Dagblaðið Vísir - DV - 04.11.2011, Side 30

30 | Ættfræði Umsjón: Kjartan Gunnar Kjartansson kjartan@dv.is 4.–6. nóvember 2011 Helgarblað
I
ngimundur fæddist í Reykjavík
og ólst þar upp í Vesturbænum.
Hann var í Melaskóla, Landa-
kotsskóla og Tjarnarskóla,
stundaði nám við Kvenna-
skólann og lauk þaðan stúdents-
prófi, stundaði nám við Viðskiptahá-
skólann á Bifröst og lauk þaðan
BSc.-prófi í viðskiptafræði, stund-
aði síðan nám við Viðskiptaháskóla
Kaupmannahafnar og lauk þaðan
MSc.-prófi í viðskiptafræði 2008.
Ingimundur starfaði við bílaleig-
una ALP/Budget í Keflavík á sumrin
á árunum 2000–2005, er hann flutti
til Danmerkur.
Ingimundur er vörumerkjastjóri
hjá heildsölunni Sigurborg ehf. og
starfar nú tímabundið sem aðstoðar-
framkvæmdastjóri fyrirtækisins.
Ingimundur hefur starfaði í Björg-
unarsveit Hafnarfjarðar frá 2008.
Hann er mikill áhugamaður um fjall-
göngur og fjallaferðir á ýmsum farar-
tækjum. Þá er hann skotveiðimaður
og hefur nýverið náð í rjúpur í jóla-
matinn.
Fjölskylda
Eiginkona Ingimundar er Elísabet
Tania Smáradóttir, f. 29.10. 1982, BSc.
í viðskiptafræði og Boot Camp-ari.
Dætur Ingimundar og Elísabetar
eru Kristjana Guðrún Ingimundar-
dóttir, f. 8.8. 2007; Rannveig Freyja
Ingimundardóttir, f. 23.3. 2011.
Systkini Ingimundar eru Aðal-
steinn Norberg, f. 6.10. 1961, ráðgjafi
við innflutningsdeild Eimskips, bú-
settur í Reykjavík; Sigfús Bjarni Sig-
fússon, f. 5.12. 1968, framkvæmda-
stjóri Hertz Bílaleigu, búsettur á
Seltjarnarnesi; Margrét Ása Sigfús-
dóttir, f. 1.10. 1971, framkvæmda-
stjóri, búsett í Reykjavík; Rannveig
Sigfúsdóttir, f. 27.10. 1975, MS-nemi
við Háskólann í Reykjavík, búsett
í Reykjavík; Guðrún Helga Sigfús-
dóttir, f. 4.7. 1980, kennari, búsett í
Reykjavík; Stefán Þór Sigfússon, f.
20.3. 1984, MS-nemi við Háskólann
í Reykjavík.
Foreldrar Ingimundar eru Sig-
fús Ragnar Sigfússon, f. 7.10. 1944,
athafnamaður í Reykjavík, og Guð-
rún Norberg, f. 14.4. 1942, fyrrv. leik-
skólastjóri, húsmóðir og flugfreyja.
Ætt
Sigfús er sonur Sigfúsar Bjarnasonar,
forstjóra Heklu, og Rannveigar Ingi-
mundardóttur húsmóður.
Guðrún er dóttir Aðalsteins Nor-
berg, ritsímastjóra í Reykjavík, og
Ásu Berndsen, húsmóður og hár-
greiðsludömu í Reykjavík.
M
ár fæddist í Reykjavík og
ólst þar upp í Vogunum til
átta ára aldurs en síðan við
Klapparstíginn. Hann var í
Austurbæjarskóla og Borg-
arholtsskóla þar sem hann lauk próf-
um í pípulögnum, lauk sveinsprófi í
pípulögnum 2006, stundaði nám við
Tækniskólann og lauk þaðan prófi í
grafískri miðlun 2011.
Már var í sveit á sumrin frá sex ára
aldri, fyrst að Bergþórshvoli, síðan
á Snæbýli í Skaftártungum og loks í
Hallgeirsey í Austur-Landeyjum.
