Dagblaðið Vísir - DV - 11.11.2011, Blaðsíða 10

10 | Fréttir 11.–13. nóvember Helgarblað
Þ
essi ólýsanlega fram-
kvæmdagleði og þessi hæfi-
leiki til að hrífa fólk með sér
í hvaða vitleysu sem er lýs-
ir honum best,“ segir Oddur
Snær Magnússon, æskuvinur Her-
manns Fannars Valgarðssonar, sem
varð bráðkvaddur þegar hann var úti
að skokka aðfaranótt miðvikudags.
Hermann Fannar var 31 árs og
skilur eftir sig fjögurra ára son og eig-
inkonu. Mikil sorg ríkir í Hafnarfjarð-
arbæ og víðar en Hermann var mikill
Hafnfirðingur og dyggur stuðnings-
maður FH.
Fjölmargir vinir og kunningjar
Hermanns minntust hans á sam-
skiptavefnum Facebook í kjölfar
þess að út spurðist að hann hefði
verið skokkarinn sem fannst látinn.
„Betri dreng hefur þetta land ekki af
sér alið,“ segir einn vinur hans með-
al annars. Hermann var mikill stuðn-
ingsmaður FH og var samverustund
haldin í Kaplakrika á miðvikudags-
kvöldið þar sem fjölmargir syrgðu
góðan vin. Hermann fæddist í Hafn-
arfirði 22. febrúar árið 1980 en sjálfur
lýsti hann sér sem „strangtrúuðum
Hafnfirðingi“.
Athafnamaður með meiru
Hermann Fannar kom víða við á
starfsferli sínum og var duglegur við
að halda mörgum boltum á lofti í
einu. Hann byrjaði árið 1998 sem út-
varpsmaður á útvarpsstöðinni X-inu
en þar starfaði hann með hléum al-
veg fram til síðasta dags. Hann starf-
aði einnig fyrir vefhönnunarfyrir-
tækið Atómstöðina frá árinu 1999.
Hermann var líka í eigin atvinnu-
rekstri en hann átti tvö kaffihús, Ný-
lenduvöruverzlun Hemma & Valda
og Tíu dropa, tölvuvöruverslunina
Macland og gistiheimilið Reykja-
vík Backpackers. Þeir Valdimar Geir
Halldórsson, sem voru viðskipta-
félagar, hugðust meðal annars setja
upp gistiheimili í ætt við Reykjavík
Backpackers á Akureyri.
Féll í kramið alls staðar
DV ræddi við vini og samstarfs-
menn Hermanns Fannars en einn
þeirra sagði að Hermann hafi verið
„endalaust hress og aktífur gaur“ og
að hann hafi alls staðar fallið vel í
kramið. „Það var ekki sálu sem lík-
aði illa við hann,“ sagði samstarfs-
maður úr útvarpinu. Þorkell Máni
Pétursson, útvarpsstjóri á X-inu,
starfaði með Hermanni í um tíu ár.
Hann segir að það hafi alltaf verið
gaman að hitta Hermann og allt-
af hafi verið „bros og kátína í hon-
um.“ Máni segir Hermann hafa ver-
ið atorkumikinn snilling. „Hann gat
fengið endalaust af hugmyndum.“
Máni segir líka að Hermann hafi
verið afar skapgóður drengur. „Það
þurfti að ganga virkilega mikið á til
að hann æsti sig. Ég gat aldrei æst
hann upp þó ég væri að gera grín að
FH. Hann tók því bara með brosi á
vör – með FH-tattúið sitt. Hann var
þannig týpa.“
Eins og áður segir var Hermann
atorkusamur maður. Hann starf-
aði undanfarin ár með viðskiptafé-
laga sínum, Valdimar Geir, en þeir
fengust við ýmis verkefni af ólíkum
toga. Til marks um kraftinn og hug-
myndaauðgina í þeim félögum má
nefna að fyrir fáeinum vikum spurð-
ist út að þeir hygðust stofna flug-
félag. Þær fyrirætlanir voru þó að-
eins á hugmyndastigi og bar hann
þær í til baka í viðtali í Morgunút-
varpi Rásar 2.
Hress og drífandi
persónuleiki
Hermann var stundum kallaður
Hemmi feiti en ekki vegna holdafars-
ins. „Hann var einmitt ekki feitur en
þetta byrjaði í einhverju gríni í Lond-
on þar sem við vorum allir strákarnir
af gamla X-inu,“ segir Máni aðspurður
um þetta viðurnefni sem fylgdi hon-
um í fjöldamörg ár.
Þessi létta lund Hermanns sem
vinum og samstarfsmönnum hans
ber saman um hefur líklegast hjálpað
honum í starfi. Hann var drífandi og
sat aldrei auðum höndum en hann
stóð að baki stofnun tveggja kaffihúsa,
gistiheimilis og tölvuverslunar. „Þeg-
ar Hemmi fékk hugmynd fór hann
bara strax í málið. Hann sat aldrei
auðum höndum. Hann hélt alltaf ein-
hvern veginn ótrauður áfram. Hemmi
er svona týpan sem við þurfum til að
koma okkur út úr kreppu. Hann var
þannig gæi, gerði bara hlutina,“ segir
Máni um drifkraftinn í Hermanni.
