Dagblaðið Vísir - DV - 11.11.2011, Blaðsíða 17

Fréttir | 17Helgarblað 11.–13. nóvember
Bókanir í síma 511 6200 og á mottaka@hotelodinsve.is
Hótel Óðinsvé - Þórsgata 1 - 101 Reykjavík - 511 6200
mottaka@hotelodinsve.is - www.odinsve.is
HAFÐU ÞAÐ GOTT Í BÆNUM
Ómótstæðilegt verð!
Ein nótt 12.700 kr. á mann
Innifalið: Gistinótt, jólahlaðborð og morgunverður.
Gildir: 19. nóvember – 22. desember 2011
Tilboð m.v. 2 gesti í herbergi
Við bjóðum þér og þínum að njóta hátíðlegra daga í miðborg Reykjavíkur fyrir jólin. Þú getur
sinnt jólainnkaupunum í þægilegri gönguferð um miðbæinn og notið kvöldsins á víðfrægu
jólahlaðborði okkar. Svo færðu góðan nætursvefn á glæsilegum herbergjum og ljúffengan
morgunverð sem stendur alltaf fyrir sínu.
Hótel Óðinsvé kynnir frábært tilboð á gistingu og jólahlaðborði
um LÍN. Ég veit að þetta er ekki róm­
antískasta tegund stefnumóts sem
hægt er að hugsa sér, en svona var
þetta bara hjá okkur.“
Fyrsta verkefni Hönnu Birnu í Sjálf­
stæðisflokknum var starf kosninga­
stjóra fyrir Árna Sigfússon. Vilhjálmur
og Þór Sigfússon, bróðir Árna, höfðu
verið vinir síðan í framhaldsskóla.
„Upp úr því fékk hún vinnu í Valhöll
og þá fóru pólitísku hjólin að snúast
hjá Hönnu Birnu. Hún varð aðstoðar­
framkvæmdastjóri flokksins og sinnti
ýmsum störfum innan Sjálfstæðis­
flokksins. Hún var meðal annars fram­
kvæmdastjóri þingflokksins áður en
hún fór sjálf í framboð í borginni árið
2002.“
Óhrædd við átök
Hann segir að hún víki sér aldrei und­
an erfiðum ákvörðunum. „Hún er allt­
af tilbúin. Ef það er eitthvað óuppgert,
sama hversu óþægilegt það er, þá vík­
ur hún sér ekki undan því að taka slag­
inn,“ segir hann og bætir við að þó að
hún deili stundum hressilega við and­
stæðinga sína þá taki hún í höndina á
þeim á eftir. Hún láti pólitískar deilur
ekki verða persónulegar. „Hún getur
verið í samstarfi við alls konar fólk sem
er ekki með henni í liði.“
Hann vill meina að Hanna Birna
beiti miklu frekar á rökfestu en yfir­
gangi og frekju. „Hún er rosalega
fylgin sér og er sífellt hugsandi. Stund­
um getur verið ögrandi að vera í sam­
skiptum við þannig fólk. Hún hefur
tilhneigingu til að vera skrefinu á und­
an manni. Ef við förum til dæmis að
kaupa gardínur þá byrja ég að hugsa
um málið þegar ég er komin í gardínu­
búðina. Hún er á þeim tímapunkti
búin að hugsa út allar hliðar inn­
kaupanna, skanna markaðinn og fara
í gegnum hvað passar best við sófann
og svo framvegis,“ segir hann og hlær.
Sækir orku í það sem er jákvætt
Það er ekki alltaf létt að vera í farar­
broddi í stjórnmálum, sem geta oft
orðið ljót eins og Hanna Birna þekkir
sjálf úr borgarstjórn. Þar hafa meiri­
hlutaskipti verið tíð undanfarin ár og
margir hafa deilt harkalega með til­
heyrandi fjölmiðlasirkus.