Már var pítsusendill við Pizzahöll-
ina við Dalbraut, var síðan bakari hjá
Pizzahöllinni í Mjóddinni og loks
verslunarstjóri við Pizzahöllina á Aust-
urströnd. Hann hóf síðan að vinna við
pípulagnir á sumrin og með skóla.
Fjölskylda
Már kvæntist
4.11. 2006 Henný
Birnu Peder-
sen, f. 6.3. 1982,
nema.
Börn Más og
Hennýjar eru
Henný Katrín
Hall, f. 27.1. 2006;
Einar Ebenezer Hall, f. 14.11. 2010.
Hálfsystir Más er Eva Gunnars-
dóttir, f. 29.1. 1979, starfsmaður hjá
ríkisskattstjóra.
Albróðir Más er Ingimar Hall, f.
18.3. 1987, lagermaður hjá Svefni og
heilsu.
Foreldrar Más eru Lára Ingi-
marsdóttir, f. 26.8. 1956, búsett
í Reykjavík, og Steindór Hall, f.
22.4. 1950, pípulagningameistari í
Reykjavík.
K
ristín fæddist í Reykjavík
og ólst þar upp í Fossvogi.
Hún var í Fossvogsskóla og
Réttarholtsskóla, stundaði
nám við Fjölbrautaskólann
í Breiðholti og lauk þaðan stúdents-
prófi af listnámsbraut, stundaði nám
í listfræði við Háskóla Íslands og lauk
þaðan BA-prófi 2007 og lauk MA-prófi
í samtímalistfræðum frá Listaháskól-
anum í Edinborg í Skotlandi 2009.
Kristín var sýningarstjóri, m.a. fyr-
ir sýninguna Að elta fólk og drekka
mjólk, í Hafnarborg í Hafnarfirði, árið
2010, og sá um Sequences, sjónlist-
arhátíð, 2009. Hún er nú verkefna-
stjóri hjá Listasafni Reykjavíkur þar
sem hún hefur starfað frá ársbyrjun
2011.
Fjölskylda
Maður Kristínar
er Magnús Árna-
son, f. 21.8. 1977,
myndlistarmaður.
Systkini Krist-
ínar eru Svein-
björn Jóhannes-
son, f. 12.7. 1967,
endurskoðandi,
búsettur í Reykjavík; Ína Rós Jóhann-
esdóttir, f. 4.11. 1972, geðhjúkrunar-
fræðingur og deildarstjóri við geðdeild
Landspítalans, búsett í Reykjavík;
Karólína Jóhannesdóttir, f. 2.5. 1980,
kennari og húsmóðir í Vínarborg.
Foreldrar Kristínar eru Jóhannes
Tryggvason, f. 5.12. 1945, fram-
kvæmdastjóri í Reykjavík, og Margrét
Kristinsdóttir, f. 8.3. 1948, grunnskóla-
kennari í Reykjavík.
G
uðrún fæddist á Grund í Þor-
valdsdal á Árskógsströnd, ólst
upp í Litla-Árskógi á Árskógs-
strönd, hafði búsetu á Ísafirði
1945–89 en flutti þá í Kópavog-
inn og hefur átt þar heima síðan.
Guðrún stundaði nám við Hús-
mæðraskólann að Laugalandi, Eyja-
firði 1940–41, stundaði nám við þá
nýstofnaða vefnaðarkennaradeild
Húsmæðraskólans á Hallormsstað
1943–45, lærði jurtalitun hjá Matthildi
Halldórsdóttur í Garði í Aðaldal sum-
arið 1945, og stundaði listvefnaðarnám
í Uppsölum í Svíþjóð sumarið 1948.
Guðrún var aðstoðarstúlka í vefnaði
1941–42, heimilisfarkennari í vefnaði á
vegum Eyfirska kvenfélagasambands-
ins, hóf störf sem vefnaðarkennari við
gamla húsmæðraskólann á Ísafirði
haustið 1945, hafði umsjón með vefn-
aði á gluggatjöldum og áklæði fyrir
nýja skólann, Húsmæðraskólann Ósk,
sem þá var í byggingu, veturinn 1947–
48, og var vefnaðarkennari við skólann
til ársloka 1988.
