Dagblaðið Vísir - DV - 07.03.2014, Qupperneq 26

26 Fréttir Erlent Helgarblað 7.–10. mars 2014
milljarðamæringar
Níu splunkunýir
n Þetta eru nýju andlitin á lista Forbes yfir ríkustu einstaklinga heims
F
áar breytingar hafa orðið á röð
ríkustu einstaklinga heims
samkvæmt nýjum lista Forbes
sem birtur var í vikunni. Bill
Gates var þar efstur á blaði og
Mexíkóinn Carlos Slim vermdi ann-
að sætið, en þeir höfðu sætaskipti
milli ára. Er Bill Gates nú metinn á 76
milljarða Bandaríkjadala en Carlos
Slim 72 milljarða. Í þriðja sæti er
Amancio Ortega, stofnandi Zöru, og í
fjórða sæti á lista Forbes er fjárfestir-
inn Warren Buffet. Í næstu sætum
á eftir eru Larry Ellison, Charles
Koch, David Koch, Sheldon Adel-
son, Christy Walton og Jim Walton.
Þetta eru því tíu ríkustu einstak-
lingar heims samkvæmt Forbes.
Samkvæmt úttekt Forbes eru millj-
arðamæringar heimsins 1.645 tals-
ins, en eina skilyrðið sem við-
komandi þarf að uppfylla til að
komast á listann er að eiga einn millj-
arð dala, eða 112 milljarða króna.
Fjölmargir nýir einstaklingar komust
á lista Forbes að þessu sinni og
tók DV saman nokkra áhugaverða
einstaklinga sem ekki hafa áður sést
á listum Forbes. Tveir af nýliðunum á
listanum eru þeir Jan Koum og Brian
Acton sem komust í heimsfréttirnar á
dögunum þegar þeir seldu uppfinn-
ingu sína, WahtsApp, til samskipt-
arisans Facebook í febrúarmánuði
síðast l iðnum. Er áætlað að hvor um
sig hafi grætt hundruð milljarða á
þeirri sölu. n
1 Jan Koum
Metinn á: 768 milljarðar
Þjóðerni: Úkraína/Bandaríkin
Ríkur vegna: WhatsApp
n Jan Koum er maðurinn á bak
við farsímasmáforritið WhatsApp
sem gerir fólki meðal annars
kleift að senda skilaboð sín á milli
í netforriti í stað þess að senda
SMS. Fyrirtækið var selt fyrir
nítján milljarða Bandaríkjadala,
2.145 milljarða króna, til Facebook
í febrúar síðastliðnum. Koum er
meðstofnandi fyrirtækisins sem
bjó WhatsApp til en það varð til
árið 2009. Notendur forritsins eru
430 milljónir. Koum er fæddur í
Úkraínu en fluttist til Bandaríkj-
anna þegar hann var 16 ára.
2 Patrick Drahi
Metinn á: 711 milljarðar
Þjóðerni: Frakkland
Ríkur vegna: Fjarskiptaiðnaður
n Drahi stofnaði alþjóðlega
símafyrirtækið Altice árið 2001 og
fór með það á hlutabréfamarkað í
janúar síðastliðnum. Drahi er með
fingurna í fjölmörgum verkefnum
og fyrirtækjum víðs vegar um
Evrópu. Þetta eru fyrirtæki sem
eru umsvifamikil á sviði fjar-
skipta í löndum eins og Frakk-
landi, Belgíu, Ísrael og Portúgal
svo nokkur séu nefnd. Drahi er
fæddur í Casablanca í Marokkó og
hefur áður starfað fyrir fyrirtæki
á borð við Philips og Kinnevik í
Svíþjóð.
3 Sandra Ortega
Metin á: 688 milljarðar
Þjóðerni: Spánn
Rík vegna: Fatakeðjan Zara
n Sandra er dóttir Amancio Or-
tega, stofnanda fatarisans Inditex
sem meðal annars á fatakeðjuna
Zara sem Íslendingar ættu að
þekkja. Amancio Ortega er einmitt
þriðji á lista yfir ríkustu einstak-
linga í heimi. Ástæða fyrir veru
Söndru á lista Forbes er sú að
hún erfði gríðarleg auðæfi þegar
móðir hennar, Rosalia Mera, lést
skyndilega í ágúst á síðasta ári.
Eftir fráfall Rosaliu tók hún að sér
stjórn góðgerðasjóðs sem móðir
hennar stofnaði, en hann styður
meðal annars við fólk með geðræn
vandamál.
4 Joseph Tsai
Metinn á: 417 milljarðar
Þjóðerni: Kanada
Ríkur vegna: Netviðskipti
n Tsai er stofnandi Alibaba Group,
en fyrirtækið rekur meðal annars
netviðskiptavefinn Alibaba.com.
