Dagblaðið Vísir - DV - 05.04.2013, Blaðsíða 8

8 Fréttir 5.–7. apríl 2013 Helgarblað
Neyddi eiturlyf ofan í stúlku
n Í einangrun eftir að hafa brotið á 15 ára barni kynferðislega
H
æstiréttur staðfesti á
fimmtudaginn gæsluvarð­
haldsúrskurð yfir manni
sem sakaður er um frelsis­
sviptingu, ofbeldi og kynferðis­
brot gegn fimmtán ára stúlku. At­
vikið átti sér stað á fimmtudaginn í
síðustu viku en manninum er gert
að sitja í varðhaldi og einangrun til
klukkan 16 í dag, föstudag.
Lögreglan var kölluð að húsi
um klukkan 18.30 fimmtudaginn
28. mars. Þar var fimmtán ára
stúlka og vinur hennar og þau
voru í miklu uppnámi, hún með
áverka á andliti og hálsi og hann
einnig með áverka á sér. Þau sögð­
ust bæði hafa orðið fyrir ofbeldi af
hálfu hins dæmda en hann hafði
sakað þau um að stela af sér pen­
ingum og heimtaði að þau borg­
uðu honum. Maðurinn mun hafa
hótað að drepa stúlkuna.
Samkvæmt frásögn stúlkunnar
skipaði hinn dæmdi henni að
setja LCD­pappírsbút undir tungu
sína og neyddi í kjölfarið am­
fetamínkristala ofan í hana – sem
hún náði reyndar að frussa út úr
sér. Hann neyddi hana úr fötun­
um, káfaði á henni og setti fingur
inn í leggöng hennar. Einnig stakk
hann hana með penna í andlit og
brjóst.
Annar maður reyndi á þessum
tímapunkti að róa manninn niður
og náði hann að hleypa stúlkunni
og vini hennar út úr húsinu. Þá
tókst þeim að hafa samband við
lögregluna og flutti hún fórnar­
lömbin á slysadeild. n
simon@dv.is
eignirnar gætu
glatast á Kýpur
n Kýpur hefur verið vinsælt skattaskjól hjá íslenskum fjárfestum
F
jölmargir íslenskir fjárfestar
hafa í gegnum tíðina notast
við skattaskjólið Kýpur í við­
skiptum sínum. Kýpur komst
nýlega í heimsfréttirnar vegna
fjárhagsörðugleika banka þar í landi
sem urðu til þess að Evrópusam­
bandið, Evrópski seðlabankinn og
Alþjóðagjaldeyrissjóðurinn þurftu
að útvega ríkisstjórn landsins
neyðarlán upp á 10 milljarða evra.
Kýpur rambaði á barmi gjaldþrots
um miðjan síðasta mánuð.
Fyrir liggur að innistæðueigendur
á Kýpur – allir sem eiga meira en
100 þúsund evrur – munu tapa fjár­
munum vegna erfiðleikanna í efna­
hagskerfi landsins. Í lok síðasta
mánaðar var greint frá því að þess­
ir innistæðueigendur í Kýpurbanka,
stærsta banka landsins, og í Laiki­
bankanum, þeim næststærsta, gætu
tapað allt að 60 prósentum af inni­
stæðum sínum í bönkum landsins.
Hugsanlegt er að einhverjir íslenskir
fjármagnseigendur séu þar á meðal.
Samherji umsvifamest
Útgerðarfyrirtækið Samherji er um­
svifamest íslenskra aðila á Kýpur en
félagið á tvö kýpversk félög, Fidelity
Bond Investments og Miginato
Holdings Limited, sem halda utan
um útgerð sem Samherji á í Afríku.
Í lok árs 2010 voru eignarhlutirn­
ir í þessum tveimur dótturfélögum
metnir á rúmlega 71 milljón dollara,
rúmlega átta milljarða króna á þeim
tíma. Eignir þessara tveggja dóttur­
félaga Samherja eru átta verksmiðju­
togarar sem útgerðarfélagið notar til
veiða í Afríku.
Ástæðan fyrir því að Samherji
er með eignarhaldið á Afríkuút­
gerðinni á Kýpur er líklega fyrst og
fremst hagstætt skattaumhverfi. Arð­
ur Samherja af veiðum verksmiðju­
togara félagsins í Afríku er ekki skatt­
lagður þar í landi. Líkt og komið
hefur fram í DV eru arðgreiðslur er­
lendra eignarhaldsfélaga þar í landi
ekki skattskyldar og skipafélög á
Kýpur þurfa heldur ekki að greiða
skatt. Þetta kemur fram í yfirliti um
skattaumhverfið á Kýpur sem endur­
skoðendaskrifstofan Deloitte hefur
unnið og aðgengilegt er á vefsíðu
fyrir tækisins. Í yfirliti Deloitte kemur
fram að tekjur og arður af starfsemi
fyrirtækja utan Kýpur sem eru í eigu
eignarhaldsfélaga þar í landi séu
undanþegnar skatti. Tekjuskattur á
fyrirtæki nemur almennt 10 prósent­
um á Kýpur en þetta á ekki við þegar
tekjur fyrirtækisins eru tilkomnar í
öðru landi. Orðrétt segir um þetta
í yfirlitinu þar sem rætt er um skil­
yrði fyrir því að fyrirtæki þurfi ekki að
greiða skatt: „Tekjur frá fyrirtækjum
utan Kýpur.“ Sama við um arðgreiðsl­
ur frá fyrirtækjum sem ekki eru skráð
á Kýpur.