Auk þess að kenna vefnað kenndi
Guðrún nemendum vélprjón, sem hún
hafði lært hjá Lilju Gísladóttur á Akur-
eyri. Halldóra Eggertsdóttir, námsstjóri
húsmæðraskólanna, fól Guðrúnu að
halda námskeið í vélprjóni fyrir hús-
mæðrakennara.
Guðrún hefur flutt ýmis erindi um
vefnaðarkennslu og heimilisiðnað á
fundum kvenfélagasambanda og ann-
arra félaga.
Guðrún fór orlofsferð um Norður-
lönd 1958–59, stundaði þá m.a. nám
við vefnaðarkennaradeild Den Kvinde-
lige Industriskole í Osló, Nyckelviks-
skolan og Handarbetets venners vev-
skole í Svíþjóð, sótti sérstakt námskeið
fyrir vefnaðarkennara í teikningu, lita-
fræði og í að vefa eftir eigin teikningum
við Husflidshøjskolen í Kerteminde í
Danmörku, og kynnti sér þjóðlegan
handvefnað í Helsinki, Lathi og víðar.
Guðrún stofnaði Vefstofu Guðrúnar
Vigfúsdóttur hf., að Hafnarstræti 20 á
Ísafirði 1962, og var hún starfrækt í tutt-
ugu og sex ár. Þar unnu tólf til fjórtán
manns þegar mest var en sem dæmi
um framleiðsluna má nefna, værðar-
voðir, sjöl og kjóla úr íslenskri ull. Byrj-
að var að vefa kirkjuskrúða árið 1978 og
hafa verið ofnir um þrjátíu höklar.
Sýningar á framleiðslunni hafa ver-
ið fjölmargar, innanlands sem utan,
m.a. í Lillehammer og Þrándheimi
í Noregi 1981, þar sem einum lista-
manni frá hverju landi var boðin þátt-
taka. Vefstofan var fulltrúi Íslands á
norrænni kirkjulistarsýningu í Sorø
í Danmörku 1982, sýndi fjölbreyttan
fatnað á Hótel Sögu 1976, tók þátt í
sýningunum Íslensk föt 1976 og 1978
í Laugardalshöll ásamt þátttöku í sýn-
ingu á vegum Íslensks heimilisiðnaðar
á Listahátíð 1982.
Á sýningunni Þræðir sem haldin
var í Gerðasafni, árið 2006, voru sýnd-
ir handofnir kjólar frá Vefstofunni,
ásamt fjórum höklum sem Guðrún
óf fyrir Digraneskirkju. Yfirlitssýning
á vefnaði Guðrúnar hefur staðið yfir í
Heimilisiðnaðarsafninu á Blönduósi
frá því í byrjun júní og stendur þar enn
yfir, undir heitinu Úr smiðju vefarans
mikla.
Guðrún gaf út bókina Við vefstólinn
í hálfa öld - lifandi vefnaðarlist í máli
og myndum, 1998, sem fjallar um ævi
og starf á sviði vefnaðar. Þar er einnig
að finna myndir af alþýðulist þriggja
bræðra Guðrúnar.
Guðrún leiðbeindi eldri borgurum
í Kópavogi í vefnaði, um árabil, fyrst
á vegum Félagsstarfs aldraðra í Kópa-
vogi en síðar á vegum áhugaklúbbs um
vefnað í félagsmiðstöðvum aldraðra í
Gullsmára og Gjábakka.
Guðrún var ritari og síðar formaður
Kvenfélags Ísafjarðarkirkju um skeið,
formaður orlofsnefndar húsmæðra
á Ísafirði og nágrenni, sat um árabil í
sóknarnefnd Digraneskirkju í Kópa-
vogi og stóð fyrir vefnaði á höklum og
fylgihlutum í tilefni af vígslu kirkjunnar
1994 í samvinnu við arkitekt kirkjunnar
og sóknarnefnd.
