Náttúrufræðingurinn - 2011, Qupperneq 66

Náttúrufræðingurinn
170
frjálsra félagasamtaka við umhverfis-
ráðuneytið til ársins 2011. Tengiliður
sér um samskipti milli ráðuneytisins
og félaganna í tengslum við tilnefn-
ingar í nefndir og ráð. Umhverfisráð-
herra setti á stofn starfshóp vorið
2009 til að kanna rekstrarhorfur
félaga á sviði umhverfismála. Guð-
mundur Hörður Guðmundsson,
upplýsingafulltrúi ráðuneytisins,
fór fyrir hópnum en auk hans voru
Kristín Svavarsdóttir og Tryggvi
Felixson í starfshópnum. Hópurinn
skilaði skýrslu til ráðherra.
Aðalfundur
Aðalfundur HÍN 2009 var haldinn
laugardaginn 27. febrúar 2010 kl.
14 og fór fram í fundarsal Náttúru-
fræðistofu Kópavogs, í Safnahúsinu
í Kópavogi. Fundarstjóri var kos-
inn Guðmundur Guðmundsson og
fundarritari Droplaug Ólafsdóttir.
Formaður flutti skýrslu stjórnar og
gjaldkeri kynnti ársreikninga félags-
ins, sem voru samþykktir af fundar-
mönnum án athugasemda.
Kjörtími formanns var liðinn og
gaf Kristín ekki kost á sér til endur-
kjörs. Dr. Árni Hjartarson jarðfræð-
ingur var kosinn nýr formaður Hins
íslenska náttúrufræðifélags. Úr stjórn
áttu að ganga Droplaug Ólafsdóttir,
Helgi Guðmundsson og Kristinn J.
Albertsson. Kristinn var endurkjör-
inn en Droplaug og Helgi gáfu ekki
kost á sér til endurkjörs. Tillaga var
lögð fram um kjör Jóhanns Þórssonar
og Rannveigar A. Guicharnaud og
var hún samþykkt samhljóða. Arnór
Þ. Sigfússon og Kristinn Einarsson
voru endurkjörnir skoðunarmenn
reikninga og Hreggviður Norðdahl
varamaður þeirra.
Hilmar J. Malmquist gerði grein
fyrir tveimur ályktunum sem
stjórnin lagði fyrir aðalfundinn og
voru þær samþykktar.
1) Ályktun um Náttúruminjasafn:
„Aðalfundur Hins íslenska náttúru-
fræðifélags, haldinn í Kópavogi þann
27. febrúar 2010, hvetur mennta- og
menningarmálaráðherra, Katrínu
Jakobsdóttur, eindregið til þess að
beita sér af fullum þunga fyrir
uppbyggingu á sýningaraðstöðu og
húsakynnum Náttúruminjasafns
Íslands þannig að sæmi íslenskri
þjóð, gestum landsins og ægifagurri
náttúru. Minnt er á ályktanir fyrri
aðalfunda félagsins til margra ára um
málefni Náttúruminjasafns Íslands,
höfuðsafns íslensku þjóðarinnar í
náttúrufræðum, sem félagið hefur
sett á oddinn í meira en heila öld.
Hið íslenska náttúrufræðifélag telur
farsælast að ráðast í uppbyggingu
á veglegu og nýstárlegu náttúru-
minjasafni, sem hafi höfuðstöðvar
á höfuðborgarsvæðinu, helst í mið-
borg Reykjavíkur í námunda við
önnur höfuðsöfn þjóðarinnar.
Félagið leggur áherslu á mikil-
vægi þess að vanda vel til allrar
vinnu sem snýr að stefnumótun og
skipulagningu á starfsemi hins nýja
safns sem og öðru því er varðar
vinnu við hönnun og útlit safns-
ins. Brýnt er að Náttúruminjasafn
Íslands starfi í nánum vísindalegum
tengslum við þá fjölmörgu aðila
sem rannsaka, unna og sýsla með
náttúru landsins. Einkum ber þó
að horfa til Náttúrufræðistofn-
unar Íslands, sem umfram flestar
aðrar opinberar rannsóknarstofn-
anir hefur lögboðnum skyldum að
gegna á sviði almennrar skráningar
íslenskrar náttúru. Hið íslenska
náttúrufræðifélag minnir einnig á
samofna sögu og tengsl félags-
ins við Náttúrugripasafn Íslands,
Náttúrufræðistofnun Íslands og nú
síðast Náttúruminjasafn Íslands og
væntir góðs samstarfs við ráðu-
neyti mennta- og menningarmála og
umhverfismála um framtíðarmálefni
Náttúruminjasafns Íslands.“
2) Ályktun um Náttúrufræðinginn
og áskrift opinberra aðila:
„Aðalfundur Hins íslenska náttúru-
fræðifélags, haldinn 27. febrúar 2010
í Kópavogi, hvetur íslensk stjórnvöld
og stjórnendur opinberra stofnana
á sviði fræðslu, rannsókna og miðl-
unar til að standa vörð um útgáfu
Náttúrufræðingsins, félagsrits Hins
íslenska náttúrufræðifélags, og styðja
Stjórn Hins íslenska náttúrufræðifélags. Myndin er tekin á afmælisfundi félagsins þ. 28.12.2009. Ljósm. Guðmundur Páll Ólafsson.
81_3-4_loka_271211.indd 170 12/28/11 9:14:30 AM