Dagblaðið Vísir - DV - 10.10.2008, Page 4

föstudagur 10. október 20084 Fréttir
Sandkorn
n Metsöluhöfundurinn marg-
faldi Arnaldur Indriðason
lætur sig að sjálfsögðu ekki
vanta í jólabókaflóðið þetta
árið en nýjasta glæpasaga hans,
Myrká, kemur út 1. nóvember
en Arnaldur
hefur ætíð
haldið sig
við þennan
útgáfudag.
Sagan hefst
á því að
fáklæddur
ungur mað-
ur finnst í
blóði sínu í snyrtilegri íbúð í
Þingholtunum. Engin merki eru
um innbrot eða áflog en óminn-
islyf í jakkavasa hans vekja
grunsemdir um að ekki sé allt
með felldu. Lögreglugengi hins
margrómaða lögregluforingja
Erlends Sveinssonar finnur því
fljótlega slóð dulins ofbeldis og
sálarmorða og harma sem seint
verður fullhefnt. Söguþráðurinn
lofar því góðu og sjálfsagt er lítil
hætta á að Arnaldur bregðist
aðdáendum sínum með þessari
tólftu skáldsögu sinni.
n Á meðan Ísland stendur í
ljósum logum og efnahagslegar
þrengingar bitna á hverju ein-
asta mannsbarni falla smákóng-
arnir hver á fætur öðrum. Á
meðan Róbert Wessman lagði
fimm millj-
arða í hluta-
bréf Glitnis
þremur
dögum fyrir
ríkisvæð-
ingu heyrast
þær fregnir
af Þorsteini
M. Jónssyni,
stjórnarfomanni Vífilfells, að
hann íhugi sölu á bréfum sínum
í fyrirtækinu. Ekki er ljóst hver
hugsanlegur kaupandi er en
samkvæmt óstaðfestum heim-
ildum bjóða menn tvö hundruð
milljónir fyrir meirihlutaeignina
í Vífilfelli.
n Nú er illt í efni fyrir ímynd Ís-
lands. Ekki aðeins vegna þess
að Bretar hafa beitt hryðju-
verkalögum á íslenskan efnahag
heldur hefur slúðurkóngurinn
Perez Hilton gagnrýnt stjórn-
völd vegna Icesave-reikninga
Landsbankans. Perez heldur
úti gríðarlega vinsælu vefsvæði
sem tugir milljóna lesa á hverj-
um degi. Því má með sanni
segja að hin svala ímynd sem
Ísland byggði upp hafi hlotið
talsverðan hnekki. Það verður
því athyglisvert að sjá hvort
yfirvofandi ímyndarkreppa
bitni á framleiðandum Sigur-
jóni Sighvatssyni eða Baltas-
ar Kormáki sem er við tökur
á kvikmynd fyrir bandarískan
markað.
n Og meira um hryðjuverkalög.
Stjórnvöld hafa barist hatramm-
lega gegn kreppunni og þá helst
með þjóðnýtingu bankanna.
Fremstir í flokki hafa verið Geir
H. Haarde, forsætisráðherra
og Björgvin G. Sigurðsson við-
skiptaráðherra. Fjölmargir hafa
hins vegar velt því fyrir sér hvar
fjármálaráðherrann Árni M.
Mathiesen hafi haldið sig und-
anfarna daga. Hann dúkkaði
þó upp í umræðunni í gær eftir
að hann
ræddi við
fjármála-
ráðherra
Breta,
Alistair
Darling, í
síma. Eftir
símtalið
tók breska
ríkisstjórnin ákvörðun um að
lögsækja Ísland vegna Icesave
auk þess sem hún beitti fyrir sig
hryðjuverkalögum til þess að
stöðva íslenska banka.
Hræsninnar helgustu vé
Skáldið Skrifar
Víkingasveit íslenska alþýðulýð-
veldisins er komin heim og þótt
enn finnist menn sem námu það
við móðurkné að hafa hið illa í
hávegum hvenær sem þess gefst kostur eru
lyddur sagðar einráðar í sveit þeirri sem nú
er til grafar borin. Knerrir eru ýmist brennd-
ir á báli eða þá að hræ víkinga eru heygð
með hrossi, hundi, sverði og skildi. Það er
liðin tíð að menn sæki útfyrir landsteina
til að brytja Skrælingja sér til skemmtunar.
