Dagblaðið Vísir - DV - 11.11.2011, Blaðsíða 12
12 | Fréttir 11.–13. nóvember Helgarblað
Rau›arárstígur 14, sími 551 0400 · www.myndlist.is Opið virka daga 10–18, laugardaga kl. 11–16 og sunnudaga kl. 14–16
Soffía Sæmundsdóttir
Listmunauppboð
Erum að taka á móti verkum á næstu uppboð
Áhugasamir geta haft samband í síma 551-0400
Opnun kl. 15
laugardag 12. nóvember
Allir velkomnir
Vefuppboð 16 – myndlist
12. - 28. nóvember
Listaverk eftir marga af helstu listamönnum
þjóðarinnar eru á uppboðinu.
Þorvaldur Skúlason
Veruleikans hugarsvið
Vefuppboð 14 – erlendir listamenn
Lýkur 14. nóvember
Vefuppboð 15 – bækur
12.11. - 3.12. 2011
Rúmlega 200 bækur verða boðnar upp, m.a. frumútgáfa af
God rest you merry Gentlemen eftir Hemingway.
John Lennon
S
tefanía Inga Lárusdóttir,
bóndi á Stórhóli í Álftafirði,
hefur í tvígang verið ákærð
fyrir brot á lögum um dýra-
vernd og búfjárhald. Hún er
meðal annars ákærð fyrir að halda of
margt fé í fjárhúsum sínum en henn-
ar skýring á því er sú að Djúpavogs-
hreppur hafi ekki staðið sig í smala-
mennsku árið 2010. Hún hafi því þurft
að taka fé aftur í hús um miðjan vet-
ur sem undir venjulegum kringum-
stæðum hefði farið í sláturhús að
hausti. Stefanía er einnig ákærð „fyrir
að hafa vanrækt að tryggja góðan að-
búnað, meðferð og fóðrun sauðfjár á
bænum,“ eins og segir í ákærunni. Þar
á meðal „fyrir að hafa gefið ánum of
lítið hey eða af lélegum gæðum, með
þeim afleiðingum að meirihluti fjár-
ins var vanfóðraður. Enn fremur fyrir
að hafa látið líða hjá að reyna lækn-
ingu eða aflífa veika og slasaða gripi
á bænum, en í ljós kom að lamb var
með stóran skurð á kviði og annað
heltekið af liðabólgu...“ Er þess krafist
að Stefaníu verði bannað að eiga eða
halda búfé.
Kennir lélegu heyi um
Stefanía vill meina að hún sé borin
röngum sökum og að ástandið á bú-
fénaði á Stórhóli sé langt frá því að
vera í jafn slæmt og látið er í veðri
vaka. „Ég hef aldrei pínt neina skepnu
og aldrei svelt neina skepnu,“ fullyrð-
ir Stefanía í samtali við DV. Stefanía
viðurkennir að ærnar hjá henni hefðu
mátt vera feitari en segir þar lélegu
heyi um að kenna. Hún bendir á hún
hafi ekki verið ein um að lenda í því.
„Þeir sem eru með þetta mál halda
að það sé bara aðalatriðið að troða
svo í dýrin að þau geti alls ekki stað-
ið heldur sitji á rassgatinu og blási út.
Svoleiðis líður kindunum illa. Ég veit
alveg hvernig á að fóðra fé. En hitt er
svo annað mál að heyin voru ekki al-
veg nógu góð í fyrra. Það var ekki það
að við gæfum þeim ekki að éta,“ segir
Stefanía.
Féð í verra ástandi eftir
vörslusviptingu
Um sex hundruð ær eru nú í fjárhús-
unum að Stórhóli, að sögn Stefaníu,
en samkvæmt ákærunni voru þar 764
ær í mars síðastliðnum þrátt fyrir að
aðeins væri húsakostur fyrir 684. Mest
hafa um tólf hundruð ær verið á Stór-
hóli að sögn Stefaníu. Að beiðni lög-
reglu hafa nokkur hundruð kindur
verið teknar úr vörslu Stefaníu síð-
astliðið ár og nokkrar kindur aflífaðar
vegna hors. Sjálf segist hún aldrei hafa
séð féð sitt í jafnslæmu ástandi og eftir
að það var tekið af henni með vörslu-
sviptingu í vor og komið fyrir á öðrum
bæjum.
Matsmenn voru kallaðir til í mál-
inu í Héraðsdómi Austurlands þann
8. nóvember síðastliðinn og er þeim
meðal annars ætlað að meta hvað
fjárhúsið hentar mörgum ám. Sam-
kvæmt upplýsingum frá sýslumann-
inum á Eskifirði fer aðalmeðferð fram
í málinu þegar þeirri vinnu er lokið.
Bannað að taka þátt í
smalamennsku
Stefanía fullyrðir að hún hafi aldrei
verið með of margar ær í vor og kær-
an hefði aldrei komið til nema af því
að Djúpavogshreppur stóð sig ekki
í smalamennskunni í fyrrahaust.
Hreppurinn hefur haft yfirumsjón
með smalamennsku á svæðinu síð-
astliðin ár og segir Stefanía að þeim
á Stórhóli hafi verið bannað að koma
með í fyrra. Það stangast á við það
sem Gauti Jóhannesson, sveitarstjóri
Djúpavogshrepps, sagði í viðtali við
Sjónvarpið í desember árið 2010 en
þar kom fram að hjónin á Stórhóli
hefðu ekki sinnt smalamennskunni
sem skyldi.
