Dagblaðið Vísir - DV - 03.06.2014, Síða 6

Vikublað 3.–5. júní 20146 Fréttir
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
Greiddu tugmilljóna
arð út úr Sinnum
n Ásdís Halla seldi 24 prósent hlut til lífeyrissjóðanna
Á
sdís Halla Bragadóttir, fyrrver­
andi bæjarstjóri í Garðabæ,
og aðrir hluthafar í heima­
þjónustunni Sinnum ehf.
hafa greitt sér tæplega 42 milljóna
króna arð út úr fyrirtækinu á síð­
ustu árum. Arðurinn hefur runnið
niður í móðurfélagið EVU Consorti­
um ehf. Á síðustu árum hefur verið
á bilinu fjögurra til tæplega 27 millj­
óna króna hagnaður á rekstri fyrir­
tækisins. Mestur var hagnaðurinn
árið 2011 eða tæplega 27 milljónir
og var jafnhá upphæð greidd í arð til
hluthafa. Fyrirtækinu gengur því vel.
Þetta kemur fram í ársreikningum
fyrirtækisins síðustu ár.
Tugmilljóna viðskipti
Sinnum ehf. hefur verið talsvert í
fréttum síðustu vikuna vegna frétta
um tugmilljóna króna verkefni sem
fyrirtækið hefur fengið frá Garðabæ
án útboðs. Ásdís Halla er sem fyrr
segir fyrrverandi bæjarstjóri í Garða­
bæ. Á síðustu tveimur árum hafa við­
skipti bæjarins við fyrirtækið numið
frá tæplega 40 og upp í tæplega 50
milljónir króna á ári.
Viðskiptin voru ekki boðin út
en Gunnar Einarsson, bæjarstjóri
Garðabæjar, hefur sagt að aðeins
eitt fyrirtæki sinni slíkri heimaþjón­
ustu. Ásdís Halla hefur sagt að fyrir­
tækið vinni fyrir mörg sveitarfélög og
fái verkefni sín á grundvelli tilboða,
stundum sé tilboðum fyrirtækis­
ins tekið og stundum ekki. 78 starfs­
menn vinna hjá Sinnum ehf.
Seldu til lífeyrissjóðanna
Í fyrrasumar seldu hluthafar Sinnum
ehf., eignarhaldsfélagið Gekka ehf.,
sem er í eigu Ásdísar Höllu og annað
félag sem heitir Flösin ehf., tæplega
þriðjung hlutafjár til fyrirtækisins
Kjölfestu en það er fjárfestingarsjóð­
ur í eigu nokkurra lífeyrissjóða.
Alls var um að ræða 30 prósenta
eignarhlut í móðurfélagi Sinnum
ehf., Evu Consortium. Af þessum 30
prósentum seldi eignarhaldsfélag Ás­
dísar Höllu 24 prósent. Ársreikningur
félags hennar, Gekku ehf., fyrir árið
2013 liggur ekki fyrir og þess vegna er
ekki hægt að sjá hvað lífeyris sjóðirnir
greiddu fyrir hlut í fyrirtækinu. Ljóst
er hins vegar að hagnaður hefur verið
af þeim viðskiptum enda er rekstur
Sinnum ágætur líkt og hagnaðartölur
og upphæð arðgreiðslna sýnir.
Arðbærir samningar
Þeim mun fleiri samninga sem Sinn­
um ehf. gerir við sveitarfélög eins
og Garðabæ þeim mun meiri tekj­
ur koma inn í félagið og þeim mun
verðmætara verður það. Hluthaf­
arnir geta svo eftir atvikum selt hluti
í fyrirtækinu á grundvelli þeirrar
veltu og þess hagnaðar sem mynd­
ast í fyrirtækinu.
Eignarhaldið á fyrirtækinu í dag
er þannig að félag Ásdísar Höllu á 43
prósenta hlut, fjárfestingarfélag líf­
eyrissjóðanna á 30 prósent og Flös­
in ehf. á 27 prósent. n
Ingi Freyr Vilhjálmsson
ingi@dv.is
Arðbær rekstur Rekstur
Sinnum ehf. hefur verið arð­
bær en 42 milljóna króna
arður hefur ratað til móður­
félags þess auk þess sem
Ásdís Halla Bragadóttir
seldi 24 prósenta hlut til
lífeyrissjóðanna í fyrra.
Eina fyrirtækið Gunnar Einarsson,
bæjarstjóri í Garðabæ, hefur sagt að Sinnum
ehf. sé eina fyrirtækið sem býður upp á þá
þjónustu sem fyrirtækið veitir.
Liðkuðu til fyrir Sinnum
Sjálfstæðismenn í Reykjavík
Fulltrúar Sjálfstæðisflokksins í velferð­
arráði Reykjavíkurborgar liðkuðu til fyrir
Sinnum ehf. á fundi fyrir tæpu árið þar sem
rætt var um rekstur stuðnings­ og áfanga­
heimilis á Miklubraut 18. Orðrétt sagði í
bókun frá fulltrúum Sjálfstæðisflokksins:
„Fulltrúar Sjálfstæðisflokksins lögðu fram
eftirfarandi bókun: Velferðarsvið leggur
til að samið verði við Samhjálp um rekstur
Miklubrautar 18 til næstu 3ja ára. Af fjórum
aðilum er metið að reynsla Samhjálpar
og Sinnum ehf. sé meiri en hinna tveggja.