Hinir þróttmiklu höfðingjar sem ekki héldu
vatni yfir einstakri velgengni útrásar vík-
inganna kasta nú af sér allri vætu og er lek-
andinn slíkur að menn vita ekki í hvern skó-
inn næst beri að míga. Höfðingjarnir lofa
þá velmegun sem í Valhöll bíður, því jafnvel
þótt menn falli þar í valinn eftir vopnfiman
leik munu þeir rísa við og fá ný tækifæri – ný
fley og nýjar árar. Gullroði himnanna mun
enn og aftur verða að glýju í augum þeirra
sem gírugastir eru.
Höfðingjarnir sem leyfðu víkingaskipunum
að sigla – þeir sem ýttu skipunum frá, kannast
ekki við það í dag að hafa átt nokkurn þátt í því
að illa fór. Nei, núna er komið að því að þjóð-
in öll axli ábyrgðina. Já, kæra þjóð, þetta gerist
vegna þess að þeir sem landinu hafa stjórnað
síðustu árin eru svo mikil dusilmenni að þeir
munu aldrei játa á sig mistök, þeir munu alltaf
skella skuldinni á þá sem fengu leyfi til að sigla
skipunum í strand.
Núna keppast þeir hver um annan þveran
við að afneita útrásinni og enginn skal til af-
töku leiddur, jafnvel þótt höfðingjar okkar hafi
stolið frá þjóðinni öllu nema stoltinu einu.
Höfðingi útrásarinnar gerir strandhögg í landi
Engilsaxa og neitar allri sök, jafnvel þótt hann
sé staðinn að verki.
Nú hafa hin helgustu vé hræsninnar loksins
verið opnuð uppá gátt. Nú fáum við séð hverjir
eru hetjur og hverjir eru loddarar og liðleskj-
ur. Þeir sem lifa á lygum og óráðshjali; hefnd-
arfíkn og valdagræðgi eru þeir sem biðja Guð
að blessa íslenska þjóð. Hinir einu sönnu söku-
dólgar – fjárglæframenn okkar ágætu þjóð-
ar eru þeir sem gáfu eignir ríkisins í nafni al-
ræmdrar einkavæðingar – framkvæmdar sem
seint verður nógsamlega rómuð.
Botninum er náð og við vitum að höfuðpaur-
ar samsærisins gegn þjóðinni eru sjálfstæðis-
menn og framsóknarmenn – þeir sem hér hafa
stjórnað síðustu árin. Þessum mönnum færi
ég, hverjum og einum, eftirfarandi boðskap:
Þú forðast bæði frið og stríð,
þú frítt vilt hafa spilið
en um þig síst ég yrki níð,
þú átt það varla skilið.
V
Kristján Hreinsson sKáld sKrifar. „Núna keppast þeir hver um annan þveran við að afneita útrásinni og enginn skal til aftöku leiddur.“
Framsóknarmenn hafa lagt fram þingsályktunartillögu sem felur í sér breytingu á skipan
frídaganna uppstigningardags, sumardagsins fyrsta og 1. maí. Með því vilja þeir að meiri
samfella verði í frídögum svo þeir slíti ekki sundur vinnuvikuna og komi niður á fram-
leiðni. „Erfitt að færa alþjóðlegan baráttudag verkafólks,“ segir Vilhjálmur Birgisson.
Gunnar í Krossinum leggur blessun sína yfir tilfærsluna í kringum uppstigningardag.
1. MAÍ ALLTAF
Á MÁNUDEGI
„Ég efa nú ekki að þetta frumvarp
muni vekja mikla umræðu, sitt sýn-
ist hverjum í þessum efnum, en ég
hef fulla trú á því að meginþorri al-
mennings vilji breyta þessu fyrir-
komulagi með þessum hætti enda
myndu trúlega allir njóta töluverðs
góðs af þessu bæði fjölskyldurnar og
atvinnulífið,“ segir Birkir Jón Jóns-
son, þingmaður Framsóknarflokks-
ins, um nýja þingsályktunartillögu
sem felur í sér breytingu á skipan frí-
daga.
Birkir Jón, Samúel Örn Erlingsson
og Bjarni Harðarson eru flutnings-
menn tillögunnar en þar vilja þeir
flytja fimmtudagsfrídagana upp-
stigningardag og sumardaginn fyrsta
yfir á föstudag og að 1. maí verði
haldinn hátíðlegur frídagur verka-
manna fyrsta mánudag í maí.
