Fréttablaðið - 22.12.2014, Page 10

22. desember 2014 MÁNUDAGUR| FRÉTTIR | 10
www.rosendahl-timepieces.dk
Verð frá 64.900 kr.
Smiðjuvegi 11 (gul gata) • 200 Kópavogur • Sími 5641212
Útskurðarhnífar
og útskurðarjárn
í miklu úrvali.
Gæða verkfæri
frá Flexcut
FERÐAÞJÓNUSTA Ríki og borg ásamt
samstarfsaðilum ætla að verja
samtals 1.120 milljónum króna í
markaðsátakið Ísland allt árið á
næstu tveimur árum.
Samkvæmt samkomulaginu
ætlar ríkið að leggja fram 760
milljónir króna gegn því að Ice-
landair greiði 200 milljónir, Sam-
tök ferðaþjónustunnar 80 millj-
ónir og Reykjavíkurborg og
Landsbankinn borgi 40 milljón-
ir hvor aðili. Verkefninu verður
stýrt af Íslandsstofu undir merkj-
um Inspired by Iceland.
Ætlunin er að fá ferðamenn til
að auka neyslu sína hérlendis um
allt að 4 prósent árlega og freista
þess að draga úr árstíðasveiflum
þannig að fleiri heimsæki land-
ið utan sumarsins. Um 20 pró-
senta fjölgun verði á vetrargest-
um milli ára. Þá er stefnt að því að
ánægja ferðamanna með Íslands-
förina fari ekki undir 90 prósent
að meðal tali.
„Helstu markmið verkefnis-
ins eru að jafna árstíðasveiflu í
ferðaþjónustu, auka meðalneyslu
ferðamanna per dag, bæta við-
horf og vitund gagnvart Íslandi
sem heilsársáfangastað og festa
þar með ferðaþjónustu í sessi sem
heilsársatvinnugrein á Íslandi,“
segir í greinargerð sem Dagur
B. Eggertsson borgarstjóri lagði
fram í borgarráði.
Fram kemur að Íslandsstofa
hafi látið meta virði verkefnis-
ins árin 2012 og 2013. Þá hafi
umfjöllun í erlendum miðlum
verið metin á samtals 2,3 millj-
arða króna á sextíu mismunandi
mörkuðum.
„Fáum dettur til hugar að inn-
spýting í markaðssetningu upp
á um það bil 500 milljónir króna
á ári til viðbótar við reglubund-
ið kynningarstarf Íslandsstofu,
Iceland Naturally, Höfuðborgar-
stofu, Meet in Reykjavík og fjöl-
margra fyrirtækja í greininni
hafi ekki sitt að segja í því að þró-
unin hefur verið svo ör,“ segir í
greinargerðinni.
Auk þeirra sem fyrr eru nefndir
hefur verið stefnt að því að fleiri
kæmu að verkefninu með 20 millj-
óna króna lágmarksframlag hver.
Undirtektir eru ekki góðar. „Aug-
lýst var eftir áhugasömum þátt-
takendum í byrjun þessa mánaðar
og rann umsóknarfrestur út þann
15. desember án þess að umsóknir
hefðu borist.“ gar@frettabladid.is
Vilja að ferðamenn á
Íslandi auki neysluna
Auglýsingaverkefnið Ísland allt árið verður framlengt út árið 2016 undir merkjum
Inspired by Iceland. Fjölga á ferðamönnum að vetri til og fá þá til að auka neyslu
sína árið um kring. Markmiðið er að minnst 90 prósent verði ánægð með Ísland.
milljarðar króna
er metið virði
erlendrar fj ölmiðlaumfj öll-
unar vegna Inspired by
Iceland á árunum 2012 og
2013.
2,3
VIÐ GEYSI Fjölga á heimsóknum ferðamanna til Íslands að vetri til og stefnt er að því að 90 prósent gestanna verði ánægð með
Íslandsförina. FRÉTTABLAÐIÐ/PJETUR
➜ Fáum dettur til hugar að
innspýting í markaðssetningu
upp á um það bil 500 millj-
ónir króna á ári til viðbótar
við reglubundið kynningar-
starf Íslandsstofu, Iceland
Naturally, Höfuðborgarstofu,
Meet in Reykjavík og fjöl-
margra fyrirtækja í greininni
hafi ekki sitt að segja.