Dagblaðið Vísir - DV - 11.11.2011, Blaðsíða 16

16 | Fréttir 11.–13. nóvember Helgarblað
H
anna Birna Kristjánsdóttir,
oddviti Sjálfstæðisflokksins í
borgarstjórn, býður sig fram
gegn Bjarna Benediktssyni
til formanns flokksins. Kos-
ið verður um formann á landsfundi
flokksins sem fer fram í Laugardalshöll
17. til 20. nóvember. Þrátt fyrir að hafa
verið borgarstjóri er hún að vissu leyti
óskrifað blað í stjórnmálum. Henni er
lýst sem mikilli forystukonu sem einn-
ig er heimakær, tveggja barna móð-
ir í Fossvoginum sem þurfti að íhuga
hvaða áhrif framboð hefði á fjölskyld-
una.
Engir miðjubarnskomplexar
Hanna Birna er 45 ára og alin upp í
Hafnarfirði. Hún er dóttir Kristjáns Ár-
mannssonar járnsmiðs og Aðalheiðar
Björnsdóttur móttökufulltrúa. Hún á
eina eldri systur og einn yngri bróður.
Í viðtali við DV árið 2009 ræddi Hanna
Birna um systkin sín og sagði: „Ég á
svo ljúf systkini að það voru aldrei átök
milli okkar. Við erum líka svo nálægt
í aldri og það náin að það voru eng-
ir miðjubarnskomplexar.“ Þá sagði
hún einnig að hún kæmi frá pólitísku
heimili þar sem stjórnmál voru mikið
rædd. Hún hafi ekki alist upp í flokks-
pólitísku samhengi en aftur á móti alin
upp í talsverðri pólitískri meðvitund.
Féll ung fyrir Vilhjálmi
Hanna Birna er gift Vilhjálmi Jens
Árnasyni heimspekingi, en þau hafa
verið saman í rúm 20 ár. Þau kynnt-
ust þegar Hanna Birna var í BA-námi
í stjórnmálafræði í Háskóla Íslands, en
hún lauk námi 1991. Vilhjálmur var á
þeim tíma ritstjóri Stúdentablaðsins
og tók virkan þátt í stúdentapólitík-
inni. Í viðtali við DV árið 2009 sagði
Hanna Birna frá því þegar hún kynnt-
ist eiginmanni sínum. „Ég var ásamt
félögum mínum að selja einhvern
varning þar sem við vorum að safna til
námsferðar stjórnmálafræðinema til
London. Við fórum nokkur í viðtal til
ritstjórans vegna málsins og það skipti
engum togum, ég hitti draumaprins-
inn og örlögin voru ráðin.“
Hanna og Vilhjálmur Jens hafa ver-
ið gift frá árinu 1995 og eiga tvær dæt-
ur, Aðalheiði, sem er þrettán ára, og
Theódóru Guðnýju, sem er sjö ára.
Fjölskyldan býr í raðhúsi neðarlega í
Fossvoginum.
Hanna Birna hefur sagt frá því að
vegna annríkis í vinnunni hafi ýmsir
þættir heimilislífsins á borð við elda-
mennsku frekar verið í höndum Vil-
hjálms. Í ýmsum viðtölum í gegnum
tíðina hefur hún síðan gefið aðeins
gleggri mynd af móðurinni og mann-
eskjunni Hönnu Birnu – ekki stjórn-
málamanninum Hönnu Birnu. Hún
hefur sagt að uppáhaldsmatur henn-
ar sé íslenskur fiskur og sushi. Þeg-
ar hún er ekki í vinnunni hefur hún
gaman af lestri góðra bóka, ferðalög-
um og stjórnmálapælingum. Þá hefur
hún sagt frá því að kvikmyndir Woody
Allen séu í uppáhaldi hjá henni.
Vill samvinnu
Hanna Birna hefur viðrað vilja sinn til
að sætta ólík sjónarmið í pólitík – hún
vilji ástunda svokölluð samvinnustjór-
nmál sem ganga út á að ólíkar fylkingar
komast að niðurstöðu sem flestir geta
verið sáttir við í stað þess að einfaldur
meirihluti ráði. Hanna Birna hefur
sagt að hennar helsti styrkleiki sem
stjórnmálamaður sé „getan til að leiða
saman ólík sjónarmið“. Það hljómar
óneitanlega fallega og því leitaði DV
til þeirra sem hafa starfað náið með
henni til þess að fá því svarað hvort að
hún sé í raun svona samvinnuþýð eða
hvort þetta sé innantómt hjal stjórn-
málamanns. Einn heimildarmaður,
sem hefur unnið með Hönnu Birnu,
segir að hún sé harðdugleg og það sé
virkilega gott að eiga við hana sam-
starf. Hann segist alveg geta kvittað
upp á að Hanna Birna leiti raunveru-
lega samráðs við þá sem hafa aðrar
skoðanir en hún. „Þetta er alls ekki
lýðskrum,“ segir heimildarmaðurinn.
Í borgarstjóratíð Hönnu Birnu sló
oft í brýnu með henni og minnihlut-
anum, en þó fór það orð af henni að
hún hafi raunverulega leitað sátta við
ólíka hagsmunahópa og samtök við
gerð fjárhagsáætlunar borgarinnar.
Segja má að þar hafi hún raunverulega
látið verkin tala.
