Dagblaðið Vísir - DV - 13.05.2014, Page 4

4 Fréttir Vikublað 13.–15. maí 2014
1 matsk. safieða 1 hylki.
F æ s t í a p ó t e k u m , h e i l s u b ú ð u m , F j a r ð a r k a u p o g K r ó n u n n i .
Jafnvægi og vellíðan
lifestream™
nature’s richest superfoods
S
túlknakór Reykjavíkur fer til
Ítalíu í júní, en kórinn fer á
hverju ári utan til æfinga og
tónleikahalds. Hluti kórsins
tengist Grafarvogskirkju og
stúlkurnar sem tilheyra þeim hluta
ákváðu að halda fjáröflun í desem-
ber, með því að selja sælgæti á við-
burðum í kirkjunni.
Utanaðkomandi aðili, Hafþór
Kjartansson, var fenginn til að sjá
um fjáröflunina en hann sá um
innkaup á sælgæti, utanumhaldi
posa og uppgjör. Hafþór er ekki
tengdur kórnum beint, en er vin-
ur móður einnar stúlku í kórnum.
Aðrar mæður í hópnum töldu hann
í fyrstu vera eiginmann hennar, en
síðar kom í ljós að svo var ekki. Nú
þegar tæpt hálft ár er liðið frá fjár-
öfluninni hafa allir fjármunir ekki
skilað sér til stelpnanna og þá hef-
ur formlegt uppgjör ekki farið fram.
Mæður stúlknanna hafa ítrekað
beðið Hafþór um að ganga frá upp-
gjörinu og saka hann um að halda
peningum eftir til að nýta í eigin
þágu. Því vísar Hafþór á bug, í sam-
tali við DV.
Greiddi hluta til stelpnanna
„Við héldum að hann væri að gera
góðverk. Hann tók þátt í sölunni
og öllu utanumhaldi, en svo þegar
kom að því að greiða út þann hagn-
að sem kom inn þá gerðist ekkert,“
segir móðir einnar stúlkunnar í
kórnum. „Við báðum hann um að
ganga frá þessu, en það gekk lítið.
Eftir miklar umleitanir greiddi
hann hluta og það var okkur alveg
ljóst að þetta var ekki allur pen-
ingurinn. Því var samt komið skýrt
til skila af hans hálfu að hann
myndi ekki greiða meira,“ segir
móðirin. Í kjölfarið kölluðu mæð-
urnar eftir aðstoð séra Vigfúsar
Þórs Árna sonar, prests í Grafar-
vogskirkju. Hann talaði við Hafþór
fyrir hönd mæðranna, sem hlust-
uðu á símtal sem átti sér stað á milli
Vigfúsar og hans.
„Vigfús var svolítið hvass við
hann, enda er það frekar ljótt að
stela frá litlum stelpum,“ segir móð-
irin. Vigfús sagði að málið yrði sent
til lögfræðings ef ekki fengist far-
sæll endir á því. Hafþór skildi það
hins vegar sem hótun og sendi
tölvupóst til Vigfúsar, þar sem seg-
ir orðrétt: „Fyrirsögn í DV á næstu
dögum. Séra Vigfús í Grafarvogs-
kirkju hótar fyrrverandi sóknar-
barni sínu kæru og hann komi ekki
til með að eiga sjö dagana sæla.
Góð grein sem er í vinnslu.“ Málið
var hins vegar ekki komið inn til DV
þá og komst blaðið á snoðir um það
eftir öðrum leiðum.
Hálft ár en ekkert uppgjör
„Ég skildi þetta ekkert sem hótun,
þetta var hótun. Hann sagði við
mig að hann ætlaði með þetta í lög-
fræðing og að hann myndi kæra
mig,“ segir Hafþór í samtali við DV.
„Þessi peningur átti aldrei að fara
beint í kórinn, þetta átti að fara í
söfnun fyrir stelpurnar og þetta átti
að fara í margt annað,“ segir Hafþór,
sem vill þó ekki skýra frá því í hvað
annað þessi peningur átti að fara.
Samkvæmt heimildum DV átti
peningurinn aðeins að fara í ferða-
lag stúlknanna. Hálft ár er liðið frá
því að fjáröflunin fór fram, en samt
hefur engu uppgjöri verið skilað og
Hafþór viðurkennir að hann eigi
eftir að greiða hluta ágóðans til
stelpnanna, þrátt fyrir að hann segi
svo ekki vera við mæður stúlkn-
anna.
Hann gerðist hins vegar tvísaga
þegar DV náði tali af honum. Fyrst
sagði hann að peningurinn hefði
aldrei átt að fara beint til kórsins og
sagði málið margþætt. Vegna þess
hefði svo mikil töf orðið á málinu, þar
sem peningurinn hefði átt að fara í
annað en aðeins söfnun stelpnanna.
