Dagblaðið Vísir - DV - 04.11.2011, Qupperneq 13

Fréttir | 13Helgarblað 4.–6. nóvember 2011
segi það sem ég þrái að heyra, að hann
vilji og muni gera allt sem í hans valdi
stendur til að hjálpa syni mínum.“
Skólinn talar um atlögu
Bréf sem foreldrar barna í fjórða
bekk skólans fengu sent frá skólan-
um gefur þó ekki til kynna að skóla-
stjórinn muni hringja í bráð. Þar er
meðal annars talað um atlögu að
skólanum en það voru umsjónar-
kennarar í fjórða bekk sem sendu
bréfið. „Mér finnst þetta vera bara
það sama og hefur verið. Kennararn-
ir standa saman og með skólastjór-
anum. Það lítur ekki út fyrir að þeir
ætli að gera neitt í þessum málum,“
segir Elsa Margrét.
Með orðinu atlaga yfir umfjöll-
un um mál Gabríels Víðis segir hún
að kennararnir líti greinilega svo á að
þetta sé persónuleg árás á skólann.
„Mér þykir sárt að þeir líti svo á málið,“
segir Elsa Margrét.
Í bréfinu segir meðal annars: „Við
í Árbæjarskóla leggjum áherslu á að
samskipti einstaklinga grundvallist á
gagnkvæmri virðingu, kurteisi og til-
litssemi þannig að öllum líði vel. Í
starfi okkar með börnunum ykkar höf-
um við haft að leiðarljósi að vinna af
fagmennsku, alúð og samviskusemi. 
Sú atlaga sem gerð hefur verið
að skólanum okkar síðustu daga er
kannski bara birtingarmynd af því
samfélagi sem við lifum í. Við von-
um þó að þessi umfjöllun hafi haft
sem minnst áhrif á börnin okkar. Það
er ljóst að við getum ekki  rætt mál-
efni  einstakra nemenda hvorki við
nemendur okkar né foreldra annarra
barna. Við umsjónarkennarar í 4. bekk
ræðum þó reglulega við nemendur
okkar um mikilvægi góðra samskipta
og hvernig hver og einn getur lagt sitt
af mörkum til að efla góðan anda inn-
an skólans. Einnig hvetjum við ykkur
foreldra til að ræða við börnin á sömu
nótum.“
Ráðgjafi sendi bréf á skólann
Fjölmargir hafa veitt Elsu Margréti
stuðning, hvatt hana áfram og boðið
fram aðstoð sína. Þeir Einar Bárðar-
son, Logi Geirsson og Ingó í Veðurguð-
unum sóttu drenginn til dæmis í skól-
ann á mánudaginn og gerðu honum
glaðan dag.
Vænst þykir henni þó um að einn af
aðalgerendum í eineltinu gegn Gabrí-
el hafði samband við hann og sagði:
„Ég vil ekki að þú deyir,“ baðst afsök-
unar og bauð honum í afmælið sitt.
Það segir henni að hún gerði rétt með
því að segja frá ástandinu.
En þeir eru fleiri sem hafa lát-
ið sig málið varða. Ragnar Hall-
dórsson ráðgjafi í mannlegum
samskiptum hringdi í skólastjóra Ár-
bæjarskóla, Þorstein Sæberg, en sam-
skiptum þeirra lauk er Þorsteinn
skellti á Ragnar, að hans sögn. Í kjöl-
farið sendi Ragnar bréf á Þorstein,
starfsmenn skólans, menntamála-
ráðuneytið og menntasvið Reykjavík-
urborgar sem hófst á þessum orðum:
„Sæll Þorsteinn. Það var huggulegt af
þér að skella á mig þegar ég hringdi í
þig sem almennur borgari sem þekkir
börn í Árbæjarskóla, til að fræðast um
hin alvarlegu eineltisvandamál skól-
ans í gær.“
Bréfið hélt áfram og sagði Ragnar
meðal annars: „Þótt þú virtist halda
að það sé afsökun að einelti viðgangist
e.t.v. í öðrum skólum, svona eins og að
það afsaki ofbeldi að benda á að það
viðgengst annars staðar, viðurkennd-
irðu þó að 0 umburðarlyndi gagnvart
einelti væri rétt.“
Lætur sig einelti varða
DV spurði Ragnar út í ástæður þess
að hann hafði samband við Þorstein
og ákvað að senda þennan tölvupóst
í kjölfarið. „Allt frá barnæsku hef ég
látið mig eineltismál varða. Ég varð
vitni að því þegar strákarnir í bekknum
voru allir að ráðast á feitasta strákinn
í bekknum. Ég var ári á undan í skóla
og var því átta ára í níu ára bekk en fór
til hans og stóð með honum. Ég veit
ekki af hverju en ég hef alltaf tekið af-
stöðu gegn einelti, eins og fleiri, sem
betur fer.