Vinur vina sinna
„Hann veigraði sér aldrei við að gera
eitthvað – sama hvað fólkið í kringum
hann sagði,“ segir Oddur Snær um
æskuvin sinn. Oddur segir að Her-
mann hafi líka verið heill karakter og
vinur vina sinna. „Það var aldrei eitt-
hvað óheilt í karakternum hans. Það
skein bara af persónu hans hversu
heill hann var í öllum samskiptum.
Það sést best á þeim gífurlega vin-
afjölda sem hann var búinn að sanka
að sér,“ segir Oddur.
Tryggðin við Hafnarfjörð og
íþróttafélagið FH segir Oddur að sé
lýsandi fyrir hversu tryggur Hermann
hafi verið. „Tryggðin náði ekki bara til
vina hans heldur líka fótboltafélags-
ins FH. Ég man til dæmis eftir því þeg-
ar ég fór með honum þegar hann fékk
sér FH-tattú á kálfann,“ segir Oddur
sem segist ekki vita til þess að Her-
mann hafi séð eftir því að fá sér húð-
flúr. „Ég held að Hermann hafi ekki
séð eftir neinu sem hann gerði.“
Týpan sem kemur
okkur út úr kreppu
n Hermann Fannar Valgarðsson lést aðfaranótt miðvikudags n Var drífandi, jákvæður
einstaklingur sem sat aldrei auðum höndum n Skilur eftir sig fjögurra ára son og eiginkonu„Hann var
drífandi
og sat aldrei
auðum höndum
Drífandi athafnamaður
„Hann veigraði sér aldrei við
að gera eitthvað – sama hvað
fólkið í kringum hann sagði,“
segir æskuvinur Hermanns.
Aðalsteinn Kjartansson
blaðamaður skrifar adalsteinn@dv.is
Hermann Fannar Valgarðsson
Fæddur 22. febrúar 1980 Dáinn 9. nóvember 2011
Hæstiréttur staðfesti dóminn:
Bæjarfulltrúar
sýknaðir
Hæstiréttur Íslands staðfesti á
fimmtudag dóm Héraðsdóms
Reykjaness frá því í nóvember í fyrra
og sýknaði bæjarfulltrúa Kópavogs,
þau Guðríði Arnardóttur, Hafstein
Karlsson og Ólaf Þór Gunnarsson, í
meiðyrðamáli sem hjónin Brynhild-
ur Gunnarsdóttir og Guðjón Gísli
Guðmundsson höfðuðu gegn þeim.
Málið tengdist grein sem bæjar-
fulltrúarnir þrír rituðu í Morgun-
blaðið 12. júní 2009 þar sem stjórn-
sýslan í Kópavogi var harðlega
gagnrýnd. Tilefni þeirra skrifa var
umfjöllun DV þar sem flett var ofan
af viðskiptum Kópavogsbæjar við út-
gáfufyrirtækið Frjálsa miðlun. Það
fyrirtæki er í eigu Brynhildar, sem er
dóttir Gunnars Birgissonar, fyrrver-
andi bæjarstjóra Kópavogs, og Guð-
jóns Gísla, eiginmanns Brynhildar.
Frjáls miðlun hafði fengið greidd-
ar 50 milljónir frá Kópavogsbæ í
stjórnartíð Gunnars fyrir verkefni
sem var úthlutað án útboðs auk
þess sem sum verkefnin voru aldrei
kláruð. Í kjölfarið kom einnig í ljós
að Brynhildur hafði fengið rúmar 11
milljónir greiddar frá Lánasjóði ís-
lenskra námsmanna meðan Gunnar
faðir hennar sinnti stjórnarfor-
mennsku í sjóðnum. Fjárhæðirnar
voru greiddar vegna ýmiss konar
þjónustu sem tengist útgáfustarf-
semi. Eins og margir muna lét Katrín
Jakobsdóttir það verða eitt sitt fyrsta
verk sem þá nýskipaður mennta-
málaráðherra að reka stjórn sjóðsins
og skipa nýja. Í spillingarumræð-
unni sem fylgdi í kjölfarið fór svo að
Gunnar hrökklaðist úr bæjarstjór-
astóli Kópavogs.
Bjarni hittir
Cameron
Bjarni Benediktsson, formaður Sjálf-
stæðisflokksins, mun eiga fund með
David Cameron, forsætisráðherra
Bretlands og leiðtoga breska Íhalds-
flokksins, á föstudagsmorgun. Á
meðal þess sem þeir munu ræða eru
horfur í efnahagsmálum Evrópu og
ástand alþjóðlegra fjármálamark-
aða en Bjarni mun einnig sækja ráð-
stefnu leiðtoga íhaldsflokka í Lund-
únum. Þetta er í annað sinn sem
Cameron og Bjarni ræða saman, en
þeir áttu einnig fund síðasta haust.
Mbl.is greinir frá þessu.