Dagblaðið Vísir - DV - 29.07.2011, Page 68

68 | Sport 29. júlí – 2. ágúst 2011 Helgarblað
Frægar og
fyndnar
tilvitnanir
Knattspyrnumenn og þjálfarar láta sér oft misgáfuleg orð um
munn fara. Margt af því sem stærstu nöfn fótboltasögunnar hafa
óvart látið út úr sér verður lengi í minnum haft. DV tók saman
nokkur dæmi af því besta sem ætti að kitla hláturtaugarnar.
Sir Bobby Robson
„Við vanmátum Kamerúna ekki. Þeir voru
bara miklu betri en við bjuggumst við.“
„Það eru fyrstu níutíu mínúturnar sem skipta mestu
máli!“
„Við fljúgum með Concorde-vélinni. Það styttir
vegalengdina.“
„Ég myndi gefa hægri höndina til að verða píanisti.“
„Ég vil ekki að liðið mitt gefi stuttar sendingar og
ekki langar sendingar. Mér finnst stuttar og langar
sendingar það sem fótbolti snýst um.“
„Það mun koma sá leikur þar sem eitthvert lið skorar
meira en Brasilía og það gæti verið leikurinn sem
Brasilía tapar.“
„Hann hittir alltaf á markið – en þarna skaut hann
fram hjá.“
Kevin Keegan
„Nígería getur huggað sig við það
að vera 2–0 undir svona snemma
í leiknum.“
„Ég kom til Nantes fyrir tveimur árum og það
hefur lítið breyst, fyrir utan að allt er breytt.“
„Þessir leikmenn sem eru 33 og 34 ára í dag
verða orðnir 35 eða 36 ára þegar HM byrjar eftir
tvö ár ef þeir passa sig ekki.“
„Markverðir fæðast ekki fyrr en þeir eru orðnir
tvítugir eða þrítugir og stundum ekki einu sinni
þá.“
„Ég er ekki sár – bara sár.“
„Við áttum skilið að vinna þennan leik eftir að
hafa verið að rústa þeim 0–0 í hálfleik.“
„Það er vafi með Tony Adams fyrir morgundag-
inn en hann mun ekki spila.“
„Síle hefur þrjá möguleika í dag. Það getur
unnið eða tapað.“
Brian Clough
„Ég myndi ekki segja að
ég væri besti knatt-
spyrnustjórinn á Englandi en ég er í
topp einum.“
„Þeir segja að Róm hafi verið byggð á
einum degi en ég starfaði ekki við þá
framkvæmd.“
„Ganga á vatni? Ég veit að fólk
segir að í stað þess að ganga á vatni
hefði ég átt að blanda því út í suma
drykkjanna minna. Það er alveg hár-
rétt hjá þeim!“
„Ég get ekki einu sinni stafað spagettí,
hvað þá talað ítölsku. Hvernig ætti
ég að fara að því að segja Ítala að ná í
boltann? Hann gæti gripið í minn.“
Sir Alex
Ferguson
„Ef við gætum spilað svona í hverri viku myndum
við ná upp smá stöðugleika.“
„Eins og með alla unga leikmenn er hann aðeins
átján ára.“
„Andy Cole ætti að skora af þessu færi. En ég vil
ekki taka hann fyrir.“
Jose
Mourinho
– um erfiðleika við að fá unga leikmenn
til Chelsea
„Ungir leikmenn eru eins og melónur. Það er ekki
fyrr en þú opnar melónuna og bragðar á henni
að þú ert 100 prósent viss um að melónan sé
góð. Stundum er maður með fallega melónur en
þær bragðast ekki vel. Aðrar melónur eru ljótar
en þegar maður opnar þær eru þær frábærar.
Unglingafótbolti er eitt og atvinnufótbolti er
annað. Það er erfitt að komast yfir brúna en
ungir leikmenn þurfa að spila með okkur og æfa
til að bragða á melónunni. Tökum Scott Sinclair
sem dæmi: Miðað við hvernig hann spilaði
gegn Arsenal og Man. United vitum við hvernig
melóna hann er.“
Ron
Atkinson
„Ég tjái mig aldrei um dómarana og ég
ætla ekki að bregða út af vananum í
dag fyrir þetta fífl.“
„Það er enginn í betra formi miðað við
aldur en Gordon Strachan. Nema þá
kannski Raquel Welch.“
„0–0 eru stórar tölur.“
„Annað hvort liðið getur unnið þennan
leik í dag eða hann getur endað með
jafntefli.“
Ian Rush
– um veru sína hjá Juventus
„Ég kom mér aldrei nægilega vel fyrir
á Ítalíu – þetta var eins og að búa í
öðru landi.“
Ronaldo
„Við töpuðum því við unnum ekki.“
Harry Redknapp
„Dani er svo fallegur. Ég veit ekki hvort ég eigi að láta hann
spila eða sofa hjá honum.“
„Miðað við hvernig hausinn á Ian Dowie er í laginu hlýtur
hann að hafa skorað mikið af mörkum með skalla.“
Ian Holloway
– eftir sigur QPR gegn Chesterfield
„Þegar maður er úti á lífinu reynir
maður alltaf að fá einhverja dömu
með sér heim. Sumar helgar
eru þær fallegar og aðrar helgar
eru þær ekki upp á marga fiska.
Frammistaða okkar var ekkert
sérstaklega falleg stúlka en við
komum henni að minnsta kosti
inn í leigubílinn.“
Wayne Bridge
– eftir sigur Chelsea á Arsenal í
deildarbikarnum 2007
„Það mikilvæga var að við náðum í
þessi þrjú stig.“
Ruud Gullit
„Við vorum með boltann eflaust 99 prósent af
leiknum. Það voru hin þrjú prósentin sem fóru alveg með
okkur.“