Glóðafeykir - 01.06.1955, Side 31

GLÓÐAFEYKIR
31
Frá Hofsósi.
Aðalfundur Kaupfélags Austur-Skagfirðinga hefur ekki verið
haldinn ennþá. LTppg]öri er þó að verða lokið, og liggur fyrir hvern-
ig reksturinn hefur gengið síðastliðið ár. Segja má, að rekstursaf-
koman sé í sumum greinum með betra móti, en á öðrum sviðum
um að ræða áföll. sem verulega draga úr hagnaðinum. Afskriftir og
sjóðatlilög eru eins og eðlilegt má teljast, og 6% arður mun verða
greiddur. Hagur félagsins ut á við hafði batnað, var þó fjárfesting
allmikil. og einkum byggingaframkvæmdir viðskiptamanna veru-
legar. Yörusala félagsins nam á árinu um 7 millj. króna og hafði
aukist um 1,2 millj.
Uppgjör á fiskreikningi félagsins fyrir árin 1952 og 1953 er tek-
ið í reikninga þessa árs. og er mikill hallarekstur á þeirri starfsgrein.
Fregnir herma. að önnur félög hér norðan lands, sem þennan rekst-
ur hafa með höndum, hafi svipaða sögu að segja. Virðist vera fylli-
lega tímabært að hafin sé gagnger athugun á því, á hvern hátt þess-
um rekstri verði skapaður tryggari starfsgrundvöllur en nú á sér
stað. Hér — og víða annars staðar — hefur þessi þáttur rekstursins
úrslitaþýðingu fyrir afkomumöguleika fólksins við sjávarsíðuna.
\Terði ekki hægt að tryggja þennan grundvöll, er hætt við að brestir
komi í fleiri stoðir, sem undir samvinnustarfinu eiga að standa. Þau
félög, sem byggð eru upp á líkan hátt og þetta félag hér og eiga
jafn mikinn þátt í uppbyggingu atvinnulífsins og hér á sér stað,
hljóta — vegna heildarinnar — að taka fullt tillit til þeirrar hliðar
málsins, sem sn\T að hagsmunum og atvinnuöryggi almennings við
sjóinn.
I fyrra var gerður grunnur að verzlunarhúsi og verður nú hafist
handa um framhaldið í sumar.
Við Kaupfélag Austur-Skagfirðinga hafa nýlega orðið forstjóra-
skipti. Kristján Hallsson kaupfélagsstjóri lætur af störfum. Hefur
hann veitt félaginu forstöðu síðan 1938 við góðan orðstý. Hefur
félagið allan starfstíma hans' verið í örum vexti og fært út starfs-
svið sitt á ýrnsum sviðum. Má ekki sízt þakka það dugnaði hans og
hraðfylgi. Kristján flytst nú til Stykkishólms og tekur við -forstöðu
kaupfélagsins þar.