Dagblaðið Vísir - DV - 04.07.2014, Blaðsíða 6

Helgarblað 4.–7. júlí 20146 Fréttir
S
íðustu ár hafa þær systur
gerbreyst. Það var kom­
ið að þeim á mjög erfiðum
tíma. Þá er auðvelt að ráðsk­
ast með fólk. Þeir trúa eitt­
hvað svakalega mikið á hana […]
Þetta hefur Kleópatra nýtt sér,“ seg­
ir náinn aðstandandi þeirra Helen­
ar og Nancy Gunnarsdætra, erfingja
matvælafyrirtækisins Gunnars
Majon ess, í samtali við DV um stöð­
una innan fyrirtækisins. Aðstand­
andinn vísar með orðum sínum
til Kleópötru Kristbjargar Stefáns­
dóttur þegar hann segir að þær trúi
„eitthvað svakalega mikið á hana“.
Gjaldþrot Gunnars hefur vakið
mikla athygli en fyrirtækið er meira
en 50 ára gamalt. Það var stofnað af
Gunnari Jónssyni sem rak fyrirtæk­
ið til ársins 1998 þegar hann féll frá.
Dætur hans tvær og eftirlifandi eig­
inkona erfðu fyrirtækið. Staða fyr­
irtækisins var góð þegar hann féll
frá og skildi Gunnar eftir sig tals­
verðar eignir. Síðan þá hefur sig­
ið á ógæfuhliðina og er kennitala
fyrir tækisins nú komin í þrot. Stofn­
að hefur verið nýtt rekstrarfélag
utan um Gunnars og er það í eigu
Kleópötru Kristbjargar.
Átta ára tímabil
Aðstandandinn segir að Kleópatra
Kristbjörg hafi fyrst komið inn í
Gunnars Majones sem ráðgjafi fyr­
ir átta árum síðan. „Svo gerðist það
bara með tímanum að hún varð
forstjóri fyrirtækisins. Hún sinnti
því hlutverki bara alls ekki neitt. Í
þau fáu skipti sem hún skipti sér af
rekstrinum var það bara til að spyrja
starfsmenn um reksturinn.“ Hann
segir að það sé til marks um þekk­
ingu Kleópötru að rekstri að fyrir­
tækið hafi orðið gjaldþrota á með­
an hún var við stjórnvölinn. Hann
segir að systurnar Helen og Nancy
hafi einangrast mjög frá ættingjum
sínum síðastliðin ár og að þær hafi
smám saman misst allt sjálfstraust.
„Þetta litla sjálfstraust sem þær hafa
gerir það að verkum að þær eru til­
búnar að láta hana bara hafa allt.“
Aðstandandinn spyr hvort blaða­
maður trúi á „heilaþvott“ og ger­
ir því skóna að eitthvað slíkt hafi átt
sér stað í tilfelli systranna. Líkt og
DV hefur greint þá hefur Kleópatra
ekki bara eignast Gunnars Majon­
es, í gegnum nýa kennitölu, heldur
hefur önnur systirin, Helen, líka af­
salað sér jörð á Snæfjallaströnd til
Kleópötru.
Hjá skiptastjóra
En sagan af Gunnars er ekki búin.
Gamla kennitalan er nú komin í
þrot og hefur skiptastjóri tekið við
búinu. Spurningin sem eftir stend­
ur er hvort eðlilega hafi verið stað­
ið að færslu eigna á milli gömlu
kennitölunnar og þeirrar nýju og
hvort eðlilegt verð hafi verið greitt
fyrir þær. Þetta er eitt af þeim atrið­
um sem skiptastjóri Gunnars mun
væntanlega taka til skoðunar. Því
er ekki hægt að fullyrða á þessari
stundu að eignarhaldið á nýja
rekstrarfélagi Gunnars verði áfram
hið sama. DV hefur heimildir fyrir
því að áhugi sé á Gunnars hjá fjár­
festum enda er fyrirtækið líka með
sterka stöðu á markaðnum og hefur
allar forsendur til að vera gott fyrir­
tæki sem skilað gæti traustum hagn­
aði á hverju ári.
