Fréttatíminn - 13.11.2015, Blaðsíða 38

Glæpasagnadrottningin
á tökustað á Hesteyri
Tökur á stórmyndinni Ég man þig hófust á Hesteyri í vikunni. Myndin er gerð eftir samnefndri bók Yrsu Sigurðardóttur sem seldist í bílförmum hér á landi og hefur
verið gefin út um allan heim – og fengið frábærar móttökur. Sannkallað stórskotalið stendur að gerð myndarinnar; Óskar Þór Axelsson sem gerði Svartur á leik leik-
stýrir og í aðalhlutverkum eru Ágústa Eva Erlendsdóttir og Þorvaldur Davíð Kristjánsson. Auk þeirra fara Jóhannes Haukur Jóhannesson, Anna Gunndís Guðmunds-
dóttir og Sara Dögg Ásgeirsdóttir með hlutverk í myndinni. Ég man þig verður jólamynd næsta árs í kvikmyndahúsum og verður forvitnilegt að sjá hvernig til tekst
að færa þessa umtöluðu draugasögu á hvíta tjaldið. Fréttatíminn fylgdi Yrsu á tökustað fyrir vestan í vikunni og hér birtist ferðasagan.
Leikararnir í Ég man þig ásamt Óskari Þór Axelssyni leikstjóra og Yrsu Sigurðardóttur, höfundi bókarinnar sem myndin er gerð eftir. Frá vinstri eru
Sara Dögg Ásgeirsdóttir, Jóhannes Haukur Jóhannesson, Þorvaldur Davíð Kristjánsson, Ágústa Eva Erlendsdóttir og Anna Gunndís Guðmundsdóttir.
Ljósmynd/Eydís Björk Guðmundsdóttir
Framhald á næstu opnu
38 viðtal Helgin 13.-15. nóvember 2015