Dagblaðið Vísir - DV - 05.04.2013, Síða 11

„Við gerum þetta frá hjartanu“
Fréttir 11Helgarblað 5.–7. apríl 2013
n Draumasetrið að verða að veruleika eftir mikla vinnu n Áfangaheimili fyrir fíkla n Um þrjátíu manns þegar fluttir inn n „Temmilega líbó“ segir íbúi
„Ég var búinn að vera edrú í fjögur og hálft
ár þegar ég féll. Ég hafði gert allt sem mér
var sagt að gera og var að hjálpa öðrum.
Ég stóð mig rosalega vel en það sem varð
mér að falli var þunglyndi,“ segir Halldór
Már Aðalsteinsson einn þeirra tæplega
þrjátíu sem nú þegar eru fluttir eru inn á
áfangaheimilið þrátt fyrir að það sé ekki
tilbúið. Eftir að hann féll taldi Halldór sér
trú um að nú hefði hann tök á neyslunni.
„Þegar ég datt í það þá hélt ég að ég væri
komin með rosalega gott plan því ég
var búinn að vera edrú svo lengi. Ég vissi
hvernig þetta virkaði og ég vissi hvernig
ég virkaði. En á endanum missir maður
tökin.“ Hann segist aðallega hafa verið í
neyslu kannabisefna og verið kominn á
ansi hálan ís. „Ég var orðin grasróni og var
algjörlega búinn að klessukeyra mig þarna
undir lokin.“
Eftir eitt og hálft ár í neyslu gat hann ekki
meir og ákvað að fara í meðferð. Halldór
var á Vogi í 16 daga og að þeim loknum
fékk hann inni á Draumasetrinu, nokkuð
sem hann segir að hafi skipt hann miklu
máli. „Ég valdi að fara í eftirmeðferð á
Teigum. Þá var ég í bænum en á sama
tíma vantaði mig einhvern stað þar sem
eru einhverjar reglur og agi. Þess vegna
hentar þetta mér svo vel.“ Hann lætur
vel af vistinni á áfangaheimilinu og segir
fólkinu þar semja vel. Hver og einn íbúi
sinnir ákveðnum heimilisverkum og til
að mynda sér Halldór um handklæðin á
heimilinu. Þau sjá svo sjálf um að elda, þvo
af sér og allt slíkt. „Þetta hentar mér mjög
vel, þetta er temmilega líbó en samt þarf
maður að fara eftir ákveðnum reglum. Ég
get farið og hitt fólk og jafnvel boðið fólki
í heimsókn. Ég hef áður verið á áfanga-
heimili en þar leið mér aldrei eins og ég
ætti heima þar heldur meira eins og ég
væri í fangelsi, hér líður mér eins og ég eigi
heima hér,“ segir hann.
Grasróni Halldór segist
hafa sannfært sig um að
hann hefði stjórn á neyslu
sinni. Það var ekki raunin
og hann segist hafa verið
búinn að klessukeyra sig í
neyslu undir lokin.
„Hentar mér mjög vel“
n Tekst á við lífið á nýjan leik í Draumasetrinu
Af eigin raun
Ólafur þekkir heim
fíknarinnar af
eigin raun. Hann segir
ekkert taka því fram
að hjálpa öðrum og
sjá fólk öðlast líf á ný.
MynDir: SigTryggur Ari
Morgunfundur Íbúar á áfangaheimilinu hittast hér á morgunfundi.
Herbergi Herbergin í
Draumasetrinu eru rúmgóð.
Hver og einn vistmaður er
með sitt eigið herbergi.
Barnahornið Sumir íbúanna eiga börn
og hér á að búa til barnahorn þar sem börn
geta leikið sér.
Eldhús Á öllum hæðum
hússins er sameiginlegt
eldhús þar sem íbúarnir
geta eldað sér sjálfir.