún Eiríks-
dóttir, f. 1.2. 1996 og Birna Kristín
Eiríksdóttir, f. 4.8. 2000; Magnús
Magnússon, f. 11.8. 1975, við-
skiptafræðingur og markaðsstjóri
Húsasmiðjunnar, búsettur í Reykja-
vík en kona hans er Ásdís Margrét
Finnbogadóttir hjúkrunarfræð-
ingur og eru börn þeirra Finnbogi
Óskar Magnússon, f. 14.5. 2002, Ei-
ríkur Ísak Magnússon, f. 18.1. 2008
og Auður Hilda Magnúsdóttir, f. 3.9.
2009.
Bróðir Guðrúnar var Þórólfur
Beck, f. 21.1. 1940, d. 18.12. 1999,
þekktasti knattpyrnumaður KR,
landsliðsmaður í knattspyrnu og
annar atvinnumaður Íslendinga í
knattspyrnu, fyrst í Skotlandi og síð-
an í Frakklandi.
Foreldrar Guðrúnar voru Eiríkur
Beck, f. 17.11. 1918, d. 26.2. 1951,
stýrimaður hjá Eimskipafélagi Ís-
lands, síðast á Selfossi en hann
lést af slysförum í Leith í Skotlandi,
og Rósbjörg Hulda Magnúsdótt-
ir Beck, f. 22.7. 1919, d. 6.12. 1981,
húsmóðir.
Ætt
Eiríkur var sonur Þórólfs Beck, skip-
stjóra í Reykjavík, bróður Sigríðar,
móður Eysteins Jónssonar ráðherra,
og dr. Jakobs Jónssonar sóknarprests
í Hallgrímskirkju, föður Svövu rithöf-
undar, Þórs veðurfræðings og Jökuls
leikritaskálds, föður rithöfundanna
Illuga, Hrafns og Elísabetar. Þórólfur
var sonur Hans Jakobs Beck, hrepp-
stjóra á Sómastöðum Christianson-
ar Beck, verslunarmanns á Eskifirði,
frá Vejle á Jótlandi. Móðir Hans var
María, systir Þórarins, afa Finns Jóns-
sonar listmálara og Ríkarðs Jóns-
sonar myndskera. María var dótt-
ir Richards Long, verslunarstjóra á
Reyðarfirði og ættföður Long-ættar.
Móðir Eiríks stýrimanns var Þóra
Beck, f. Kemp, dóttir Konráðs Kemp,
sjómanns á Eskifirði og á Búðareyri
við Reyðarfjörð Lúðvíkssonar. Móð-
ir Þóru var Ólafía Samúelsdóttir frá
Norðfirði.
Rósbjörg var dóttir Magnúsar,
sjómanns á Hellissandi og í Reykja-
vík Sigurðssonar, sjómanns í Seiglu
í Ólafsvík Sigurðssonar, b. á Fróðá
Sigurðssonar. Móðir Sigurðar Ólafs
var Anna, yfirsetukona Pálsdóttir,
b. í Vindási í Eyrarsveit Jónssonar,
bróður Ingveldar, langömmu Bryn-
dísar, ömmu Geirs Hallgrímssonar
forsætisráðherra, föður Hallgríms,
hrl. og fyrrv. framkvæmdastjóra Ár-
vakurs, og Finns framkvæmdastjóra.
Móðir Magnúsar var Þóra Kristbjörg
Magnúsdóttir, b. í Klettakoti Einars-
sonar, og Sigríðar Brandsdóttur, b. í
Miðskógum í Dölum Björnssonar, b.
á Sauðafelli Björnssonar.
Móðir Rósbjargar var Guðrún,
dóttir Jóhannesar, b. í Vindási í
Eyrar sveit, bróður Brands, útvegsb.
á Hallbjarnareyri, föður Kristínar,
konu Helga Pjeturs, og ömmu Stef-
áns Páls Þórarinssonar forstjóra.
Önnur dóttir Brands var Ingveldur,
móðir Brands Brynjólfssonar hrl.
