Glóðafeykir - 01.09.1976, Qupperneq 14

14
GLÓÐAFEYKIR
á mjólkurframleiðslu á öllu landinu á árinu 1975 var 3,8%. Meðal-
feiti mjólkurinnar var 3.873% og hafði hækkað um 0,067%.
Neyzlumjólkursala var um 11,1% en 9,36% árið áður. . . Rjóma-
sala heima var 17.882 ltr., en til Reykjavíkur 90.594 ltr., eða sam-
tals 108.476 ltr., og jókst um 53.912 ltr. frá f. á. Skyrsala varð 41,4
tonn, undanrennusala svipuð og árið áður, eða 226 þús. ltr. Sam-
lagið framleiddi 137 tonn af smjöri (minnkun 7,3 tn.), 318,2 tn. af
45% osti og 275,3 tn. af 30% osti svo og rúml. 9 tn. af kaseini.
Um áramót voru mjólkurvörubirgðir þessar: Smjör 32,5 tn., 45%
ostur 84,4 tn., 30% ostur 168,5 tn. og kasein 9,4 tn. Lægsti innvigt-
unarmánuður ársins var nóvember með aðeins 409 þús. kg., en sá
hæsti, júlímán., með 1.125 þús. kg.
Á síðasta ári flutti Samlagið út 287,6 tn. af ostum til Bandaríkj-
anna og Svíþjóðar, og var þetta um 4S,9% af öllum ostaútflutningi
landsins á því ári.
Á sl. ári greiddi kaupfélagið bændum 831,8 millj. kr. fyrir bú-
vöru, sem er um 255,8 millj. kr. hækkun frá árinu áður, eða 44,4%.
Sú stefnubreyting varð í sexmannanefnd haustið 1974, að vinnslu-
og dreifingarkostnaður í verðlagsgrundvellinum var stórlega van-
reiknaður, og var talið að a. m. k. 8—10 kr. vantaði á, að grundvall-
arverð næðist. Sú varð og raunin á, þegar félögin fóru að gera upp
afurðareikningana. Meir að segja félög, sem ekki hafa lagt í neinn
teljandi fjárfestingarkostnað vinnslustöðva landbúnaðarins, náðu
alls ekki grundvallarverði, og var því vissulega vandi okkar og ann-
arra þeirra, er nýlega hafa endurbyggt sláturhúsin, miklum mun
stærri og alvarlegri.
Á sl. hausti var talið að verð á gærum í verðlagsgrundvellinum
væri ofreiknað er næmi a. m. k. 50 kr. á hvert gærukíló, en eins og
kunnugt er, hefur gildandi heimsmarkaðsverð á gærum ráðið verð-
inu, þar sem engar útflutningsbætur eru greiddar á þessa vöru. Ekki
er enn vitað, hversu með þetta mál verður farið.
Þegar endanlegt verð var ákveðið á haustinnleggi 1974, var látið
vanta upp á fullt grundvallarverð, eins og það var eftir framreikn-
ing, 9 kr. á hvert kg. kjöts. Þá var og jafnframt vitað, að slátur- og
frystihúsið var gert upp með 17,7 millj. kr. rekstrarhalla, en vissu-
lega hefðu afurðirnar átt að standa nndir rekstri hússins að fullu.
Ákveðið var að taka afurðaverðið allt til frekari athugunar þegar
séð væri, hvernig útkoma kaupfélagsins yrði á árinu 1975. Þegar svo
í ljós kom, að afkoma félagsins var hagstæð, ákvað stjórnin að greiða