Gerðir kirkjuþings - 1987, Qupperneq 154

151
Ég vil þakka vígslubiskupi, sr. Ólafi Skúlasyni og öðrum
forráðamönnum Bústaðakirkju fyrir alla aðstöðu. Þetta er
i þriðja sinn sem Kirkjuþing er haldið hér - og likar
okkur það alltaf betur og betur. Við erum orðin hér
heimavön. Það er ekki sist að þakka lipurð og vinsemd
kirkjuvarðarins. Við þökkum hans góða starf. Einnig
þakkir til hennar Láru, sem hér hefur annast
kaffiveitingarnar og tilreiðslu hádegisverðar. Allt þetta
gerir okkur störfin léttari og gleðin verður meiri -
sambandið betra.
Ég þakka og sóknarnefnd Bústaðasóknar rausnarlegt
hádegisverðarboð i dag.
Kirkjuráði vil ég þalcka samstarf og þann stuðning sem það
hefur veitt mér nú og fyrr.
Ekki vil ég gleyma varaforsetum þingsins fyrir mjög góð
störf, léttleika i stjórnun þingfunda og margskonar
ráðleggingar og fyrirgreiðslu.
Ég hef setið flest Kirkjuþing frá upphafi og ber þvi saman
störf hinna ýmsu þinga. Oft var stormasamt á þingunum og
stundum hart deilt. Alltaf var þó komist að niðurstöðum
og sættir tókust vegna þess, eins og ég sagði fyrr - allir
stefndu að sama marki.
Mér finnst að yfir þessu Kirkjuþingi hafi samt verið
léttari blær en oftast fyrr. Kannski finnst mér þetta
vegna stöðu minnar nú. Ég hefi fundið hlýleika frá ykkur,
sem hefur létt mér starfið, ekki aðeins á þinginu, heldur
gert mér auðveldara að vinna störf min í þvi millibils-
ástandi sem nú er. Ég vona að þvi linni sem fyrst og óska
biskupi íslands, herra Pétri Sigurgeirssyni góðs bata og
að við fáum notið starfskrafta hans lengur.
í umræðum kom fram að vilji þingsins er að bæta
starfsaðstöðu Kirkjuráðs og er það sannarlega fagnaðarefni
ef það tekst. En öll sjáum við að ef Kirkjuráð á að sjá
um framkvæmd hinna mörgu mála þarf það að fá meiri
starfskrafta til þess að geta eytt meiri tima i þau.
Ég gæti rætt hér fleiri mál þingsins og um mikilvægi
þeirra fyrir kirkjuna - en ekki mun ég gera það.
Við kunnum öll ævintýrið um Ásu, Signýju og Helgu. Úr Ásu
og Signýju varð ekki neitt en Helga sigraði alla
erfiðleika og hennar beið hamingjan. í þeirri gömlu sögu
felst gömul og ný lífsspeki. Þær eldri voru dekurbörn en
Helga varð að vinna. - Við erfiðið óx henni þor og
þróttur. Hún vandist á að taka tillit til annarra. Hún
tamdi sér að rétta hverjum þeim hjálparhönd, sem á þurfti
að halda. Hún varð dáð af öllum - lifshamingjan umlauk
hana - það sem gerði gæfumuninn var vinna og trúmennska.
Þannig er það i lifinu - þetta veit ég að þið öll skynjið
og vinnið að í eigin starfi og þeirri þjónustu sem þið
veitið. Sá er vilji okkar allra.