Gerðir kirkjuþings - 1987, Page 84

81
6
16. gr.
Lög þessi öðlast gildi 1. janúar 1987. Falla þá jafnframt úr gildi lög nr. 51/1978, um
embættisgengi kennara og skólastjóra, svo og önnur lagaákvæði sem fara í bága við lög
þessi.
Grein til bráðabirgða.
Þeir, sem fyrir gildistöku þessara laga hafa starfað sem settir kennarar sex ár eða lengur
en fullnægja ekki skilyrðum laganna til starfsheitis og starfsréttinda, skulu eiga kost á því að
ljúka námi á vegum Kennaraháskóla íslands eða Háskóla íslands til að öðlast slík réttindi.
Um tilhögun námsins skal setja ákvæði í reglugerð.
Heimilt er að ráða eða setja þá, sem slíka starfsreynslu hafa að baki, í kennslustarf tii
eins árs í senn en þó ekki til lengri tíma en fjögurra skólaára samtals frá gildistöku laga
þessara.
Þrátt fyrir ákvæði 7. gr. má setja eða ráða sem framhaldsskólakennara þann sem hefur
verið settur í sama starf í fjögur ár eða lengur og hefur lokið fullgildum prófum í
kennslugrein þótt ekki hafi hann réttindi samkvæmt lögum þessum. Þessi undanþága gildir
næstu fjögur ár eftir gildistöku laganna en til loka starfsævinnar ef um er að ræða kennara
sem náð hefur 55 ára aldri við gildistöku laganna.
Lög þessi skal endurskoða innan fjögurra ára frá setningu þeirra.
Samþykkt á Alþingi 21. apríl 1986.