Lögmannablaðið - 01.10.2013, Blaðsíða 19

lögmannaBlaÐiÐ tBl 03/13 19
Til samanburðar skal nefnt að tímagjald
fyrir starf verjanda er í danmörku kr.
36.100 (dKK 1.650), í Svíþjóð kr. 23.400
(SEK 1.242), í noregi kr. 19.000 (noK
945) og í finnlandi kr. 16.300 (Eur 100).
réttlát málsmeðferð og
rekstur lögmannsins
Á máli þessu eru tvær hliðar. Sú fyrri lýtur
að reglunni um réttláta málsmeðferð
fyrir dómi. Sakborningur á rétt á aðstoð
verjanda til að halda uppi vörnum í
sakamáli. Ljóst má vera að ákvörðun
um fjárhæð þóknunar verjenda og
réttargæslumanna, bæði fyrir hverja
klukkustund og í heild, verður að
endurspegla raunverulegan kostnað
og réttmæta vinnu þeirra, þannig að
tryggt verði að réttur sakaðra manna
og brotaþola til réttlátrar málsmeðferðar
fyrir dómi sé raunhæfur og virkur, í
samræmi við 70. gr. stjórnarskrárinnar
og 6. gr. mannréttindasáttmála Evrópu.
Síðari hliðin snýr að lögmanninum
sjálfum. Samkvæmt 20. gr. laga nr.
77/1998 um lögmenn er lögmanni
skylt að taka við skipun eða tilnefningu
sem verjandi eða réttargæslumaður í
sakamáli. við blasir að ef tímagjald
fyrir starf verjanda og réttargæslumanns
dugar ekki fyrir rekstrarkostnaði
lögmannsins, lendir hann í vandræðum
með að rækja starf sitt með fullnægjandi
hætti. rekstrarkostnaðurinn hverfur ekki
þótt tímagjaldið dugi ekki fyrir honum.
Hafa verður í huga að samkvæmt 12.
gr. lögmannalaga er lögmanni skylt að
hafa skrifstofu opna almenningi. Þar
fellur jafnan til hefðbundinn kostnaður
við húsnæði, vátryggingar, tölvukerfi,
bókakost og eftir atvikum launagreiðslur
til almennra starfsmanna, svo fáein atriði
séu nefnd. Í lögmannalögum eru ýmsar
aðrar skyldur lagðar á lögmenn, sem
hafa í för með sér kostnað, meðal annars
um að hafa starfsábyrgðartryggingu
og sérstakan vörslufjárreikning, sem
löggiltur endurskoðandi þarf að
staðfesta.
afstaða ráðherra
fulltrúar Lögmannafélags Íslands hafa
á síðustu árum átt allmarga fundi með
fulltrúum dómsmálaráðuneytisins
og síðar innanríkisráðuneytisins um
þóknanirnar. Skemmst er frá því að segja
að ekki hefur verið orðið við málaleitan
félagsins um hækkun tímagjaldsins. Á
þeirri afstöðu hafa ekki verið gefnar
haldbærar skýringar.
Eru snjalltæki þinna
starfsmanna örugg?
Vodafone Secure Device Manager gerir þér
kleift að vernda gögn og stýra notkun.
Örugg samskipti bæta lífið
vodafone.is/fyrirtaeki
Pistill forMAnns