Fréttablaðið - 13.11.2014, Page 76

13. nóvember 2014 FIMMTUDAGUR| LÍFIÐ | 56
Páll Óskar Hjálmtýsson heldur
sitt síðasta Pallaball í Sjallanum
á laugardagskvöld, en tuttugu ár
eru síðan hann spilaði fyrst í Sjall-
anum.
„Ég ætla að kveðja þennan fal-
lega sal með virðingu og reisn,
skreyta hátt og lágt líkt og um
gamlárskvöld væri að ræða, gera
þetta að eins fallegu Pallaballi og
hægt er. Þetta verður mín leið til
að kveðja þennan stað með virkt-
um eftir tuttugu ára yndislega
samveru,“ segir Palli.
Flestir Akureyringar hafa
farið á Pallaball sem yfirleitt eru
smekkfull. „Það eru einhverjir
töfrar þarna inni. Þetta er stærsta
dansgólf á Norðurlandi og nóg
pláss til að bjóða fólki upp á svið
til þess að dansa með mér. Þú
kemst ekki nær áhorfendum en
það og þessi nánd er svo dýrmæt.
Ég græt Sjallann mjög sárt eftir
þessa helgi og það þarf kraftaverk
til þess að annar eins staður rísi
frá grunni,“ segir hann.
Palli hefur spilað hvert einasta
gamlárskvöld í Sjallanum í mörg
ár og segist aðeins einu sinni hafa
þurft að aflýsa balli, en þá voru
græjurnar hans fastar á miðri leið
í brjáluðu veðri. Aðspurður hvort
hann tengi lokun Sjallans og lokun
skemmtistaðarins Nasa saman,
segir hann að við fyrstu sýn hljómi
þetta eins og sama sagan. Enn og
aftur lúffi tónlistarfólk fyrir hótel-
um. „Munurinn á Nasa og Sjallan-
um er sá að rekstur Sjallans hefur
verið erfiður, ég geri mér fullkom-
lega grein fyrir því. En mér finnst
það bera vott um tvöföld skila-
boð þegar við Íslendingar mont-
um okkur sífellt af blómlegu tón-
listarlífi, en lokum svo fallegustu
stöðunum okkar sem eru gagngert
gerðir fyrir tónlistarflutning,“
segir hann og bætir við að erfitt
verði að ná upp sömu stemningu
annars staðar og í Sjallanum.
„Í fullkomnum heimi hefði verið
hægt að minnka rýmið og breyta
staðnum svo hægt væri að halda
honum gangandi. En eins og ég
segi þá grunar mig að það hafi
verið fullreynt.“ adda@frettabladid.is
„Sjallinn er búinn að ganga vel lengi og þetta er búið að vera algjörlega frábær tími,“
segir Davíð Rúnar Gunnarsson, eða Dabbi Rún, skemmtanastjóri Sjallans á Akureyri.
Húsið hefur nú verið selt og til stendur að reisa hótel á lóðinni.
„Ballbransinn hefur breyst mikið undanfarið og þróunin hefur því miður orðið
þannig að erfiðara er að fá bönd til þess að koma og spila. Þetta hefur sett strik í reikn-
inginn í okkar rekstri. Við fengum þetta tilboð í húsið fyrst fyrir þremur árum og það
er búið að skoða það með opnum hug lengi. Því miður er þetta niðurstaðan,“ segir
Dabbi, en til stendur að loka Sjallanum um áramót og reiknar hann með að síðasta ball
Sjallans verði á gamlárskvöld. „Við ætlum nú að tóra út árið. En það sem okkur langar
til þess að gera, er að bjóða böndunum, sem hafa troðið upp hér í gegnum árin, að
koma og kveðja staðinn, halda sitt lokaball í Sjallanum. Það væri gaman að fá öll þessi
gömlu bönd, sem fylltu Sjallann áður fyrr,“ segir Dabbi.
Ballbransinn hefur breyst mikið
„Þetta er alveg eitt það skemmti-
legasta sem hægt er að gera, bæði
að keppa og horfa á þetta,“ segir
Ari Freyr Ísfeld Óskarsson, annar
skipuleggjanda Leiktu betur í ár.
Leiktu betur er spunakeppni
framhaldsskólanna þar sem keppt
er í leikhússporti, ákveðinni teg-
und af spuna. „Það eru fjórir
saman í liði og liðin fá áskorun
úr salnum. Það getur verið hvað
sem er,“ heldur Ari Freyr áfram.
En sjálfur keppti hann fyrir hönd
Kvennaskólans í Reykjavík á
sínum menntaskólaárum. „Liðið
kemur sér svo saman um stíl og
það er fullt af stílum í leikhús-
sporti. Til dæmis sápuóperustíll,
spæjarastíll eða ritvélarstíll. Liðið
getur svo gert hvað sem er innan
síns stíls.“
Í ár verða engir leikmunir sem
keppendur munu hafa aðgang að
en Steingrímur Teague, hljóm-
borðsleikari hljómsveitarinnar
Moses Hightower, mun sjá um
undirspil.
Um skipulagningu Leiktu betur
ásamt Ara Frey sér Gunnar Smári
Jóhannesson. „Reynsla okkar
Gunnars Smára af leikhússpuna
í gegnum árin hefur sýnt okkur
að fólk festist oft í leikmunum og
notar þá sem hækju. Liðin hafa
bara tíu sekúndur fyrir spunann
til þess að koma sér í gírinn og þá
fer tíminn oft í það að hlaupa að ná
í leikmuni.“
Í ár keppa sex lið í Leiktu betur
en keppnin verður haldin í Borgar-
leikhúsinu í kvöld. - gló
Til dæmis sápu-
óperustíll, spæjarastíll
eða ritvélarstíll. Liðið
getur svo gert hvað sem
er innan síns stíls.
En mér finnst það
bera vott um tvöföld
skilaboð þegar við Íslend-
ingar montum okkur
sífellt af blómlegu
tónlistarlífi, en lokum
svo fallegustu stöðunum
okkar sem eru gagngert
gerðir fyrir tónlistar-
flutning.
Páll Óskar Hjálmtýsson
Ferðaskrifstofan Travice ehf.
www.travice.is –
info@travice.is sími 786 2400
Sjávarréttarveisla
Reykjarness 2014
Hlegið allan tímann
Ari Freyr Ísfeld Óskarsson segir erfi tt fyrir keppend-
ur að halda andliti í spunakeppni framhaldsskóla.
ARI FREYR Liðin hafa þrjár mínútur til
þess að heilla dómarana. FRÉTTABLAÐIÐ/GVA
Kveður Sjallann eft ir 20 ára samveru
Skemmtistaðnum Sjallanum á Akureyri verður lokað um áramótin og verður síðasta Sjallaballið haldið á gamlárskvöld. Popparinn Páll
Óskar Hjálmtýsson heldur sitt síðasta Pallaball í Sjallanum um helgina, en segist ósáttur við þá þróun að skemmtistaðir og tónlistarfólk
þurfi sífellt að lúff a fyrir nýjum hótelum. Skemmtanastjórinn Davíð Rúnar Gunnarsson segir tímann í Sjallanum hafa verið góðan.
Í SJALLANUM Páll Óskar hefur margsinnis troðfyllt dansgólf Sjallans. MYND/BALDVIN ÞEYR PÉTURSSON