„Mér finnst þetta vera það sem
fólk er mikið að tala um, að það verði
meiri samfella í frídögum og við
höfum bara horft til þess í mörgum
löndum sem við berum okkur sam-
an við, þar hafa
menn gert þessa hluti. Og með þessu
móti fá fjölskyldur meira út úr þess-
um frídögum,“ segir Birkir Jón um
hugmyndina að baki tillögunni.
Hugmyndafræðin góð en erfitt
er það
„Það er erfitt að færa alþjóðleg-
an baráttudag verkafólks á einhvern
annan dag. Hann er 1. maí,“ seg-
ir Vilhjálmur Birgisson, formaður
Verkalýðsfélags Akraness. „Þetta er
náttúrlega svolítið vígalegt, en hug-
myndafræðin á bak við þetta, það
er að segja, að lengja frí með þess-
um hætti, er góð,“ segir Vilhjálmur
og bætir við að heimilt sé samkvæmt
kjarasamningum að færa frídaga
sem falla á fimmtudaga með því að
vinna þann dag af sér og taka út frí
á föstudögum.
Birkir Jón segir að allt sé hægt ef
viljinn sé fyrir hendi. „Það er í raun-
inni mikilvægt að halda upp á þenn-
an dag með einhverjum hætti og
framkvæma þessar breytingar í sam-
ráði við atvinnulíf og verkalýðsfé-
lög en ég hef fulla trú á því að menn
muni ná saman í þeim efnum. Það
væri þá hægt að halda upp á 1. maí
að kvöldi til, það er ekkert sem úti-
lokar það,“ segir Birkir Jón bjartsýnn.
Uppstigningardagur
viðkvæmur
Í þingsályktunartillögu framsókn-
armannanna segir að flutningur frí-
dags vegna uppstigningardags verði
„viðkvæmt mál þar sem hann er einn
af helgidögum þjóðkirkjunnar“ en
Birkir Jón er bjartsýnn.„Ég efa nú
ekki að þetta frumvarp muni vekja
mikla umræðu sitt sýnist hverj-
um í þessum efnum en ég hef fulla
trú á því að meginþorri almennings
vilji breyta þessu fyrirkomulagi með
þessum hætti enda myndu trúlega
allir njóta töluverðs góðs af þessu
bæði fjölskyldurnar og atvinnulífið,“
segir Birkir Jón Jónsson, þingmað-
ur Framsóknarflokksins, um nýja
þingsályktunartillögu um tilfærslu.
Helgihald með lögboði ekki
viðeigandi
Gunnar Þorsteinsson, forstöðu-
maður Krossins, er jákvæður í garð
tillögu framsóknarmannanna er
sneri að flutningi frídagsins í kring-
um uppstigningardag yfir á föstu-
dag. Það bæri ekki að leggja ok á
menn kirkjunnar vegna. „Það á ekki
að sníða helgidagahald eftir dyntum
kirkjunnar heldur á almenningur að
lofa Guð í frelsi. Helgihald með lög-
boði er ekki viðeigandi í nútímasam-
félagi,“ sagði Gunnar spurður um
skoðun sína á tilfærsluhugmyndun-
um. Hann er þeirrar skoð-
unar að slíka frídaga
eigi að sníða eftir
þörfum almennings
og í því samhengi sé
uppstigningardag-
ur ekki heilög stærð
í þeim efnum.
SiGUrðUr MiKael jónSSon
blaðamaður skrifar: mikael@dv.is
„Það á ekki að sníða
helgidagahald eft-
ir dyntum kirkjunnar
heldur á almenningur
að lofa Guð í frelsi.“
Fyrir fjölskyldurnar Bjarni Harðarson
og Birkir Jón Jónsson, þingmenn
Framsóknarflokksins, leggja fram
þingsályktunartillöguna ásamt Samúel
Erni Erlingssyni.
Ekkert heilagt Gunnar leggur
blessun sína yfir þær hugmynd-
ir að breyta skipan frídagsins í
kringum uppstigningardag.
Hugmyndafræðin góð Góð
hugmynd en erfitt að færa
alþjóðlegan baráttudag verkafólks.