Dagblaðið Vísir - DV - 11.11.2011, Blaðsíða 62

62 | Fólk 11.–13. nóvember Helgarblað
Vissi að
konan var
ekki gaur
Grínistinn eldhressi, Pétur
Jóhann Sigfússon, talar um
ástina í nýjasta hefti Monitor
en hann kynntist núverandi
konu sinni á samskiptavefn­
um Myspace á sínum tíma en
ekki er langt síðan þau eign­
uðust sitt fyrsta barn saman.
Pétur segir í viðtalinu að
hann hafi verið búinn að sjá
hana áður en hann fór að tala
við hana á netinu. „Ég kynnt­
ist henni á netheimum, svo
ég vissi alveg að hún væri
ekta, að hún væri ekki gaur
eða eitthvað svoleiðis. Hún
var reyndar alveg ótrúlega
skemmtileg á netspjallinu,“
segir Pétur Jóhann Sigfússon.
Elti klipparann
á milli landa
Hárgreiðslumaðurinn Böðv­
ar Þór Eggertsson hefur um
árabil verið einn af vinsæl­
ustu hárgreiðslumönnum
landsins. Böddi, eins og
hann er kallaður, er fluttur
til Svíþjóðar og því hafa fjöl­
margir kúnnar hans þurft
að finna sér nýjan klippara.
Söngkonan Helga Möller
hlýtur að vera einn af dygg­
ustu viðskiptavinum Bödda
því Helga lét flutningana ekki
stöðva sig frá því að komast
í stólinn til Bödda. Helga var
nefnilega í Kaupmannahöfn
á dögunum og gerði sér lítið
fyrir og skaust í klippingu til
Bödda sem býr nú í Malmö.
Magnesíum-
æði á Íslandi
Fjölmiðlamaðurinn Sölvi
Tryggvason segir í Face­
book­færslu að í stað
bumbubana og fótanudd­
tækis komi magnesíum og
D­vítamín. Sölvi er ekki sá
eini sem nýtir sér slakandi
eiginleika magnesíum­stein­
efnis og uppbyggjandi því
Rakel Garðarsdóttir hjá
Vesturporti tekur efnið inn í
duftformi ef hún á erfitt með
svefn eða er undir álagi.
É
g er í miklum laga­
smíðaham þessa dag­
ana og er að safna í
plötu. Loksins er mað­
ur að vinna að sinni eigin
músík undir eigin merkjum,“
segir tónlistarmaðurinn Pét­
ur Örn Guðmundsson en
aðdáendur Péturs geta nálg­
ast lög hans á netinu. Pét­
ur sendi tvö þessara laga í
Söngvakeppni Sjónvarpsins
fyrr á árinu en hann hefur
verið öflugur liðsmaður bak­
radda í íslenska liðinu í Euro­
vision í gegnum tíðina. En
er ekki kominn tími á hann
fyrir Íslands hönd? „Ég veit
ekki sem flytjandi en hugs­
anlega sem lagahöfundur. Ég
vil miklu frekar koma mér á
framfæri sem lagahöfundur
þótt ég sé slarkfær á báðum
vígstöðvum.“
Pétur Örn, sem hefur oft
verið kallaður Pétur Jesú,
hefur líklega aldrei verið jafn
líkur frelsaranum og einmitt
núna. „Ég er að safna skeggi.
