Gerðir kirkjuþings - 1987, Qupperneq 50

47
1987
18. Kirkiubinq
5. mál
TILLAGA
til þingsályktunar um uppbyggingu Skálholts.
Flutt af Kirkjuráði
Frsm. sr. Jón Einarsson
Kirkjuþing ályktar að skora á Alþingi að veita á næsta ári
verulegt framlag til Skálholtsstaðar, svo að halda megi
áfram uppbyggingu staðarins.
GREINARGERÐ:
Árið 1988 verða liðin 25 ár frá vigslu Skálholtsskirkju og
á komandi vori verða liðin 80 ár frá fæðingu dr. Bjarna
Benediktssonar, fv. forsætisráðherra, sem beitti sér fyrir
setningu laga, er heimiluðu rikisstjórninni að afhenda
þjóðkirkju íslands Skálholtsstað. Samkvæmt ákvæðum þeirra
laga "skal rikissjóður árlega greiða kr. 1.000.000.00 i
sjóð, sem vera skal til áframhaldandi uppbyggingar i
Skálholti og rekstrarfé þeirrar starfrækslu, sem biskup og
kirkjuráð koma þar upp." Það var tvimælalaust vilji
þeirra sem settu lögin og afhentu þjóðkirkjunni staðinn,
að þessi upphæð yrði að raungildi eigi minni en hún var
þá. Sú hefur ekki orðið raunin og þessi fjárhæð farið
rýrnandi með árum. Þess er nú vænst, að á afmælis- og
minningarári fáist leiðrétting, svo að vilji þeirra, sem
lögin settu og staðinn afhentu megi ná fram að ganga.
Visað til allsherjarnefndar er leggur til að tillagan
verði samþykkt óbreytt en beinir þvi til Kirkjuráðs, að
ýtarleg greinargerð fylgi og áætlun irm framkvæmdir
(Frsm. Margrét K. Jónsdóttir.).
Samþykkt samhljóða.