Almennt læt ég mig varða það sem
er að gerast í kringum mig og finnst
að við eigum öll að gera það og skipta
okkur af ef eitthvað er að. Það þora því
ekki allir og á því hugleysi þrífast þeir
sem beita ofbeldi. Ofbeldi þrífst á því
að þeir sem verða vitni að því eru of
hræddir til að skipta sér af. Það þarf
hugrekki til að vilja leggja góðu mál-
efni lið.“
Hringdi til að fræðast um
eineltismál
Ragnar segist starfa sem sjálfstætt
starfandi ráðgjafi. Hans sérgreinar eru
samskipti, samskiptakerfi og hvern-
ig þau líta út innan stofnana, krísu-
stjórnun og þess háttar. Og hann er
alls ófeiminn við að setja sig í sam-
band við fólk þegar mál vekja áhuga
hans. „Besta leiðin til að athuga mál er
að eiga samskipti, tala við fólk. Maður
sem starfar sem skólastjóri og hefur
áhuga á velferð barna er líklegur til að
vilja ræða lausnir á málum. Því hringdi
ég í skólastjórann til að fræðast um
hans sýn á eineltismál.“
Segir hann hafa skellt á
Ragnar hringdi tvisvar eða þrisvar
áður en hann náði í Þorstein. „Símtal-
ið varði stutt. Þegar við náðum saman
fór hann strax í mikla vörn þótt ég væri
kurteis. Áður hafði ég talað við skóla-
stjóra Garðaskóla um sama efni og átt
við hann mjög gott og vinsamlegt sam-
tal sem og bæjarstjórann þar.
Ég kynnti mig með nafni og hann
spurði hver ég væri. Ég sagði hon-
um að ég væri ráðgjafi og að ég hefði
áhuga á að fræðast um málefni Ár-
bæjarskóla varðandi einelti, líkt og ég
hafði sagt skólastjóra Garðaskóla. Þá
svaraði hann því til að einelti væri ekki
verra í Árbæjarskóla en í öðrum skól-
um og spurði hvort ég vissi um ein-
hvern skóla þar sem ekkert einelti er.
Ég sagði að það gæti vel verið, en
það skipti engu máli, við værum að
ræða Árbæjarskóla. Hann sagði þá
að níutíu prósent nemenda hefðu
það gott. Hvað með hin tíu prósent-
in? spurði ég þá. Þá var hann við það
að missa stjórn á skapi sínu. Og þeg-
ar ég sagði að núll prósent umburð-
arlyndi fyrir einelti væri nauðsynlegt
samsinnti hann því en bætti því við
að hann ætlaði sér ekki að ræða meira
við mig. Jæja, er það ekki, hvers vegna
ekki? spurði ég og hann skellti á,“ segir
Ragnar.
Þarf að uppræta umburðarlyndið
„Í kjölfarið sendi ég honum þessa hug-
leiðingu og taldi eðlilegt að aðrir í skól-
anum fengu að vita af því. Ef tíu eða
tuttugu börn í Árbæjarskóla þjást þá
finnst mér skárra að styrkja þeirra mál-
stað en að gera ekki neitt. Og ég vona
að ég hafi sáð einhverjum fræjum.
Eins sendi ég afrit til þeirra stofn-
ana sem hafa eitthvað um menntamál
að segja. Mér finnst eðlilegt að þeir
sem beri ábyrgð fái að fylgjast með
því sem er að gerast í þeim stofnunum
sem undir þá heyra,“ segir Ragnar og
bætir því við að börn séu að deyja af
því að þau þjást, meðal annars í skól-
anum. „Við þurfum að taka á þessu.
Það er ekki erfitt að berjast gegn ein-
elti. Við þurfum bara að uppræta um-
burðarlyndið gagnvart því.“
Ekki náðist í skólastjóra Árbæjar-
skóla við vinnslu þessarar fréttar.
Fréttamaður sýknaður:
Svavar lagði
Jón Ásgeir
Svavar Halldórsson, fréttamaður
RÚV, var í Héraðsdómi Reykjaness á
fimmtudag sýknaður í meiðyrðamáli
sem Jón Ásgeir Jóhannesson höfð-
aði á hendur honum. Jón Ásgeir var
dæmdur til að greiða Svavari eina
milljón króna í málskostnað. Þetta
er í annað skiptið á stuttum tíma
sem Svavar er sýknaður því hann
var einnig sýknaður í meiðyrðamáli
sem Pálmi Haraldsson, kenndur við
Fons, höfðaði.