Stofnuðu félag á Kýpur
Af öðrum íslenskum fjárfestum sem
notað hafa kýpversk eignarhalds­
félög til viðskipta sinna má nefna
Björgólf Thor Björgólfsson, sem
meðal annars átti í félaginu Bell
Global auk þess sem bjórverk­
smiðjan Bravo var stofnuð á grunni
eignarhaldsfélaga sem skráð voru á
Kýpur; Magnús Pálma Örnólfsson,
fyrrverandi starfsmann Glitnis, og
fjórmenningana sem ákærðir hafa
verið fyrir gjaldeyrisbrask í hinu
svokallaða Aserta­máli.
Magnús Pálmi er stjórnarmaður
og framkvæmdastjóri íslenska
eignarhaldsfélagsins Storm Capital
sem stofnað var árið 2009. Í árs­
reikningi félagsins kemur fram að
tilgangur félagsins sé „verðbréfa­
eign, kaup og sala verðbréfa, rekstur
fasteigna, fjármálaráðgjöf og lána­
starfsemi“. Þá segir: „Félagið er að
öllu leyti í eigu Meritzi ltd.“ Þetta
félag Meritzi ltd. er skráð á Kýp­
ur og á Storm Capital kröfu á þetta
móðurfélag sitt upp á meira en 144
milljónir króna. Íslenska félagið
á því hagsmuna að gæta hjá kýp­
verska félaginu upp á meira en 144
milljónir.
Í Aserta­málinu stofnuðu fjór­
menningarnir, þeir Markús Máni
Michaelsson, Karl Löve, Gísli Reyn­
isson og Ólafur Sigmundsson,
eignarhaldsfélag á Kýpur sem talið
er að hluti ágóða þeirra af gjaldeyris­
viðskiptunum, sem þeir eru ákærðir
fyrir, hafi runnið til. Um er að ræða
656 milljónir króna sem talið er
að fjórmenningarnir hafi fengið
fyrir viðskiptin. Um þetta segir í
ákærunni: „Fyrirliggjandi sakargögn
sýna að ákærðu gerðu a.m.k. ráðstaf­
anir til þess að láta slíkan ávinning
renna til aflandsfélags eða – félaga í
endanlegri eigu eða undir raunveru­
legri stjórn ákærðu. Sakar gögn sýna
einnig að sakborningar létu stofna
félag á Kýpur, sem var í endanlegri
eigu þeirra, í þessu skyni.“
Nokkrir íslenskir aðilar eiga
því verulegra hagsmuna að gæta á
Kýpur. n
Ingi Freyr Vilhjálmsson
fréttastjóri skrifar ingi@dv.is
„Nokkrir íslensk-
ir aðilar eiga því
verulegra hagsmuna að
gæta á Kýpur.
Umsvif í gegnum Kýpur Fjölmargir íslenskir fjárfestar og kaupsýslumenn hafa í gegnum tíðina notast við Kýpur í viðskiptum sínum.
Meðal þeirra eru Samherji Þorsteins Más Baldvinssonar, Björgólfur Thor Björgólfsson og Markús Máni Michaelsson, sem nýlega var ákærður
fyrir stórfelld brot á gjaldeyrishaftalögum.
Hótaði með
blóðugri
sprautunál
„Viljið þið að ég stingi ykkur með
nál,“ spurði tuttugu og þriggja ára
kona lögreglumenn sem reyndu
að fá hana til að færa sig út úr for­
stofu Hjálpræðishersins í byrjun
janúar á þessu ári. Konan var á
fimmtudag dæmd í 15 mánaða
fangelsi í Héraðsdómi Reykjavík­
ur fyrir þjófnað, umferðarlagabrot
og brot gegn valdstjórninni. Kon­
an kom í slagtogi við annan mann
í forstofuna og hreiðruðu þau um
sig þar. Þau munu hafa ætlað að
gista þar um nóttina. Þegar hús­
vörður tók eftir þeim sá hann strax
að fólkið var undir áhrifum vímu­
efna. Maðurinn reyndist mjög
ógnandi í framkomu og húsverðin­
um gekk illa að koma parinu út.
Hann hringdi því á lögregluna sem
á vettvangi var hótað af konunni
með blóðugri nál og maðurinn tók
í sama streng og kvaðst eiga nóg af
nálum. Lögreglan kallaði eftir liðs­
auka og var parið yfirbugað eftir
mikinn mótþróa. Konan rauf með
brotum sínum skilorð og er dómur
hennar nú því óskilorðsbundinn.
Vínþjófar
handteknir
Á miðvikudagsmorgun var til­
kynnt um innbrot á veitingahús­
ið Cornero við Skólaveg í Vest­
mannaeyjum. Þjófarnir höfðu
brotist inn um nóttina og haft á
brott með sér töluvert magn af
áfengi. Var þetta í annað skiptið á
nokkrum dögum sem brotist var
þar inn en síðdegis á miðvikudag
handtók lögreglan í Eyjum þrjá
menn grunaða um innbrotið. Við
húsleit hjá einum þeirra fannst
hluti áfengisins sem talinn er vera
úr innbrotinu.Tveir af þessum
þremur viðurkenndu aðild að síð­
ara innbrotinu, annar er 16 ára en
hinn 19, en báðir hafa komið við
sögu lögreglu áður. Þeir könn­
uðust ekki við að hafa tekið þátt
í fyrra innbrotinu og var þeim
sleppt að lokinni yfirheyrslu.
Káfaði á stúlku og stakk hana Mað-
urinn neyddi stúlkuna til þess að innbyrða
eiturlyf, neyddi hana úr fötunum, káfaði á
henni og setti fingur inn í leggöng hennar.