Í aðdraganda síðustu borgarstjórn-
arkosninga varð henni tíðrætt um
samstarf við aðra flokka. Þegar Sam-
fylking og Besti flokkurinn mynduðu
meirihluta var Hönnu Birnu boðið að
verða forseti borgarstjórnar sem tákn
um samvinnu.
Hanna Birna sagði af sér eftir að-
eins 10 mánaða samstarf á þeim for-
sendum að samstarf við meirihlut-
ann hefði verið erfitt. Meirihlutinn í
borgarstjórn svaraði gagnrýninni hins
vegar með því að segja að samstarfið
við minnihlutann hefði verið erfitt.
Lítil samvinna þar. Heimildamaður
DV úr borgarstjórn segir að merkjan-
legur munur sé á Hönnu Birnu nú og í
upphafi kjörtímabils. Augljóslega hafi
dregið af henni í borgarstjórn og það
sé engu líkara en hún nenni síður að
veita meirihlutanum harða andstöðu.
Síðasta vetur fékk DV að fylgjast
með störfum Jóns Gnarr borgarstjóra
í einn dag. Þann dag fór meðal annars
fram vikulegur samráðsfundur með
oddvitum minnihlutans. Allir sem
sátu fundinn vildu leyfa DV að taka
mynd á fundinum nema Hanna Birna.
Að fundinum loknum gekk Hanna
Birna upp að blaðamanni og sagði:
„Þú skrifar sko ekkert um það að ég
hafi verið á þessum fundi!“
Aldrei frí frá pólitíkinni
Vilhjálmur Jens, eiginmaður Hönnu
Birnu, segir mikinn stjórnmála-
áhuga hennar og nánustu vanda-
manna stundum gera henni erfitt að
taka ekki vinnuna með sér heim. „Það
gerir henni örugglega stundum erfitt
fyrir við að kúpla sig frá vinnunni. Það
má vel vera að hún vildi það gjarnan.
Stundum velti ég því fyrir mér hvort
það væri hentugra að maður væri
bara maki sem bíður með inniskóna
og pípuna, líkt og hefðin var,“ segir
hann og bætir því við að auðvitað fylgi
starfi hennar mikið álag. Í gamla daga
hafi heimilið verið griðastaður fólks,
en það er ekki endilega þannig í dag.
„Jafnvel þó hún sé önnum kafin, þá
tökum við til jafns þátt í heimilislífinu.
Hún er mikil mamma og sameiginlega
forgangsröðum við í þágu stelpnanna
okkar.“
Vilhjálmur segir að Hanna Birna sé
mjög einbeitt og hún var mikill náms-
maður. „Hún er lestrarhestur í grunn-
inn og sækir mikið í hvíld í gegnum
lestur,“ segir hann.
Sem fyrr segir kynntust Vilhjálmur
og Hanna Birna í háskólanum. Hann
segist hafa fallið fyrir því hvað hún var
alltaf rökföst og klár. Hann hlær þegar
hann rifjar þetta upp, en segir að þetta
hafi verið það sem kveikti í honum.
Vilhjálmur segir hana vera trygglynda
og heiðarlega. „Maður veit alltaf hvar
maður hefur hana,“ segir hann.
Vilhjálmur segir að Hanna Birna sé
heimakær en félagslynd. Hann tekur
undir lýsingar annarra viðmælenda
blaðsins sem segja hana vera meiri
húmorista en fólk almennt heldur.
Þau stunda engin sérstök áhuga-
mál á borð við laxveiði eða skíða-
mennsku saman. „Það er miklu meira
bara samvera með fjölskyldu og vin-
um og hún slakar vel á með því að
lesa,“ segir hann.
Kosningastjóri Árna
„Þegar ég kynntist henni þá var hún
ekki jafnákveðin varðandi stjórnmála-
skoðanir sínar og hún er nú. Hana
langaði mest í einhvers konar fræði-
mennsku. Ég var aftur á móti aðeins
að reyna fyrir mér í pólitík og félags-
málum og var búinn að vera virkur í
Vöku. Ég held að ég hafi endanlega
fallið fyrir henni er við sátum nætur-
langt í bíl fyrir framan heimili foreldra
hennar í Hafnarfirðinum og ræddum
n Hanna Birna býður sig fram til formanns Sjálfstæðisflokksins n Tveggja barna
móðir í Fossvoginum n Alin upp á pólitísku heimili n „Vönduð og gegnheil manneskja“
„Það sem skiptir þó
meginmáli er að
fólk hafi gaman af þeim
atgangi sem fylgir stjórn-
málunum og ég verð að
viðurkenna að mín kona er
sjaldan jafnlifandi og þeg-
ar hún tekst á við flókin
úrlausnarefni í pólitíkinni.
Valgeir Örn Ragnarsson
blaðamaður skrifar valgeir@dv.is
Gunnhildur Steinarsdóttir
blaðamaður skrifar gunnhildur@dv.is
Nærmynd
„Nördið“
sem heillaði
heimspeking
Með fjölskyldunni í leikhúsi Hanna Birna ásamt eiginmanni sínum og dætrum þeirra. Mynd frá 2009.
Landsfundur 1999 Hanna Birna ásamt Sveini Skúlasyni og Kjartani Gunnarssyni á
landsfundi Sjálfstæðisflokksins. SKjÁSKoT MorgunBLAðið