„Það stóð alltaf til að þessi pening-
ur færi til stelpnanna beint, en ekki
kórsins.“ Síðan bætti hann því við
að peningurinn væri kominn inn á
reikning kórsins og það væri aðeins
örlítil upphæð sem hann ætti eftir að
greiða stúlkunum. Þá sagðist hann
að myndu skila yfirliti vegna upp-
gjörsins bráðlega. Þegar blaðamað-
ur falaðist eftir yfirlitinu, sem hann
sagði að skýrði málið, þvertók Haf-
þór fyrir það og sagði: „Ekki séns.“
Eftir standa stúlkurnar sem
ferðast til Ítalíu í júní, en kostnað-
ur við ferðina er 170 þúsund krón-
ur á hverja stúlku. Auk þess er gert
ráð fyrir því að einn forráðamaður
fylgi hverju barni. Því er um afar
dýra ferð að ræða og mega margir
foreldrar illa við því að stúlkurnar
þeirra fái ekki peninginn sem þær
höfðu safnað. n
Neitar stúlknakór um
hagnað af fjáröflun
n Greiddi brot eftir ágang mæðra n Hefur lítil tengsl við kórinn
Rögnvaldur Már Helgason
rognvaldur@dv.is
Grafarvogskirkja Maðurinn sem hjálpaði
til við fjáröflun stúlknakórs Reykjavíkur hefur
ekki skilað öllum hagnaði til stúlknanna. Hluti
kórsins tengist Grafarvogskirkju og þar var
fjáröflunin haldin. Mynd SiGtRyGGuR ARi
„Það er frekar
ljótt að stela frá
litlum stelpum.
Hafþór Kjartansson
Verkfall ólíðandi
Samninganefndir kennara og sveitarfélaga funda stíft
V
erkfall grunnskólakennara
hefst á fimmtudag takist
Kennarasambandi Íslands
og Sambandi íslenskra
sveitarfélaga ekki að semja fyrir
þann tíma. Um er að ræða dags-
vinnustöðvun á fimmtudaginn en
samkvæmt upplýsingum DV er allt
kapp lagt á að ná samningum fyrir
þann tíma. Ekki hafði verið fund-
að síðan á miðvikudaginn í síðustu
viku þegar fundir hófust klukk-
an tíu á mánudagsmorgun í húsa-
kynnum ríkissáttasemjara. Fyrir
miðvikudaginn höfðu verið margir
árangurslausir fundir.
Fyrsta vinnustöðvunin verður
sem áður sagði 15. maí. Ef ekki
semst fyrir 21. maí verður önnur
vinnustöðvun og sú þriðja þann
27. maí. Búist er við því að setið
verði við samningaborðin fram á
fimmtudag til að reyna að semja.
„Við viljum fá sömu laun og aðr-
ar háskólamenntaðar stéttir sem
hafa sömu menntun og bera sömu
ábyrgð og við. Frá því hvikum við
ekki,“ sagði Ólafur Loftsson, for-
maður Félags grunnskólakennara
á vef Kennarasambandsins, en
ekki náðist í hann vegna funda hjá
ríkis sáttasemjara á mánudag. Búið
er að leggja drög að nýju vinnu-
mati á starfi grunnskólakennara en
enn gengur illa að semja um sjálfa
launaliðina.
Félagsmenn í Félagi grunn-
skólakennara sendu frá sér yfir-
lýsingu á mánudag þar sem þeir
sögðu tafir á samningaferlinu með
öllu ólíðandi. „Það er óverjandi að
félagsmenn FG þurfi með reglu-
legu millibili, vegna sinnuleysis
yfir valda, að beita aðgerðum til að
knýja fram sanngjarnar launaleið-
réttingar,“ segja kennarar. n
astasigrun@dv.is
Ölvaður velti
bifreið sinni
Ökumaður, sem grunaður er
um ölvun við akstur, velti bif-
reið sinni á Garðskagavegi á
sunnudagsmorgun. Lögreglan á
Suðurnesjum handtók mann-
inn á vettvangi og var hann
fyrst fluttur á Heilbrigðisstofn-
un Suðurnesja til aðhlynningar.
Að því loknu var hann færður á
lögreglustöð. Þar viðurkenndi
hann að hafa ekið undir áhrifum
áfengis. Að auki voru ökuréttindi
hans fallin úr gildi. Hafði óhapp-
ið viljað til með þeim hætti að
hann var að skipta um lag í út-
varpinu og misst við það stjórn á
bifreiðinni með framangreindum
afleiðingum. Bifreiðin var fjar-
lægð með dráttarbíl.
Annar ökumaður var handtek-
inn um helgina, einnig grunaður
um ölvunarakstur.
Vilja leiðréttingu Kennarar fara í vinnu-
stöðvun á fimmtudag náist ekki að semja.
Mynd SiGtRyGGuR ARi
Aukinn
stuðningur
við ESB-aðild
37,3 prósent landsmanna eru
hlynnt því að Ísland gangi í
Evrópusambandið. Þetta er sam-
kvæmt niðurstöðum könnunar
MMR sem framkvæmd var dag-
ana 6. til 11. maí. Í apríl voru 33,5
prósent hlynnt inngöngu sam-
kvæmt könnun MMR.
Af þeim sem tóku afstöðu nú
sögðust 49,5 prósent vera and-
víg því að Ísland gangi í Evrópu-
sambandið, borið saman við 49,0
prósent í apríl.
Spurt var:
Ert þú hlynnt(ur) eða andvíg(ur)
því að Ísland gangi í Evrópusam-
bandið (ESB)?
Svarmöguleikar voru: Mjög
andvíg(ur), frekar andvíg(ur),
hvorki andvíg(ur) né hlynnt(ur),
frekar hlynnt(ur), mjög hlynnt(-
ur), veit ekki og vil ekki svara.
Samtals tóku 87,9% afstöðu til
spurningarinnar. Svarfjöldi var
963 einstaklingar.