Gerðir kirkjuþings - 1987, Síða 58

55
skýrslurnar eru gerðar á eyðublöð sem eru með öllu
ófullnægjandi og gefa því takmarkaðar upplýsingar.
Engin könnun er þvi til um kirkiusókn i landinu. Telja má
þó að hún sé minni en viðunandi megi teljast. Það er
augljóst að mikilvægt er að gera sér grein fyrir
raunverulegri kirkjusókn til þess að unnt sé að meta
ástandið fyrir hugsanlegar aðgerðir til endurbóta þar að
lútandi. Hér er raunar ekki aðeins átt við tölur. Heldur
er bent á þörfina á að vita meira um kirkjugesti (aldur,
afstöðu, þjóðfélagslega stöðu, búsetu o.s.frv.) - og
upplýsingar \am þá sem litt eða alls ekki sækja kirkju eru
auðvitað ekki siður gagnlegar. Kirkjusókn skiptir
verulegu máli fyrir kirkjuna, hún gefur til kynna hversu
þátttaka almennings er mikil i starfi hennar. Mikilvæg er
hún vegna þess að þar er meginvettvangur boðunarinnar auk
þess sem guðsþjónustan er lifsnauðsyn hverjum kristnum
söfnuði. Án hennar er erfitt að hugsa sér kirkjuna
yfirleitt.
Ekki er heldur til nein aðgengileg úttekt á
safnaðarstarfsemi að öðru leyti en fram fer á vegum
safnaðanna viða um land. í safnaðarheimilum er starfsemin
viða orðin ximfangsmikil og gefur til kynna vaxandi
starfsemi á vegum safnaðanna. Mikilvægt er að gera úttekt
á þessari starfssemi ekki síður en kirkjusókninni til þess
að unnt sé að vinna skipulega að eflingu kirkjulegs
starfs.
Um fjármögnun þessa viðamikla verkefnis skal hér ekki
fjölyrt. Þar er þó vissulega oim að ræða meginatriði þar
sem hér er um að ræða fjárfrekt viðfangsefni.
Þar hefur flutnigsmaður ákveðna leið i huga án þess að þar
sé um að ræða einu hugsanlegu leiðina. Mætti hugsa sér að
sú áætlun sem hér er lagt til að gerð verði á næstu árum
skoðaðist i ljósi þessarar tillögu sem samþykkt var á
Kirkjuþingi 1986 (5. mál): "Efling kirkjulegs starfs og
kristinnar trúar hér á landi nú og á komandi árum skal
vera meginmarkmið hátiðahalda vegna þúsund ára afmælis
kristnitökunnar.n Áætlun um markvissa uppbyggingu
safnaðanna þar sem skipulega er tekið á öllum þáttum
starfs þeirra væri vissulega i anda samþykktarinnar.
Síðast en ekki sist ber að minna á samþykkt Alþingis vorið
1986 en þá var samþykkt eftirfarandi "þingsályktunar-
tillaga um þúsund ára afmæli kristnitökunnar.: "Alþingi
ályktar að fela forsetum Alþingis að vinna að athugun á
þvi með hvaða hætti verði af hálfu Alþingis minnst þúsund
ára kristnitökunnar" (Þingskjal nr. 726). Mikil
uppbygging hefur átt sér stað i atvinnulifi þjóðarinnar á
undanförnum árum og áratugum og einnig hafa allar helstu
stofnanir verið efldar. Kirkjan hefur óneitanlega orðið
útundan. Mætti hugsa sér að Alþingi beitti hér svipuðum
vinnubrögðum og við samþykktina frá 22. april 1986 oxm
listskreytingu Hallgrimskirkju.