„Djúpavogshreppur er að rukka
okkur um 360 þúsund krónur fyrir
vangoldin dagsverk í smalamennsku
á sama tíma og ég þarf að standa í
þessu,“ segir Stefanía. Hún vill meina
að sum löndin hafi verið smöluð seint
og illa og jafnvel ekki. Það hafi orðið
til þess að fé frá henni var á fjalli langt
fram eftir vetri og jafnvel fram á vor.
Stefanía segist hafa fundið tugi kinda
úti í mars rétt áður en eftirlitsmenn
komu að skoða aðstæður á bænum.
„Þá töldu þeir of margt fé í húsunum.
Við vorum nýbúin að finna þetta fé, ég
sagði þeim það en þeir trúa bara engu
sem maður segir. Það er eina skiptið
sem kannski mætti segja að of margt
fé hafi verið í húsinu.“
Annar bóndi meðákærður
Stefanía fann einnig tugi kinda úti í
janúar og fór með hluta af fénu suð-
ur í Hraunkot í Hornafirði til að koma
í veg fyrir að of margt væri fjárhúsun-
um. En ábúandi þar er einnig ákærður
fyrir hlutdeild í háttsemi Stefaníu með
því að hafa „veitt liðsinni sitt í verki og
tekið fé í sína vörslu, án þess að geta
veitt því húsaskjól eða nægilegt hey
eða það var af lélegum gæðum,“ eins
og segir í ákærunni. Í ákærunni kemur
fram að ærnar, um sjötíu talsins, hafi
verið utandyra í lokuðu girðingarhólfi
í nágrenni bæjarins og þurfti að aflífa
nokkrar þeirra vegna hors. Stefanía
segir skýringuna á því vera að um hafi
verið að ræða ærnar sem voru á fjalli
allan veturinn og viðurkennir að það
fé hafi verið grindhorað. Hún segist
hafa átt hey í fínum gæðum í Hraun-
koti fyrir ærnar sem hún ætlaði sér að
selja. Salan hafi hins vegar ekki geng-
ið eftir og því voru kindurnar lengur í
girðingunni en upphaflega var ætlað.
„Það vita allir að það er ekki gott
fyrir fé að vera í girðingu úti allan vet-
urinn þó það hafi skjól. Ég er ekki vit-
lausari en það. Ég var bara í svo mikl-
um vandræðum því ég vildi ekki lóga
fénu. Ég ætlaði að selja það.“
Mikið álag á líkama og sál
Aðspurð segist Stefanía vera góður
bóndi sem sinni dýrunum sínum
vel. „Já, ég er það nefnilega, það er
nú málið. Það hugsar enginn betur
um veiku kindurnar sínar en ég. Það
held ég að dýralæknirinn hljóti að
geta staðfest með öllum þeim lyfj-
um sem ég kaupi af honum til að
bjarga kindunum. Hverri einustu,
líka hrútum.“
Stefanía segir að lögfræðing-
ur hennar sé bjartsýnn á að þau
vinni málið en síðast þegar hún var
ákærð, árið 2009, þá lauk málinu
með dómsátt og sekt upp á 80 þús-
und krónur. Falli málið ekki henni í
hag í héraði ætlar hún að áfrýja því
til Hæstaréttar.
„Ég er ekki að biðja neinn um
að vorkenna mér en það er búið að
fara alveg skelfilega með mig. Þetta
er mikið álag að þurfa að gera þetta;
tauganna, hjartans og tilfinning-
anna vegna og þetta er ömurlegt.
Það er algjörlega búið að eyðileggja
mannorð mitt. Ég næ því aldrei aft-
ur. Það sem börnin mín mega þola
og vita að það sé verið að segja ósatt
um mömmu þeirra sem hugsar svo
vel um dýrin sín.“
Mikill óþefur af lambshræjum
Eftirlit hefur verð með búfjárhaldi
á Stórhóli allt frá árinu 2000 en árið
2009 var Stefanía ákærð fyrir svipuð
brot á lögum um dýravernd og bú-
fjárhald og hún er ákærð fyrir nú. Þá
voru aðstæður í fjárhúsunum á bæn-
um mjög slæmar. „Mikil for var á gólf-
um, nokkur lambshræ lágu á gólfum
í húsunum og mikill óþefur var í lofti
vegna rotnandi hræja, en þar fund-
ist 12 lambshræ í ámokstursskóflu af
dráttar vél, 1 lambshræ við heyrúllu
og tvö hundshræ í kerru, allt í ná-
grenni fjárhúsa og hluti af beinagrind
af hrossi við íbúðarhúsið að Stórhóli.“
Stefanía gekkst við ákærunni og ját-
aði brot sín fyrir dómara. Í samtali við
DV segist hún þó aðeins hafa verið að
kaupa sér frið, en lögfræðingur henn-
ar hafi mælt með að hún tæki ekki
sáttinni. Hún segist hafa nagað á sér
handarbökin síðan, fyrir að hafa ekki
hlustað á hann.
„Ég hef aldrei pínt
eða svelt skepnu“
n Stefanía á Stórhóli segist hugsa vel um dýrin sín n Viðurkennir að féð hefði
mátt vera feitara n Ákærð fyrir brot á lögum um dýravernd og búfjárhald
Sólrún Lilja Ragnarsdóttir
blaðamaður skrifar solrun@dv.is
Pínir ekki dýr Stefanía Inga Lárusdóttir, bóndi á Stórhóli, fullyrðir að hún hafi aldrei pínt dýr. Hún segist hugsa vel um allar veiku kindurnar sínar.
M
y
n
d
ú
r
SA
Fn
i /
S
ig
tr
yg
g
u
r
A
r
i