Þá rekur fyrirtækið vefinn Taobao,
sem er sambærilegur uppboðsvefn-
um eBay, og nýtur hann mikilla
vinsælda í Asíu. Vefurinn er í hópi
tuttugu mest sóttu vefja heims.
Tsai er fæddur í Taívan og kláraði
lögfræðinám við hinn virta Yale-há-
skóla í Bandaríkjunum áður en hann
stofnaði Alibaba árið 1999. Tsai er
eigandi háfleiksliðs í Hong Kong, en
hann er mikill aðdáandi þessarar
íþróttagreinar sem er flestum
Vestur landabúum nokkuð framandi.
5 Evan Williams
Metinn á: 395 milljarðar
Þjóðerni: Bandaríkin
Ríkur vegna: Twitter
n Um Williams er stundum sagt að
hann hafi farið frá 140 stafabilum
(hámarkslengd tísta á Twitter) yfir
í að eiga tæplega 400 milljarða
króna. Og það á innan við einum
áratugi. Williams er meðstofnandi
samskiptavefjarins Twitter og
jukust auðæfi hans verulega þegar
Twitter fór á hlutabréfamarkað í
október síðastliðnum. Þó að hann
sitji enn í stjórn fyrirtækisins ein-
blínir hann þessa dagana að stóru
leyti á bloggvél sína, Medium, sem
nýtur sívaxandi vinsælda.
6 Issad Rebrab
Metinn á: 361 milljarður
Þjóðerni: Alsír
Ríkur vegna: Matvæli
n Rebrab er sonur uppreisnar-
manns sem barðist í sjálfstæðisstríði
Alsíringa við Frakka upp úr miðri
tuttugustu öldinni. Rebrab er talinn
vera fyrsti milljarðamæringurinn
sem kemur frá Alsír, en hann er
áttundi ríkasti maður Afríku. Hann
á auðæfi sín að þakka matvælafyrir-
tæki sínu Cevital sem er stærsta
einkarekna fyrirtæki Alsír. Fyrirtækið,
sem var stofnað árið 1988, einblínir
á matvælaframleiðslu en er einnig
fyrirferðarmikið á öðrum vettvangi
í Alsír, meðal annars í stáliðnaði og
landbúnaði.
7 Lawrence Ho
Metinn á: 338 milljarðar
Þjóðerni: Hong Kong
Ríkur vegna: Spilavíti
n Lawrence Ho er sonur Stanley
Ho, sem er lifandi goðsögn í heimi
spilavíta í sérstjórnarhéraðinu
Makaó í Kína. Í umfjöllun Forbes
um Lawrence kemur fram að virði
hlutabréfa í fyrirtæki hans Melco
International hafi hækkað mikið
undanfarin misseri, en fyrirtækið er
skráð í kauphöllinni í Hong Kong.
Fyrirtækið á og rekur spilavíti í Makaó
og í Maníla, höfuðborg Filippseyja.
Makaó dregur til sín milljónir ferða-
manna á hverju ári og halda ófáir
þangað eingöngu til að heimsækja
spilavítin.
8 Brian Acton
Metinn á: 338 milljarðar
Þjóðerni: Bandaríkin
Ríkur vegna: WhatsApp
n Líkt og Jam Koum á Brian Acton
auðæfi sín að þakka smáforritinu
WhatsApp sem Facebook keypti
á dögunum fyrir stjarnfræðilega
upphæð. Árið 2009 sótti Acton um
starf hjá Facebook, en hafði ekki
erindi sem erfiði. Á þeim tíma var
hann reynslumikill verkfræðingur
sem meðal annars hafði starfað
fyrir Yahoo! og Apple. Það sem
gerðist eftir það þekkja allir, Face-
book keypti WhatsApp og gerði
Acton um leið að margföldum
milljarðamæringi.
9 F. Alakija
Metin á: 282 milljarðar
Þjóðerni: Nígería
Rík vegna: Olíuiðnaður
n Alakija er fyrsta konan í sögu
Nígeríu sem verður milljarða-
mæringur, samkvæmt umfjöllun
Forbes. Á áttunda áratugnum vann
hún sem ritari í banka áður en
hélt til Bretlands til að læra fata-
hönnun. Þegar hún sneri aftur til
Nígeríu stofnaði hún fatafyrirtækið
Supreme Stitches sem framleiðir
fín föt fyrir heldri konur í Nígeríu.
Þaðan lá leiðin í olíubransann þar
sem hún er meðal annars varafor-
maður stjórnar í olíufyrirtækinu
Famfa Oil Limited.
Einar Þór Sigurðsson
einar@dv.is