Lögmannablaðið - 01.10.2013, Blaðsíða 15
lögmannaBlaÐiÐ tBl 03/13 15
UMfJöllUn
sinni. Það verður verðugt viðfangsefni
að takast á við það með kollegum
mínum.
Telur þú að of mörg íslensk mál séu
send til MDE?
um 20 íslensk mál eru nú til meðferðar
hjá dómstólnum. Ef maður horfir til
annarra sambærilegra aðildarríkja þá
held ég að í heildina verði að telja
þann málafjölda innan eðlilegra marka,
þótt mælikvarðar í þessum efnum séu
vandmeðfarnir.
tímabært að breyta laganámi
Nú hefur þú verið prófessor við
lagadeild HÍ síðan árið 2006 en hófst
stundakennslu árið 1997. Hvernig líkaði
þér kennslan?
Það hefur verið mikil og góð lífsreynsla
að fá að starfa við lagadeild HÍ og
kynnast því öfluga og góða fólki sem
þar hefur starfað með mér. Það er fátt
skemmtilegra en að fást við fræðistörf
og kennslu. Sem prófessor getur maður
auk þess verið virkur þátttakandi í
þjóðfélagsumræðunni. Það var jafnframt
mikill heiður að vera treyst fyrir því
af kollegum mínum að stýra deildinni
um samtals rúmlega þriggja ára skeið.
Ég lagði mig allan fram um að efla og
styrkja deildina sem deildarforseti.
Hver er staða laganáms á Íslandi í dag?
Í mínum huga er það fyrirkomulag sem
nú er á laganáminu mjög óheppilegt og
nauðsynlegt að stokka það upp. Það
gengur ekki að lítið land á borð við
Ísland sé með fjórar starfandi lagadeildir
sem telja sig geta boðið upp á fullburða
laganám sem er meðal annars forsenda
réttinda til að stunda lögmennsku
og hljóta opinber embætti. Tilkoma
lagadeildar Háskólans í reykjavík var
jákvæð fyrir íslenskt laganám á sínum
tíma. Samkeppnin gaf starfsmönnum
lagadeildar HÍ aukinn kraft. Ég er
virkilega stoltur af starfi míns fólks
undanfarin áratug eða svo. útgáfa rita
á vegum starfsmanna lagadeildar HÍ á
þessum tíma hefur verið afar mikil og
raunar með miklum ólíkindum þegar
grannt er skoðað. Þar standast aðrar
lagadeildir ekki samanburð.
mín skoðun er sú að til framtíðar eigi
hér að starfa aðeins tvær lagadeildir, þ.e.
lagadeild HÍ, ríkisháskólans, og lagadeild
Hr. BA námið á að reka á samkeppnis-
grundvelli, en meistaranáminu á að
breyta þannig að lagadeild HÍ fái að
taka upp skólagjöld til að geta fjár-
magnað það með sam bærilegum hætti
og lagadeild Hr. Það myndi gefa
þessum deildum færi á að vinna saman
í meistara náminu, samþætta námskeið
og nemendur gætu þá flakkað á milli
deilda.
Eru of margir lögfræðingar á Íslandi?
Ég held að almennt séð sé gott fyrir
lýðræðissamfélag að margir hafi
lögfræðimenntun. Ef spurt er hvort
nægilegt atvinnuframboð sé fyrir
lögfræðinga þá held ég að það hafi sýnt
sig á undanförnum misserum að framboð
á hefðbundnum lögfræðistörfum sé að
minnka. Ég er hræddur um að verði
ekkert að gert, fyrirkomulagi laganáms
ekki breytt og látið hjá líða að taka upp
inntökupróf í lagadeild HÍ, eins og stefnt
er að næsta sumar, sé framtíðin ekki allt
of björt fyrir nýútskrifaða lögfræðinga.
Ég vona að ég hafi rangt fyrir mér.
réttarkerfið verður ekki rekið
á núlli
Nú eru 5 ár frá efnahagshruninu, hefur
réttarkerfið staðist álagið?
Í öllum grundvallaratriðum hefur
íslenskt réttarkerfi staðið sig vel. Ég er
þó gagnrýninn á ýmsar dóms úrlausnir.
Það er bara eðlilegt. Það á hins vegar
eftir að koma í ljós, sérstaklega í þessum
dómsmálum sem nú eru til meðferðar
og tengjast bankahruninu, hvernig
þeim málum reiðir af. Ég vil lítið segja
meira um það vegna þess að það er
ekki útilokað að á úrlausnir dómstóla
í slíkum málum reyni hjá þeirri stofnun
sem ég er að fara starfa hjá.