Ég var í Hárinu í Hörpu í
sumar og ákvað að safna
áfram. Ég hef aldrei verið
með svona mikið skegg og
mér er farið að þykja vænt
um það. Það er alveg spurn­
ing hvort maður taki að sér
jólasveinagigg í desemb­
er og verði fyrsti rauðhærði
jólasveinninn. Svo er þetta
líka gott í kuldanum. Ég er
að safna mér fyrir trefli og
á meðan held ég skegginu,“
segir hann og bætir við að
litlu frændsystkinum hans
þyki gaman að hanga í skegg­
inu. „Ég er alveg uppáhalds­
frændinn þessa dagna og er
yfirleitt með þrjú til fimm
hangandi börn í skegginu
sem mynda skemmtilega en
undarlega hálsfesti.“
Fyrsti rauðhærði jólasveinninn
n Pétur Örn hefur aldrei verið jafn líkur Jesú
Loksins sóló Pétur Örn er í
miklum lagasmíðaham þessa
dagana og ætlar að gefa út plötu
undir eigin merkjum. mynd Jói B
É
g var rosalega mikið
einn með ömmu þeg­
ar ég var lítill en amma
gerði aldrei greinarmun
á hverjir voru lifandi og
hverjir dánir og hverjir bjuggu
í álfahólum,“ segir Heiðar Jóns­
son snyrtir en eitt af störfum
Heiðars er að vinna sem mið­
ill. „Skyggnigáfan hefur allt­
af verið hluti af minni tilveru.
Ég hef aldrei orðið hræddur.
Þetta hefur bara verið yndisleg
viðbót í tilveruna,“ segir Heið­
ar sem tekur að sér litla hópa
þar sem hann „andast“, eins og
hann kallar það, á léttum nót­
um. „Ég andast í heimahúsum
gegn vægu gjaldi,“ segir hann
hlæjandi og bætir við að það
þurfi ekki að veita honum ná­
bjargir á eftir.
Heiðar segir sama hópinn
af framliðnum fylgja honum.
„Sumir þeirra voru hluti af lífi
mínu en aðrir ekki. Þetta er
ólíkt fólk og enginn af þeim
er eitthvað líkur mér. Nema
kannski amma mín. Ég hef allt­
af verið talinn líkur henni. Það
muna ef til vill margir eftir Stef­
aníu á Krossum.“
Heiðar segir hópinn sinn
sem betur fer kunna að meta
húmor. „Ég undirbý mig alltaf
áður en ég fer að vinna og þá
held ég smá fund með mínu
fólki þar sem við ræðum það
sem við erum að fara að gera.
Ég hef alveg lent í vandræðum
en framliðnir hafa húmor. Ég
hef aldrei hitt á leiðinlegt eða
vont fólk eða fólk með váfréttir.
Þetta fólk hefur svo mikið fyrir
því að koma til okkar og er upp
til hópa jákvætt.“
Heiðar segist oftast nota
skyggnigáfuna til að skemmta.
„Það er einstaka sinnum hægt
að plata mig út í alvöruna en ég
er miklu meiri hópvinnukarl.
Ég nýt mín best í hóp. Ég er ljón
og þarf að hafa hirð í kring­
um mig. Ég verð bara feiminn
og ómögulegur einn á móti
ókunnugri manneskju,“ segir
Heiðar og bætir við að það sé
allur gangur á því hvort fólk
trúi á skyggnigáfu. „Það þarf
ekkert að vera að ég trúi þessu
sjálfur. Kannski er ég bara
svona kjöftugur. Ég trúi á þetta
og trúi ekki á þetta. Svona eins
og við trúum á Guð almátt­
ugan. Ég spyr oft þá vantrúðu
hvort þeir elski maka sinn og
bið þá um að útskýra hvernig.
Það er ekki hægt. Það er bara
staðreynd að þeir elska hann
og það sama er með þetta.“
Heiðar, sem vinnur sem
flugþjónn, segist stundum
grípa í gáfuna þegar lítið sé
að gera uppi í loftinu. „Stund­
um biður fólkið mig sem er að
vinna með mér að kíkja á eitt­
hvað fyrir sig og það er alveg
hægt uppi í flugvél. Ég andast
hins vegar ekki með farþegun­
um. Maður þarf að kunna sér
takmörk. Sigga Klingenberg
frænka mín kemur hins vegar
stundum og andast með far­
þegunum og það er voðalega
gaman.“
n Alltaf verið skyggn n Framliðnir með húmor n Aldrei orðið hræddur
Heiðar „andast“
í heimahúsum
Skyggn Heiðar segist aldrei
hafa hitt vondan eða leiðin-
legan framliðinn einstakling.
„Ég andast
hins vegar ekki
með farþegunum.
Maður þarf að kunna
sér takmörk.