Þriðja dóttir Brands var Una, móð-
ir Hjartar, sem var forstjóri O. Þor-
láksson og Norðmann. Una var auk
þess amma Gunnars Hanssonar,
fyrrv. forstjóra IBM, og amma Guð-
rúnar Hannesdóttur félagsfræð-
ings. Jóhannes var sonur Bjarna,
frá Norðursetu í Keflavík undir Jökli
Bjarnasonar, frá Hnausum Jónsson-
ar. Móðir Bjarna frá Norðursetu var
Þuríður Steindórsdóttir, í Keflavík
á Hellissandi Ketilssonar og Mar-
grétar Sveinsdóttur. Móðir Jóhann-
esar var Steinunn Jóhannesdóttir, frá
Kinn í Staðarsveit Sigurðssonar, b. í
Kinn Guðmundssonar. Móðir Stein-
unnar var Ingibjörg Þórarinsdóttir, b.
í Berserkjahrauni Helgasonar. Móðir
Guðrúnar Jóhannesdóttur var Rós-
björg Hallgrímsdóttir, b. í Miðhús-
um í Breiðuvík Hallgrímssonar, b. í
Blönduhlíð, bróður Þóru, langömmu
Berg, föður Guðbergs rithöfundar.
Hallgrímur var sonur Magnúsar, b.
í Hlíð Guðmundssonar. Móðir Hall-
gríms í Miðhúsum var Þóra Bjarna-
dóttir, b. á Dunkárbakka Þorsteins-
sonar, og Guðrúnar Brandsdóttur.
Móðir Rósbjargar var Þorbjörg Þor-
kelsdóttir, í Bárðarbúð í Hellnaplássi
Árnasonar, í Einarslóni Þorkelssonar.
Þorbjörg Þorkelsdóttir var hálfsystir,
sammæðra, Steinunnar Jóhannes-
dóttur.
Guðrún Beck
Húsmóðir í Reykjavík
Júlíana Sveinsdóttir
Listmálari f. 31.7. 1889 – d. 17.4. 1966
Merkir Íslendingar
Vaktsími: 581 3300 & 896 8242 – www.utforin.is – Allan sólarhringinn
Komum heim til aðstandenda ef óskað er
ÚTFARARSTOFA ÍSLANDS
Sverrir Einarsson Kristín Ingólfsdóttir Jón G. BjarnasonHermann Jónasson
70 ára 8. júlí sl.
H
eiðrún fæddist á Egils-
stöðum en ólst upp á Fá-
skrúðsfirði. Hún var í
Grunnskóla Fáskrúðs-
fjarðar og Árbæjar skóla,
stundaði nám við Menntaskól-
ann á Egilsstöðum og lauk þaðan
stúdentsprófi 2001, stundaði síðan
nám við Kennaraháskóla Íslands
og lauk þaðan grunnskólakenn-
araprófi 2004.
Heiðrún starfaði við hjúkrunar-
heimili á Fáskrúðsfirði og við Hótel
Bjarg á Fáskrúðsfirði, starfaði við
leikskólann Dal í Kópavogi og við
Landsbankann á Reyðarfirði.
Hún hefur verið kennari við
Grunnskólann á Fáskrúðsfirði frá
2004.
Heiðrún hefur starfað með
slysavarnardeildinni Hafdísi á Fá-
skrúðsfirði frá 2004.
Fjölskylda
Maður Heiðrúnar er Einar Vilhelm
Einarsson, f. 29.5. 1980, starfsmað-
ur Eimskipa á Reyðarfirði.
Sonur Heiðrúnar og Einars Vil-
helms er Auðunn Ölver Einarsson,
f. 16.4. 2006.
Systkini Heiðrúnar eru Kristrún
Selma Ölversdóttir Michelsen, f.
26.11. 1988, hjúkrunarfræðinemi;
Brynjar Ölversson, f. 9.8. 1991,
starfsmaður við loðnuvinnsluna á
Fáskrúðsfirði.
Foreldrar Heiðrúnar eru Ölver
Jakobsson Michelsen, f. 2.10. 1958,
húsvörður við íþróttahúsið á Fá-
skrúðsfirði, og Ólöf Linda Sigurð-
ardóttir, f. 1.7. 1962, grunnskóla-
kennari á Fáskrúðsfirði.
Heiðrún Ósk Ölversdóttir Michelsen
Grunnskólakennari á Fáskrúðsfirði
30 ára á laugardag
Guðmundur Frímann
rithöfundur og kennari f. 29.7. 1903 – d. 14.8. 1989
Merkir Íslendingar