Lögmannablaðið - 01.10.2013, Blaðsíða 6

6 lögmannaBlaÐiÐ tBl 03/13
ÞETTA Eru m.A. niðurstöður könnunar
sem Lögmannablaðið gerði um
miðjan september s.l. meðal félaga
Lögmannafélags Íslands. Alls 932
lögmenn fengu könnunina senda með
rafrænum hætti og var svarhlutfallið
57%.1 Könnun Lögmannablaðsins er
hliðstæð könnun sem gerð var árið
2007 en þess má geta að þá fengu 641
lögmaður hana senda og svarhlutfallið
þá var 64%.2 Hlutfallslega fleiri
sjálfstætt starfandi lögmenn svöruðu
könnuninni, eða 70%, en samkvæmt
félagatali Lögmannafélagsins eru 66%
lögmanna á stofum sjálfstætt starfandi. Í
félagatali eru 34% félagsmanna fulltrúar
lögmanna en 30% svarenda í könnun.
Þess má svo geta að konur eru 31%
lögmanna samkvæmt félagatali en eru
35% svarenda í könnuninni. Lesendur
eru því beðnir um að hafa í huga við
lestur niðurstaðna könnunarinnar að
um litla skekkju gæti verið að ræða.
Þess má svo geta að tryggt var að svörin
væru órekjanleg.

helmingur lögmanna undir
fertugu
Á undanförnum sex árum hefur
lögmönnum fjölgað um 31%. Af þeim
sem svöruðu könnuninni eru 32%
með innan við fimm ára starfsreynslu
á móti 26% árið 2007. Alls 77% svarenda
eru undir fimmtugu, þar af eru 48%
lögmanna á aldrinum 25-39 ára og 29%
á aldrinum 40-49 ára. félagsmenn 50-59
ára eru 15% og 8% eru 60 ára eða eldri.
Af þeim sem tóku þátt í könnuninni voru
42% kvenna undir fertugu og 58% karla.
Á aldursbilinu 40-49 ára voru konur
32% og karlar 68%, á aldursbilinu 50-
59 ára voru konur 28% og karlar 72%.
Einungis 4% kvenna voru yfir sextugu
og 96% karla. 62% kvenna sem tóku
þátt í könnuninni voru undir fertugu á
móti helmingi kvenna árið 2007. 43%
karla í könnuninni var undir fertugu á
móti þriðjungi karla árið 2007.

einyrkjar á undanhaldi
Alls var könnunin send á 666 lögmenn
á lögmannsstofum og fengust svör frá
381 þeirra eða 57%. fleiri sjálfstætt
starfandi lögmenn svöruðu könnuninni
en fulltrúar. Samkvæmt könnuninni
eru einungis 11% lögmanna á
lögmannsstofum einyrkjar en árið 2007
voru þeir 20% og greinileg merki eru um
að lögmönnum fjölgar á stærri stofunum.
greinilegt er að fleiri lögmenn
starfa nú á stærri lögmannsstofum
en áður. Af 290 lögmönnum sem
starfa á lögmannsstofum þar sem
rekstrarfyrirkomulagið er sameiginlegur
rekstur eða sameiginlegt skrifstofuhald
(regnhlíf) eru 216 á stofum með fimm
eða fleiri lögmönnum, eða 57% í stað
42% árið 2007. 29% lögmanna eru á
lögmannsstofum með tíu eða fleiri
lögmönnum í stað 23% árið 2007 og
KönnUn löGMAnnABlAðsins
hin unga lögmannastétt
einyrkjum í lögmannastétt fækkar og fleiri lögmenn starfa nú á stærri lögmannsstofum auk þess sem
fulltrúum fjölgar. tæplega helmingur innanhússlögmanna starfar hjá fjármálastofnunum og fleiri karlar
eru framkvæmdastjórar eða forstöðumenn en konur. konur hjá fyrirtækjum, stofnunum og félagasamtökum
vinna lengri vinnutíma en konur á lögmannsstofum og helmingur lögmanna eru undir fertugu.
1 Félagafjöldi lmFÍ er kominn yfir 1000 en könnunin var ekki send á þá lögmenn sem eru með réttindi sín virk en eru hættir störfum.
2 lögmannablaðið 1/2007 (lögmenn á lögmannsstofum) og 3/2007 (innanhúslögmenn).