Dagblaðið Vísir - DV - 26.09.2014, Blaðsíða 20

Helgarblað 26.–29. september 201420 Fréttir Erlent
Löfven teygir
sig til vinstri
S
tefan Löfven, formaður Sós­
íaldemókrataflokksins í Sví­
þjóð og forsætisráðherraefni,
hóf á fimmtudag samninga­
viðræður við Vinstriflokkinn
um stuðning við tveggja flokka ríkis­
stjórn með flokki Græningja. Vinstri­
flokkur Jónasar Sjöstedt mun ekki
verða hluti af ríkisstjórninni en vænt­
anleg minnihlutastjórn Stefans Löf­
ven þarf að tryggja sér stuðning eins
margra annarra flokka og hann getur.
Í dag, föstudag, fyrir klukkan 12
að hádegi mun Löfven hitta forseta
sænska þingsins, Per Westerberg, og
kynna fyrir honum hvernig stjórnar­
myndunarviðræðurnar ganga. Mikil­
vægasta forgangsmál Löfvens er að
sjá til þess að hann komi væntanlegu
fjárlagafrumvarpi í gegnum sænska
þingið og til þess að tryggja það þarf
hann stuðning annarra flokka, meðal
annars Vinstriflokksins.
Ágreiningur um kosningaloforð
Sænska dagblaðið Dagens Nyheter
greindi frá því á vefsíðu sinni fimmtu­
daginn að samningaviðræður væru
hafnar á milli Sósíaldemókrataflokks­
ins, Græningja og Vinstriflokksins. Í
prentaðri útgáfu Dagens Nyheter sem
út kom á fimmtudagsmorgun sagði
hins vegar að Löfven myndi halda á
fund forseta þingsins án þess að hafa
komist að samkomulagi við Vinstri­
flokkinn. Viðræðurnar við Vinstri­
flokkinn á fimmtudaginn komu því
nokkuð á óvart og sýna ágætlega
þann atgang sem á sér stað í þessum
viðkvæmu stjórnarmyndunarviðræð­
um Stefans Löfven.
Jonas Sjöstedt hefur frá því fyrir
þingkosningarnar um þar síðustu
helgi, og eins eftir þær, verið harð­
ur á því að hann muni ekki hvika
frá helsta kosningaloforði Vinstri­
flokksins í viðræðum við Stefan Löf­
ven. Sjöstedt keyrði kosningabar­
áttuna áfram á þessu loforði sem
snýst um að banna arðgreiðslur út
úr einkareknum fyrirtækjum sem
starfa í velferðargeiranum í Svíþjóð
– einkareknum skólum og öldr­
unarheimilum til dæmis.
Strax eftir kosningarnar tilkynnti
Stefan Löfven að Vinstriflokkurinn
yrði ekki hluti af nýrri ríkisstjórn og
komu þau skilaboð flatt upp á Sjö­
stedt. Ástæðan fyrir þessum skýru
skilaboðum er fyrst og fremst talin
vera ágreiningurinn sem er á milli
flokkanna um að banna arðgreiðslur
út úr þessum velferðarfyrirtækjum.
Sósíaldemókrataflokkurinn vill tak­
marka slíkar arðgreiðslur meira en
gert er í dag en Sjöstedt vill banna
þær.
Opnað fyrir viðræður
Í veffrétt Dagens Nyheter á fimmtu­
daginn kom hins vegar fram að við­
fangsefni viðræðnanna á milli Sósíal­
demókrataflokksins, Græningja og
Vinstriflokksins væri enn sem komið
er ekki væntanlegt fjárlagafrumvarp
heldur einmitt spurningin um hvern­
ig nýja ríkisstjórnin muni taka á arð­
greiðslunum út úr einkareknu vel­
ferðarfyrirtækjunum.
Afar ólíklegt er talið að Sjöstedt
nái því markmiði sínu að slíkar arð­
greiðslur verði bannaðar með öllu. Til
þess er andstaða Sósíaldemókrata og
Græningja of mikil. Hins vegar er talið
líklegt að flokkarnir þrír geti kom­
ist að einhvers konar samkomulagi
um aðgerðirnar til að sporna við og
takmarka slíkar arðgreiðslur. Þá þarf
Vinstriflokkurinn að draga úr sínum
kröfum um blátt bann við þeim en á
sama tíma þurfa Sósíaldemókratar
og Græningjar hugsanlega að ganga
lengra í þá átt að takmarka slíkar arð­
greiðslur en flokkarnir hefðu viljað.
Löfven mun því hitta forseta
þingsins í dag, föstudag, eftir að hafa
hafið viðræður um arðgreiðsluspurn­
inguna við Vinstriflokkinn. Þær við­
ræður eru skilyrði fyrir að hefja
viðræður við Vinstriflokkinn um fjár­
lagafrumvarp Löfvens.
Töldu sig ekki þurfa stuðning
Vinstriflokksins
Stjórnarmyndunarviðræðurnar í Sví­
þjóð eru því á afar viðkvæmu stigi.
Sósíaldemókrataflokkurinn hefur
teygt sig yfir á hægri vænginn til frá­
farandi stjórnarflokka en þar er tak­
markaður áhugi á beinu samstarfi.
