Náttúrufræðingurinn - 2011, Page 13

65
Tímarit Hins íslenska náttúrufræðifélags
6. mynd. Íslensk víðerni samkvæmt niðurstöðum útsýnisgreiningarinnar. Alls 33% landsins eru laus við sjónræn áhrif mannvirkja.
– Icelandic wilderness based on viewshed analysis. A total of 33% of the country’s area is visually free from anthropogenic structures.
(LUK). Í rannsókninni er stuðst við
landsmælikvarða (e. national scale),
þ.e. allt Ísland.
Niðurstöður
Samkvæmt niðurstöðum útsýnis-
greiningarinnar reiknast um 33%
landsins sem víðerni, eða 34.161 km2
(6. mynd). Einn þriðji hluti landsins
er samkvæmt þessu laus við sjón-
ræn áhrif mannvirkja. Líklegt er að
þetta hlutfall sé mun lægra þar sem
töluvert af gögnum er varða legu
virkjana og háspennulína vantar í
gagnagrunninn sem hér er stuðst
við.
Með því að bera niðurstöður út-
sýnisgreiningarinnar saman við legu
friðlýstra svæða (8. mynd) er unnt
að reikna út hlutfall víðerna innan
friðlýstra svæða. Samkvæmt lögum
um náttúruvernd (nr. 44/1999, 3.
gr. 8. liður) er friðlýstum svæðum
skipt í fjóra flokka, þ.e. þjóðgarða,
friðlönd, fólkvanga og náttúruvætti.
Þjóðgarðar landsins eru þrír, þ.e.
Þjóðgarðurinn Þingvellir, Þjóðgarð-
urinn Snæfellsjökull og Vatnajökuls-
þjóðgarður, en um 97% alls land-
svæðis innan þjóðgarðanna þriggja
fellur undir þann síðastnefnda.
Samanburðurinn sýnir að um 65%
landsvæðis innan þjóðgarða flokk-
ast sem víðerni, en það er svo til
allt að finna innan Vatnajökuls-
þjóðgarðs. Einungis 32% friðlanda
og 18% fólkvanga flokkast sem
víðerni. Náttúruvætti reka lestina;
af landi sem telst til þeirra geta ein-
ungis tæp 4% flokkast sem víðerni
(9. mynd).
7. mynd. Á Þjórsárjökli. Arnarfell hið mikla í baksýn. – On Þjórsárjökull glacier.
Ljósm./Photo: Rannveig Ólafsdóttir.
81_2#profork070711.indd 65 7/8/11 7:41:27 AM