Dagblaðið Vísir - DV - 07.03.2014, Qupperneq 50

Helgarblað 7.–10. mars 201450 Menning
Ég verð
alltaf ég
sjálfur
Á
sgeir hefur verið á miklu
tónleikaferðalagi um Asíu.
Hann er örþreyttur en
ánægður með að vera kom­
inn til landsins. Hann hefur
þurft að sofa síðustu tvo daga til að
bæta upp tímamismuninn. Hér ætl­
ar hann að dvelja um stund áður en
næsta lota hefst í Bandaríkjunum.
Hann gerði nýlega samning við
útgáfurisann Columbia Records.
Samningurinn hljóðar upp á
þrjár plötur og tryggir að breið­
skífan, In the Silence, komi út í
Bandaríkjunum þessa dagana. Út­
gáfan fer fram í samstarfi við breska
útgáfufyrirtækið One Little Indian,
en Ásgeir samdi við það í fyrra og
líkar samstarfið ákaflega vel. „Ég
verð alltaf ég sjálfur,“ segir hann og
brosir. Hann óttast ekki að nú, þegar
hann er kominn á mála hjá risafyrir­
tækinu Columbia, verði listrænt
frelsi hans heft. „Það er nú þegar
búið að marka brautina, ég hef ver­
ið að kynna plötuna í um ár í Evrópu
og Asíu þannig að ég þarf ekki að ótt­
ast neitt.“
Asperger í fjölskyldunni
Ásgeir flýgur til Bandaríkjanna sama
dag og leikverkið Furðulegt háttalag
hunds um nótt er frumsýnt og getur
því ekki verið viðstaddur frumsýn­
inguna, en hann samdi lag fyrir leik­
stjórann í anda verksins.
„Þeir vildu hafa lagið elektrónískt
en í mínum anda, þessi elektróníski
heimur mátast vel við reglubundinn
en einlægan heim aðalsöguhetjunn­
ar. Ég reyndi að leita eftir þessum
tilfinningum, ég tengi líka alveg við
þetta, það er svolítið um Asperger
í fjölskyldu minni. Faðir minn las
bókina og gerði það í annað sinn og
gat því gefið mér einhver ráð. Sjálfur
vildi ég ekki vera of bundinn af bók­
inni efnislega, mér finnst oft þægi­
legra að vinna óheftur.“
Furðuskepnur í Hrísey
Ásgeir er fæddur á Akureyri en ólst
upp í Hrísey fyrstu fimm æviárin.
„Ég man brotabrot úr lífinu í Hrís­
ey. Man að ég var alltaf í ferju og að
þvælast um á hjóli í náttúrunni. Ég
man eftir fallegri andatjörn sem ég
sótti í með vini mínum og auðvit­
að eftir einangrunarstöðinni. Þang­
að fór ég einhvern tímann og sá
ýmsar furðuskepnur að mér fannst,
hundarnir eru risastór skrímsli í
minningunni.“
Foreldrarnir sýndu traust
Foreldrar Ásgeirs eru Pálína Fanney
Skúladóttir og Einar Georg Einars­
son. Uppeldissystir Ásgeirs er Berg­
þóra Fanney. Hann á þó fleiri hálf­
systkin, sem eru töluvert eldri en
hann. Sá yngsti í þeirra hópi er Þor­
steinn Einarsson í Hjálmum. „Hann
átti lengi heima í Svíþjóð og það er
28 ára aldursmunur á okkur. Mér
fannst alltaf spennandi að fá hann í
heimsókn og leit mjög upp til hans.
Við tengdumst svo enn aftur í gegn­
um músíkina þegar ég varð eldri.“
Foreldrar Ásgeirs eru kennarar
að mennt og fluttust landshornanna
á milli. Eftir kyrrðina í Hrísey flutt­
ist fjölskyldan norður í land. Fað­
ir hans fékk starf við Reykjaskóla og
móðir hans sinnti kennslu við sama
skóla. Þau voru einu starfsmenn
Ásgeir varð frægur á svipstundu með plötu sinni Dýrð í dauðaþögn. Hann
segir frægðina hafa kollvarpað lífi hans. Þegar platan sló í gegn hafði hann
hugann við framhaldsskólanám og stefndi á að taka þátt í kraftlyftingamóti.
Nú hefur hann skrifað undir samning við eitt stærsta útgáfufyrirtæki heims.
Hann er að venjast breyttu lífi og stundum grípur hann söknuður á ferðalögum
um heiminn. Það er margt fleira sem kemur á óvart í lífi þessa sveitadrengs
sem er að upplifa draum sem hann trúði ekki að gæti ræst.
Kristjana Guðbrandsdóttir
kristjana@dv.is