Gerðir kirkjuþings - 1987, Page 141

138
Ríkisbókhaldið og innheimtuaðilar aðstöðugjalda skulu
standa stjórn sjóðsins skil á gjaldi þessu
ársfjórðungslega eða eftir nánara samkomulagi.
Kirkjugarðsstjórnir geta ávaxtað i sjóðnum það fé
kirkjugarða, sem er umfram árlegar þarfir, með almennum
innlánskjörum lánastofnana.
Stjórn sjóðsins skipa þrir menn kjörnir til fjögurra ára i
senn af Kirkjuráði, þar af einn samkvæmt tilnefningu
Kirkjugarðsstjórnar Reykjavíkurprófastsdæmis. Varamenn
skulu vera kjörnir með sama hætti. Kirkjuráð ákveður,
hver skuli vera formaður og varaformaður stjórnarinnar.
Reikningshald sjóðsins annast skrifstofa biskups, og gilda
um það sömu reglur sem um reikningshald kirkna.
Reikningar kirkjugarðasjóðs skulu árlega birtir i
S t j órnart i ð indiim.
Megin markmið Kirkjugarðasjóðs er að jafna aðstöðu
kirkjugarða og veita aðstoð, þar sem tekjur kirkjugarða
hrökkva ekki fyrir nauðsynlegum útgjöldum.
Úr sjóðnum skal veita lán og/eða styrki kirkjugarðs-
stjórnum til kirkjugarða og kirkna, svo og til þess að
setja upp minnismerki, þar sem verið hafa kirkjugarðar,
kirkjur eða bænhús að fornu.
Sjóðnum er heimilt að kosta viðhald og umhirðu kirkjugarða
i sóknum, sem eyðst hafa af fólki, sbr. 6. gr. laga nr.
25/1985.
Ráðherra setur i reglugerð nánari ákvæði um starfsemi
sjóðsins að fengnum tillögum stjórnar hans.
4. gr.
Lög þessi öðlast gildi 1. janúar 1988.
GREINARGERÐ
Friomvarp þetta er samið af nefnd sem skipuð var af Jóni
Helgasyni, fyrrverandi kirkjumálaráðherra, með bréfi frá
3. júli 1987. í nefndina voru skipaðir: Séra Jón
Einarsson, prófastur, og Kristján Þorgeirsson, tilnefndir
af Kirkjuráði, Snorri Olsen, deildarstjóri i
fjármálaráðuneytinu, og Þorleifur Pálsson,
skrifstofustjóri í dóms- og kirkjumálaráðuneytinu, sem
jafnframt var formaður nefndarinnar. Auk þess hefur
Ólafur K. ólafsson, deildarstjóri i dóms- og
kirkjumálaráðuneytinu, starfað með nefndinni.