Lögmannablaðið - 01.10.2013, Blaðsíða 26

26 lögmannaBlaÐiÐ tBl 03/13
Á léttUM nótUM
golfsumarið 2013:
sumarið sem fer í sögubækurnar
Á ýmsu heFur gengið í golfiðkun lögmanna þetta sumarið
og hafa flestir kylfingar sem dvelja sunnan heiða verið
vatnssósa með sultardropa í nefi og kalbletti á fingrum í
rigningarsudda, jafnvindalogni, útsynningi, hafgolu og jafnvel
innlögn með bleytuslettingi til smekkbætis. Væntanlega fer
sumarið í sögubækurnar fyrir vikið.
keppni við tannlækna
Líkt og lög eru farin að gera ráð fyrir þá lyftu lögmenn
bikarnum á loft að lokinni keppni við tannlæknastéttina þann
2. júlí síðastliðinn. Að þessu sinni var keppt á Þorláksvelli
við Þorlákshöfn og má segja að lognið hafi verið að flýta
sér heldur mikið eins og við er að búast á þessum slóðum.
keppni við lækna
Samtals 40 kylfingar voru mættir á urriðavöll þann 30. júní til
að leika holukeppni. Eftir slæma útreið lögmanna á síðasta ári,
dugði læknum jafntefli til þess að halda bikarnum. Þrátt fyrir
góða stemningu í liði júrista og, slíku óvant, blíðskaparveður
varð uppskeran læknum þóknanleg. niðurstaðan varð jafntefli
og munu læknar því geyma bikarinn í eitt ár til viðbótar.
meistaramót lögmanna ­ fullreynt í fjórða
Það gekk erfiðlega að halda eina risamót ársins vegna skorts
á góðviðri eða of mikils framboðs af vonskuveðri - allt eftir
því við hvern er talað. mótsstjórn þurfti að fresta mótinu
í þrígang og fór svo loksins að mótið var haldið þann 18.
september á Hvaleyrarvelli hjá golfklúbbnum Keili þar sem
21 keppandi mætti til leiks. veðurguðirnir blessuðu kylfinga
þennan dag og buðu upp á frábært golfveður með haustívafi.
Að venju var leikinn höggleikur með og án forgjafar og
var það sigurvegari í forgjafarleiknum sem krýndur var
lögmannameistari. úrslit mótsins urðu sem hér segir:
Veðrið lék við lögmenn og lækna á urriðavelli en sama verður ekki sagt um önnur mót sumarsins.