Jón Ásgeir höfðaði mál á hendur
Svavari vegna fréttaflutnings hans
af meintum fjármagnsflutningum
Jóns, Pálma og Hannesar Smárason-
ar í Panama-fléttunni svokölluðu.
Fréttin snéri að lánaviðskiptum Fons
sem vorið 2007 átti að hafa veitt 3
milljarða lán til fyrirtækisins Pace
Associates í Panama. Um hafi verið
að ræða skipulagða viðskiptafléttu
sem snúið hafi að því að koma pen-
ingunum út til Panama og þeir hafi
síðan með krókaleiðum endað í vasa
þremenninganna.
Jón Ásgeir taldi að fréttin yrði
ekki skilin öðruvísi en að hann
hefði gerst sekur um auðgunarbrot
og krafðist þriggja milljóna króna í
miskabætur auk dráttarvaxta.
Dómari málsins sagði í niður-
stöðu sinni meðal annars að í ljósi
þeirra aðstæðna sem sköpuðust hér
á landi eftir bankahrunið yrði Jón
Ásgeir að þola nærgöngula umræðu
um verk sín og þátttöku í viðskipta-
lífinu. Lánveitingar og fjármagns-
flutningar í aðdraganda banka-
hrunsins væru mikilvægar fréttir og
ættu brýnt erindi við almenning.
Telur dómarinn að fara beri varlega
í að hefta slíka umræðu með refsi-
kenndum viðurlögum.
Svavar bar því við fyrir dómi að
fréttin byggðist á heimildum, munn-
legum og skriflegum, sem hann hafi
metið trúverðugar. Hann þurfti ekki
að færa fram sönnun fyrir þessum
ummælum enda hafi réttur frétta-
manna til að vernda heimildar-
menn sína verið staðfestur. Þá þótti
dómara málsins Svavar hafa sýnt
nægilega fram á að hann hafi reynt
að ná til Jóns Ásgeirs áður en fréttin
var flutt og því hafi hann ekki brotið
starfsreglur RÚV að því leyti.
Vilja jákvæða
umfjöllun
Formaður Skólastjórafélags Íslands
og varaformaður Félags grunnskóla-
kennara sendu frá sér yfirlýsingu þar
sem gagnrýnt er að fjallað sé um
tilfelli eineltis í fjölmiðlum. Þeir vilja að
umræða um tilfelli eineltis haldist innan
skóla eða sveitarfélaga, en séu ekki
rædd í fjölmiðlum.
Í yfirlýsingunni, sem undirrituð er af
Svanhildi Maríu Ólafsdóttur, formanni
Skólastjórafélagsins, og Guðbjörgu
Ragnarsdóttur, varaformanni Félags
grunskólakennara, er farið fram á
jákvæðari umfjöllun um eineltismál.
„Skólar eru með forvarnastefnur og
eineltisáætlanir og vinna eftir þeim,“
segir í yfirlýsingunni. „Áhugavert væri að
fjölmiðlar kynntu sér þau mál og fjölluðu
um þau á jákvæðan og uppbyggilegan
hátt.“
Er ætlunin að bæta á vandann?
„Í tilefni af umræðu DV nú á haustmán-
uðum um eineltismál í skólum spyrjum
við hvaða tilgangi þjónar sá fréttaflutn-
ingur og umræða,“ segir í yfirlýsingunni.
Þar er spurt hvort ætlunin með
umfjöllun um eineltismál sé að auka
eineltisvandann. „Er slíkum fréttaflutn-
ingi og umræðu ætlað að vekja athygli á
og leysa eineltismál í skólum eða bæta
á vandann?“
Yfirlýsingin er birt í heild sinni á DV.is.
Vilja sætta móður og skóla
n Menntasvið borgarinnar bauð Elsu Margréti sáttafund með skólanum n Kennarar
tala um atlögu að skólanum n Telja eineltið ekki eins og alvarlegt og móðirin vill meina
Góður dagur Gabríel Víðir skemmti sér konunglega þegar þeir Einar Bárðarson, Logi Geirs-
son og Ingó í Veðurguðunum sóttu hann í vikunni.
„Mér fannst
samt eins
og mér væri ekki
trúað. Það er
óþægileg
tilfinning.