Vinstriflokkurinn er því mikilvægt,
hugsanlega nauðsynlegt, púsl fyrir
minnihlutastjórn Sósíaldemókrata
og Græningja og kann viðleitni hægri
flokkanna í garð samstarfs við vænt­
anlega ríkisstjórn að skýra af hverju
Löfven leitar nú til Vinstriflokksins.
„Óvenjuleg staða“
Í Dagens Nyheter á föstudaginn
var sagði Jan Björklund, formaður
Flokks fólksins sem verið hefur í
ríkisstjórn í átta ár, að flokkur hans
myndi ekki styðja ríkisstjórn sem
Sósíaldemókratar færu fyrir. Til þess
telur Björklund að of langt sé á milli
flokkanna í stefnu þeirra í efnahags­
málum.
Svo útilokaði Björklund ekki að
ný ríkisstjórn kynni að falla á kjör­
tímabilinu. „Staðan á þinginu sem
upp er komin er mjög óvenjuleg.
Sambærileg staða hefur ekki komið
upp áður. Þannig að nýjar kosningar
eru vissulega raunhæfur möguleiki.
Þess vegna er mikilvægt að ríkis­
stjórnarflokkarnir geri sér grein fyr­
ir því að hugsanlega verði boðað til
annarra kosninga fyrir árið 2018,“
sagði Björklund. n
n Fundaði um grundvallarmál Vinstriflokksins n Þarf stuðning þaðan
Ingi Freyr Vilhjálmsson
ingi@dv.is
Þurfa stuðning Vinstriflokksins
Sósíaldemókrataflokkurinn og Græningjar
þurfa stuðning Vinstriflokks Jónasar
Sjöstedt í stjórnarmyndunarviðræðunum
í Svíþjóð. Líklegt er að þetta leiði stjórnina
meira til vinstri.
„Staðan á þinginu
sem upp er komin
er mjög óvenjuleg.
Erfið staða Staðan í
sænskum stjórnmálum er
erfið um þessar mundir þar
sem Stefan Löfven reynir að
mynda minnihlutastjórn með
stuðningi Vinstriflokksins.
Milljarða-
mæringum
fjölgar í Noregi
Milljarðamæringar í Noregi hafa
aldrei verið fleiri samkvæmt nýj­
um lista sem opinberaður var í
tímaritinu Kapital í vikunni.
Listinn nær til 400 ríkustu
Norðmannanna sem allir eiga
500 milljónir norskra króna eða
meira, upphæð sem samsvarar
9,4 milljörðum íslenskra króna.
Efstur á blaði að þessu sinni er
skipakóngurinn John Fredriksen
en eignir hans eru metnar á 1.900
milljarða íslenskra króna. Í öðru
sæti er hótelmógúllinn Olav Thon.
Karlar skipa efstu 17 sæti list­
ans en ríkasta konan er Helene
Odfjell í 18. sætinu. Eignir henn­
ar eru metnar á 6,5 milljarða
norskra króna, 122,7 milljarða
íslenskra króna.
500 milljónir
tölva í hættu
Talið er að um 500 milljónir tölva
séu í hættu vegna hugbúnaðar­
galla sem hægt er að nota til að
ná algjörri stjórn á tölvunum.
Macintosh­tölvur frá Apple og
tölvur sem nota Linux­stýrikerfið
eru í hættu vegna þessa galla, sem
er kallaður Shellshock. Hann er
alvarlegri en gallinn sem fannst í
apríl og nefndist Heartbleed.
Gallinn fannst í hugbúnaði
sem kallast Bash, sem er lykilfor­
rit í keyrslu netþjóna sem halda
uppi að minnsta kosti helmingi
internetsins. Forritið er á tölvum
Apple og þeim sem keyra stýri­
kerfið Linux, og getur verið í notk­
un í bakgrunni án þess að not­
andinn geri sér grein fyrir því. Þá
er forritið einnig í mörgum heim­
ilistækjum sem tengjast netinu,
eins og snjallljósaperum, netbein­
um og jafnvel dyralásum.
Talið er að forritið hafi inni­
haldið þennan galla allt frá árinu
1989 og jafnvel lengur, en hann
uppgötvaðist þó ekki fyrr en ný­
lega. Gallinn gerir það að verkum
að tölvuþrjótar geta lesið upp­
lýsingar, afritað og eytt skjölum
og jafnvel keyrt forrit án þess að
notandinn geri sér grein fyrir því.
Allar viðkvæmar upplýsingar not­
anda eru því í hættu, hvort sem
það eru lykilorð, persónuleg skjöl,
bankaupplýsingar eða fleira.
Enn sem komið er hefur Apple
ekki gefið út nýja uppfærslu vegna
gallans, en talið er að hún verði
gefin út von bráðar. Jafnframt skal
bent á að fái fólk tölvupóst vegna
gallans getur þar verið um annars
konar árás að ræða, þar sem
hlaða þarf niður skjali eða gefinn
er tengill á einhverja vefsíðu. Því
þarf að hafa allan vara á, því hefð­
bundnar tölvuárásir geta átt sér
stað á sama tíma.