Guðrún var sæmd riddarakrossi ís-
lensku fálkaorðunnar, 1976, fyrir störf í
þágu íslensks ullariðnaðar.
Fjölskylda
Guðrún giftist 2.7. 1950 Gísla Sveini
Kristjánssyni, f. 25.11. 1906, d. 22.10.
1978, íþróttakennara og síðar sund-
hallarforstjóra á Ísafirði. Hann var úr
Bolungarvík, sonur Sigríðar Hávarðar-
dóttur og Kristjáns Gíslasonar.
Dóttir Guðrúnar og Gísla er Eyrún
Ísfold Gísladóttir, f. 11.10. 1950, tal-
meinafræðingur, búsett í Kópavogi, gift
Sturlu R. Guðmundssyni rafmagns-
tæknifræðingi og eru börn þeirra Gísli
Örn Sturluson, f. 2.3. 1974, tölvunar-
fræðingur og flugmaður en sambýlis-
kona hans er Marie Persson, starfs-
maður við Norræna húsið og eru
dætur þeirra Eyrún Linnea og Hanna
Ísabella; Snorri Björn Sturluson, f. 6.11.
1980, nemi í lögfræði við Háskólann
í Reykjavík; Guðrún Jóhanna Sturlu-
dóttir, f. 18.2. 1986, nemi í fatahönnun
við Listaháskóla Íslands.
Systkini Guðrúnar: Hulda Vigfús-
dóttir, f. 16.8. 1914, d. 31.5. 2007, var
búsett í Ásbyrgi í Hauganesi á Árskógs-
strönd; Georg Vigfússon. f. 19.9. 1915,
búsettur á Litla-Árskógssandi; Krist-
ján Eldjárn Vigfússon, f. 28.7. 1917, d.
12.11. 2001, var búsettur á Litla-Ár-
skógssandi á Árskógsströnd; Hannes
Vigfússon, f. 28.3. 1919, búsettur á
Litla-Árskógssandi; Jón Vigfússon, f.
25.5. 1920, búsettur í Reykjavík; Jó-
hanna Gíslína Vigfúsdóttir, f. 11.2.
1925, búsett á Akureyri.
Foreldrar Guðrúnar voru Vigfús
Kristjánsson, f. 7.2. 1889, d. 8.10. 1961,
útvegsbóndi og smiður á Litla-Ár-
skógi, Árskógsströnd og k.h., Elísabet
Jóhannsdóttir, f. 18.10. 1891, d. 14.6.
1975, húsmóðir.
Ætt
Vigfús var bróðir Jóhanns Friðriks,
byggingarmeistara og arkitekts, afa
Gunnars Svavarssonar, viðskipta-
fræðings og forstjóra. Vigfús var sonur
Kristjáns, b. á Litlu-Hámundarstöðum
Jónssonar, b. þar, bróður Hallgríms,
langafa Guðjóns B. Ólafssonar, for-
stjóra SÍS. Annar bróðir Jóns var Þor-
lákur, langafi Björns Th. Björnssonar
listfræðings. Jón var sonur Hallgríms,
b. á Stóru-Hámundarstöðum Þorláks-
sonar, dbrm. á Skriðu Hallgrímssonar,
bróður Gunnars, afa Tryggva Gunnars-
sonar bankastjóra og langafa Hannes-
ar Hafstein. Annar bróðir Þorláks var
Jón í Lóni, langafi Pálínu, móður Her-
manns Jónassonar forsætisráðherra,
föður Steingríms forsætisráðherra,
föður Guðmundar alþm. Móðir Krist-
jáns var Þuríður Helga Stefánsdóttir, b.
í Hraukbæ Jónssonar. Móðir Jóhanns
var Guðrún Vigfúsdóttir, útvegsb. á
Hellu, bróður Þorvalds, afa Jóhanns
Sigurjónssonar skálds og Snjólaugar,
ömmu Magnúsar Magnússonar sem
var dagskrárgerðarmaður hjá BBC.