Aðspurður hvort allt vesenið sem
fylgir því að vera stjórnmálamaður
hafi mikil áhrif á Hönnu Birnu, svar­
ar Vilhjálmur: „Hún verður betri í að
brynja sig fyrir því eftir því sem ald­
urinn færist yfir, eða henni tekst að
minnsta kosti betur að leyna því. Hún
er auðvitað bara mannleg eins og aðr­
ir. Almennt er hún uppteknari af því
jákvæða en því neikvæða. Ég held að
hún sæki orku í það sem er jákvætt og
því að sjá að hún geti stuðlað að já­
kvæðum breytingum.
Ég held að við aðstandendurnir
tökum þetta oft meira inn á okkur. Við
erum ekki í hringiðunni. Við lesum
eitthvað og setjum það ekki endilega
í rétt samhengi. Við erum oft sár fyrir
hennar hönd. Hún nær meira að líta
framhjá því.“
Hann segir hins vegar að stjórn­
málaleiðtogar megi ekki deyfa sig al­
veg fyrir gagnrýni. „Þú vilt að stjórn­
málamenn skynji samfélagið, hafi
ástríður og sterka réttlætiskennd, en
fólk verður líka að geta tekið slaginn
og staðið af sér mótbyr. Það sem skiptir
þó meginmáli er að fólk hafi gaman af
þeim atgangi sem fylgir stjórnmálun­
um og ég verð að viðurkenna að mín
kona er sjaldan jafnlifandi og þegar
hún tekst á við flókin úrlausnarefni í
pólitíkinni.“
Ekki sama harðlínu-
manneskjan og áður
Einn þeirra sem hefur unnið með
Hönnu Birnu á undanförnum árum
segir að hún hafi verið meiri harðlínu­
manneskja á árum áður, en í seinni
tíð hefur hún verið opnari fyrir því að
hlusta á sjónarmið annarra. „Það er
óhætt að segja að hún hafi breyst mik­
ið á undan förnum árum sem stjórn­
málamaður. Hún er rétt rúmlega fer­
tug og stjórnmálamenn á þeim aldri
eru ekki uppteknir af því hvernig hlut­
irnir voru gerðir fyrir 10 eða 20 árum.“
Heimildarmaðurinn bendir á að
Hanna Birna sé óhrædd við að skipta
um skoðun. Hún hafi til að mynda ver­
ið hörð á því að flugvöllurinn ætti að
vera í Vatnsmýrinni, en hún hafi síðan
verið óhrædd að viðurkenna að hún
hafi skipt um skoðun á því máli.
Einn heimildarmaður lýsir henni
sem nokkurri jarðýtu í daglegu starfi.
Í þeim skilningi að hún keyri hlut­
ina beint áfram og mikill kraftur sé í
henni. Þegar þessi lýsing er borin und­
ir annan samstarfsmann hennar, vill
hann ekki taka undir hana. Hann segir
að Hanna Birna reyni frekar að sætta
ólík sjónarmið.
Þorbjörg Helga Vigfúsdóttir þekkir
Hönnu Birnu í vinnu,leik og starfi. „Í
starfi sínu er hún einstaklega heiðar­
leg og mikil prinsippmanneskja. Hún
ígrundar alltaf vel ákvarðanir áður en
þær eru framkvæmdar og fær sjónar­
mið lykilaðila sem hún starfar með.
Þetta virði ég mjög við hana,“ segir
hún.