Hvað valið á milli Samhjálpar og Sinnum
varðar er fjallað er um að ólík nálgun fyrir­
tækjanna ráði afstöðu sviðsins. Af svörum
starfsmanna kemur fram að skýringin
liggur í ólíku skipulagi vakta eða viðveru
starfsmanna og hversu sveigjanlega fyr­
irtækin munu mæta þeim einstaklingum
sem eiga erfitt með að standa í skilum. Að
þessu sögðu taka fulltrúar Sjálfstæðis­
flokksins undir niðurstöðu sviðsins en
vilja benda á að Samhjálp hefur áralanga
reynslu í að annast og reka úrræði fyrir
fólk með fíkniefnavanda og hefur ákveðið
forskot á Sinnum ehf. hvað það varðar.
Hins vegar er Sinnum ehf. nýtt og vaxandi
fyrirtæki í velferðarþjónustu og myndi
geta stuðlað að fjölbreytni í þjónustu
við þá sem þurfa á velferðarþjónustu í
borginni að halda en mikil fákeppni er á
þeim markaði.“
Náðu að greiða starfsmönnum laun
Samkeppniseftirlitð skoðar samruna 365 og Konunglega kvikmyndafélagsins
Þ
að er ákveðin óvissa um það,“
segir Ari Edwald, forstjóri
365, aðspurður um stöð­
una á kaupum fyrirtækisins
á Konunglega kvikmyndafélaginu.
Samkeppniseftirlitið tók viðskiptin
til skoðunar í maí eftir að greint var
frá kaupunum og hefur tekið sér 120
daga til að skoða viðskiptin.
„Þeir hafa tekið vel í að við gerum
ákveðna hluti meðan samstarfið er
til skoðunar,“ segir Ari en með því
á hann við að Samkeppniseftirlitið
veiti 365 og Konunglega kvikmynda­
félaginu heimild til að hefja sam­
starfið að uppfylltum ákveðnum
skilyrðum. Kaupin verða þó ekki
heimiluð endanlega strax.
Ari segir að Konunglega kvik­
myndafélagið hafi náð að greiða
starfsmönnum sínum laun um
mánaðamótin. „Þeir náðu að klára
sig um mánaðamótin gagnvart sínu
starfsfólki.“ Sigmar Vilhjálmsson,
eigandi og framkvæmdastjóri Kon­
unglega kvikmyndafé­
lagsins, segir að til
hafi verið fyrir laun­
um í félaginu um
mánaðamótin.
„Það er til fé í fé­
laginu,“ segir
hann.
Sigmar segir
að Samkeppnis­
eftirlitið hafi feng­
ið tvær greinargerð­
ir um málið, aðra
frá 365 og hina frá
Konunglega kvik­
myndafé­
laginu.
„Vonandi skýrist þetta eitthvað í dag,“
segir Sigmar en með því vísar hann
til mánudagsins 2. júní. Sigmar hef­
ur sagt að fyrirtækið kunni að fara
í greiðslustöðvun ef samþykkt
samrunans dregst verulega hjá
Samkeppniseftirlitinu.
Framtíð samstarfs 365 og
Konunglega kvikmyndafé­
lagsins ætti því að skýrast,
í bili að minnsta kosti, í
þessari viku. n
ingi@dv.is
Náðu að greiða laun Sigmar
Vilhjálmsson segir að Konunglega
kvikmyndafélagið hafi náð að
greiða starfsmönnum
sínum laun um
mánaðamótin.
Strikað
yfir Júlíus
463 kjósendur Sjálfstæðis­
flokksins strikuðu Júlíus Vífil
Ingvarsson, frambjóðanda
Sjálfstæðisflokksins, út af lista
í borgarstjórnarkosningunum
á laugardag. Þetta kemur fram
á vef Kjarnans en alls voru út­
strikanir á lista Sjálfstæðis­
flokksins 875 og því Júlíus með
rúmlega helming þeirra.
138 strikuðu yfir nafn Bjark­
ar Vilhelmsdóttur á lista Sam­
fylkingarinnar en 112 strikuðu
yfir nafn Sóleyjar Tómasdóttur.
36 strikuðu yfir nafn Svein­
bjargar Birnu Sveinbjörns­
dóttur á lista Framsóknar og
flugvallarvina, 14 yfir nafn
Þórlaugar Ágústsdóttur hjá
Pírötum og 52 strikuðu yfir
nafn Ilmar Kristjánsdóttur hjá
Bjartri framtíð.
Íslandsmet
í yfirlæti
„Og þegar betur er að gáð sýn­
ist mér oddviti Framsóknar ekki
komast með tærnar þar sem „góða
fólkið“ hefur hælana þegar kem­
ur að ofstæki og öfgafullum við­
brögðum og fyrirlitningu gagnvart
skoðunum annarra,“ skrifar sjálf­
stæðismaðurinn, Brynjar Níelsson,
á bloggsíðu sína. Þar segir hann
ömur legt að heyra suma frambjóð­
endur Samfylkingarinnar og Vinstri
grænna tala um að Framsóknar­
flokkurinn væri ekki stjórntækur
vegna afstöðu oddvitans til lóða­
úthlutunar til múslima.
„Þetta er kannski ekki heimsmet
í yfirlæti en að minnsta kosti Ís­
landsmet og sennilega Norður­
landamet einnig. Og þetta er mikið
til sama fólkið og fannst alveg frá­
leitt að rússneska rétttrúnaðar­
kirkjan fengi lóð vegna afstöðu til
samkynhneigðar og að einstaka
kristnir predikarar fengju yfirhöfuð
að koma til landsins vegna afstöðu
sinnar til samlífs sama fólks.“