„Sorglegt“
Ljóst er hins vegar að erfingjar
Gunnars Jónssonar, eftirlifandi eig­
inkona hans og dætur, hafa misst
yfirráðin yfir fyrirtækinu. „Þetta er
aðal lega sorglegt fyrir gömlu kon­
una: Að horfa upp á fyrirtækið sem
hún er búin að byggja upp með sín­
um eigin höndum á síðustu sextíu
árum verða að engu. Hún er búin að
vinna í verksmiðju í sextíu ár. Þetta
er alveg ferlegt.“ n
„Þetta er ferlegt“
n Aðstandandi Gunnarssystra talar um heilaþvott n Hafa misst yfirráðin
Gjaldþrot eftir 60 ár
Eftirlifandi eiginkona
Gunnars Jónssonar er komin
á níræðisaldur og starfaði hjá
fyrirtækinu í áratugi. Hún hefur
nú misst eignarhlut sinn í fyrir-
tækinu en nýja rekstrarfélagið
er í eigu Kleópötru Kristbjargar
Stefánsdóttur.
Ingi Freyr Vilhjálmsson
ingi@dv.is „Að horfa upp á fyrirtækið sem
hún er búin að byggja
upp með sínum eigin
höndum á síðustu sextíu
árum verða að engu
Hjálpfús Ragnheiður Elín Árnadóttir,
iðnaðar- og viðskiptaráðherra, ætlar að
gera allt sem í hennar valdi stendur til að
Costco-keðjan geti starfað á Íslandi.
Mynd SIGtryGGur ArI
Góð við Costco
Árni Páll: Hvað með aðra verslunareigendur?
R
agnheiður Elín Árnadótt­
ir, iðnaðar­ og viðskipta­
ráðherra, vill breyta lögum
og reglugerðum til að smá­
sölukeðjan Costco geti starfað á Ís­
landi. Fréttastofa RÚV hafði eftir
henni fyrr í vikunni að hún og aðrir
ráðherrar væru „tilbúin til að gera
það sem í okkar valdi stendur til
að greiða úr þeim úrlausnarefnum
sem fyrir hendi eru“. Í þessu felast
líklega breytingar á áfengislöggjöf­
inni og undanþágur frá banni við
innflutningi á fersku kjöti.
Árni Páll Árnason, formaður
Samfylkingarinnar, gagnrýnir
áformin harðlega í samtali við DV
og segist varla trúa því að ráðherra
vilji í raun og veru veita einu er­
lendu verslunarfyrirtæki undan­
þágur frá áfengislögum, lyfjalögum
og búvörulögum.
„Af hverju mega innlend­
ir verslunareigendur ekki búa við
sambærilegan kost? Vill ráðherra
Sjálfstæðisflokksins – ábyrgðarráð­
herra samkeppnismála – gefa einu
erlendu fyrirtæki allt aðrar starfs­
aðstæður en innlendum aðilum?“
spyr Árni Páll sem telur lykilatriði
að almennar leikreglur gildi í
landinu.
Verði áformin að veruleika er
líklegast að Costco hafi aðsetur í
Kauptúni í Garðabæ eða á Korpu­
torgi. Skipulagsráð Reykjavíkur
hefur nú þegar gefið Costco leyfi
til að opna verslun á Korputorgi,
en beiðni fyrirtækisins um að opna
svokallaða fjölorkustöð í Garðabæ
er enn til skoðunar. n
johannp@dv.is
Fékk hjarta-
áfall í sundi
Eldri maður fékk hjartaáfall í
Sund laug Ak ur eyr ar snemma
á fimmtudagsmorgun. Starfs­
menn brugðust hárrétt við,
sem og ungmenni sem voru á
sundæfingu á næstu braut við
manninn. Þau tóku strax eftir
því að eitthvað var að mannin­
um og brugðust hratt og örugg­
lega við. Sundfólkið kom mann­
inum að bakka laugarinnar og
þar tóku starfsmennirnir við
honum. Maðurinn var fluttur á
sjúkrahús og er nú á gjörgæslu­
deild. Líðan hans er eftir atvik­
um góð.
Útsendingum
Miklagarðs hætt
Útsendingum sjónvarpsstöðv­
arinnar Miklagarðs hefur ver­
ið hætt. Líkt og greint hefur
verið frá hafa 365 miðlar tekið
yfir öll hlutabréf í Kon ung lega
kvik mynda fé lag inu sem rak
sjón varps stöðvarn ar Bra vó og
Miklag arð. Samkeppniseftirlitið
hefur veitt þessum samruna
undanþágu, en yfirtakan er enn
í skoðun.
Útsendingum Miklagarðs
var hætt um mánaðamótin, en
útsendingar Bravó standa enn
yfir, þar sem tónlistarmynd­
bönd eru sýnd allan sólar­
hinginn.
Gullfallega söngkonan
og skemmtikrafturinn
LEONCIE vill skemmta
um allt Ísland í alls
kyns mannfögnuðum
og skemmtunum
með alla sína
helstu smelli.
Sími 854-6797
musicleoncie
@gmail.com
www.youtube.com/
IcySpicyLeoncie