Vigfús var sonur Gunnlaugs, b. á Hellu
Þorvaldssonar. Móðir Guðrúnar var
Anna Rósa Þorsteinsdóttir, b. á Skálda-
læk Jónssonar, og Rósu Jónsdóttur,
systur Sigríðar, langömmu Rósu, móð-
ur Baldvins Tryggvasonar, fyrrv. spari-
sjóðsstjóra.
Elísabet var dóttir Jóhanns, for-
manns á Hinriksmýri á Árskógsströnd
Jóakimssonar, húsmanns í Höfðahverfi
og á Svalbarðsströnd Þorsteinssonar.
S
igurður fæddist í Reykjavík
og ólst þar upp í Kleppsholt-
inu. Hann var í Langholts-
skóla og síðan í Gagnfræða-
skóla verknáms.
Sigurður stundaði lengi versl-
unarstörf hjá föður sínum, vann við
málningarvinnu og framleiðslu á
málningu hjá Málningu hf. og sinnti
bílamálun. Hann hóf störf hjá SÁÁ
1978, var þar lengi ráðgjafi, síðan
dagskrárstjóri á Endurhæfingar-
stöð SÁÁ í Vík á Kjalarnesi en er nú
fræðslustjóri hjá SÁÁ.
Sigurður tók þátt í starfi skáta-
hreyfingarinnar á yngri árum og æfði
fimleika með ÍR. Hann hefur stund-
að hlaup um árabil, hefur tekið þátt í
fjölda langhlaupa, hér og erlendis, og
hefur verið einn fremsti langhlaupari
landsins.
Fjölskylda
Sigurður kvæntist 23.7. 1977, Guð-
mundu Jóhannsdóttur, f. 18.5. 1933,
hönnuði.
Börn Sigurðar af fyrra hjónabandi:
Sigurður Einar, f. 1960, læknir, maki
Steinunn Hauksdóttir; Gunnsteinn,
f. 1964, þroskaþjálfi og kennari, maki
Ingigerður Stefánsdóttir; Sævar, f.
1968, rafvirkjameistari, maki Hafdís
Hafsteinsdóttir; Eydís Ósk, f. 1970,
hjúkrunarforstjóri, maki Sigursveinn
Þórðarson.
Börn Guðmundu: Hugrún Hrönn,
maki, Þórarinn Þorleifsson; Guðrún
Jónína Mjöll, maki Gylfi Þór Þorsteins-
son; Rúnar skólastjóri, maki Arna
Vignisdóttir; Jóhann flugstjóri, maki
Elsa Óladóttir; Steinar pípulagninga-
meistari, maki Marina Mendonca.
Systkini Sigurðar: Egill Marberg
vélstjóri; Sigrún Head, deildarstjóri í
Bandaríkjunum.
Foreldrar Sigurðar: Gunnsteinn Jó-
hannsson, f. 25.7. 1915, d. 28.8. 1990,
kaupmaður í Reykjavík, og k.h., Stein-
vör Ágústa Egilsdóttir, f. 8.8. 1920, d.
12.10. 1975, húsmóðir.
Sigurður tekur á móti fjölskyldu,
vinum og samstarfsmönnum í Von, að
Efstaleiti 7, sunnudaginn 6.11. milli kl.
16.00 og 19.00.
Guðrún J. Vigfúsdóttir
Vefnaðarkennari
Sigurður Gunnsteinsson
Fræðslustjóri hjá SÁÁ
Ingimundur Sverrir
Sigfússon
MSc. í viðskiptafræði
Már Hall
Pípulagningamaður og grafískur miðill
Kristín Dagmar
Jóhannesdóttir
Verkefnastjóri dagskrár hjá Listasafni Reykjavíkur
30 ára á laugardag
30 ára á föstudag
30 ára á föstudag
90 ára sl. fimmtudag
70 ára á sunnudag
DV1111017080
30 ára á föstudag