Fljót að sjá spaugilegu hlutina
„Ef ég á að súmmera hana upp þá er
þetta ofsalega vönduð og gegnheil
manneskja,“ segir Halldór Halldórs­
son, formaður Sambands íslenskra
sveitarfélaga. Hann kynntist Hönnu
Birnu fyrst í kringum 1994 þegar þau
unnu bæði á vettvangi Sjálfstæðis­
flokksins. „Hanna Birna er þannig
einstaklingur sem maður tók strax
eftir. Það er kraftur í henni og það er
gaman að taka þátt í verkefnum með
henni. Eftir að ég varð formaður sam­
bandsins og hún settist í stjórn þess,
hefur samstarf okkar aukist. Fyrir mér
er hún glögg. Hún er góður greinandi
og fljót að sjá hluti sem er mikilvægt
að draga fram. Það finnst mér alveg
gríðarlegur kostur. Hún þarf ekki alltaf
að tala mikið um hlutina, en ef henni
finnst vanta eitthvað upp á hlutina þá
er hún fljót að koma með það,“ segir
Halldór. Aðspurður segir hann að hún
geti alveg sett hnefann í borðið þegar
hún þurfi þess.
Þegar hann er beðinn um að lýsa
persónu Hönnu Birnu, segir hann
strax að hún hafi mjög góða nærveru.
„Mér finnst hún voðalega þægileg í
umgengni. Hún er skemmtileg kona
og ég hef oft verið með henni á ferð­
um um landið. Það stendur upp úr hjá
mér varðandi hana að hún er ekki bara
fljót að greina hlutina í vinnu, heldur
er hún líka fljót að sjá spaugilegu hlut­
ina í umhverfinu og tilverunni.“
Þessi lýsing Halldórs rímar ágæt­
lega við lýsingu annars samstarfs­
manns Hönnu Birnu, sem segir: „Hún
er miklu léttlyndari en menn halda.
Hún hefur mjög gaman af því að vera
einhvers staðar í gleði og getur alveg
verið mikill húmoristi.“
„Einlæglega fannst henni þetta
vont“
„Hanna Birna hefur alltaf haft ákveðn­
ar skoðanir og er fljót að komast að
niðurstöðu. Það er ekkert japl og jaml
hjá henni,“ segir Ásta Þórarinsdóttir,
vinkona Hönnu Birnu til nær 20 ára.
Ásta segir að Hanna Birna sé mikið
fyrir að greina umhverfi sitt og það
sem hún sé að fást við en þegar hún
komist að niðurstöðu þá haggi henni
ekkert. Það þýði þó alls ekki að hún
valti yfir þá sem hafa aðrar skoðanir.
Hún sé alltaf til í að líta málin frá öðru
sjónarmiði. „Hún er svolítið nördaleg
með þetta, að þurfa að greina allt en
það hjálpar henni kannski við að kom­
ast að niðurstöðu. Þetta er líklega það
eina sem ég gæti mögulega sagt „nei­
kvætt“ um hana. Að sé hægt að kalla
hana nörd stundum.“ Hún bætir við
að Hanna Birna sé hress og skemmti­
leg og hlæi oft hátt. Einnig að hún geti
tekið gríni um sjálfa sig sem sé mikill
kostur. „Það er miklu skemmtilegra
að umgangast þannig fólk. Hún er líka
mjög traust vinkona.“
Er talið berst að ákvörðun Hönnu
Birnu um að fara í framboð segir Ásta
að það hafi verið mikil og stór ákvörð­
un. „Það er mikil ákvörðun í þessum
íhaldssama flokki að fara gegn sitjandi
formanni. Þau eru á svipuðum aldri og
þekkja mikið af sama fólkinu. Einlæg­
lega fannst henni þetta vont. Hún fékk
bara svo mikinn þrýsting og hvatn­
ingu. Eftir að hún tók ákvörðunina
hefur ekki komið hik á hana. Þá var
hún búin að ná að greina umhverfið,“
segir Ásta hlær.
Borgarstjóraskipti Hanna Birna afhendir
Jóni Gnarr lyklana að Ráðhúsinu.
Borgarstjórnarkosningar 2010 Oddvitar flokkanna rýna í fyrstu tölur í Ráðhúsi Reykjavíkur.
Nýr borgarstjóri Hanna Birna þegar hún
settist í borgarstjórastólinn árið 2008.