Bændablaðið - 05.06.2014, Side 38

38 Bændablaðið | Fimmtudagur 5. júní 2014
Fyrir sex árum kynnti ríkisstjórn
Svíþjóðar framtíðarsýnina um
„Svíþjóð – nýja matvælalandið“.
Í kjölfarið var ákveðið að marka
stefnu og vinna markvisst að
því að markaðssetja og kynna
Svíþjóð sem matvælaland fyrir
ferðamenn. Margar nýjar vörur
hafa sprottið fram á síðustu
árum sem eru afsprengi þessarar
stefnu.
Áhersla á uppruna og það sem
er ekta
Stefnumótunin fólst meðal annars
í því að draga fram hreinleika og
heilnæmi sænsks matar og vinna
að nýsköpun og því sem er ekta
sænskt. Áhersla var jafnframt
lögð á dýravelferð, fjölbreytileika,
veitingamenn og heilbrigðan lífsstíl.
Árangur af þessari stefnumörkun
er nú að koma í ljós, en á
matvælasýningunni GastroNord í
Stokkhólmi í síðasta mánuði mátti
sjá sýnishorn af ýmsum nýjum og
spennandi matvörum sem fást á
sænskum markaði.
23 þúsund gestir kynntu sér
sænskan mat og matarmenningu
Á sýningunni var Visit Sweden
með veglega kynningu á sænskum
mat. Alls komu tæplega 23 þúsund
gestir á sýninguna frá 70 löngum
en samhliða henni var Bocuse
d’Or matreiðslukeppnin haldin.
Fjöldi blaðamanna alls staðar að úr
heiminum tók púlsinn á því helsta
sem sænsk matarmenning hefur upp
á að bjóða.
Veitingahús tileinkað
landsvæðum í Svíþjóð
Svíarnir settu upp stórt veitingahús
þar sem gestir gátu valið á milli
ólíkra matseðla sem allir höfðu
tilvísun í ákveðin landsvæði í
Svíþjóð. Þannig var til dæmis hægt
að velja sér mat frá sjávarsíðunni, úr
skóginum, af fjalllendi eða ökrum
bænda. Meðfylgjandi myndir eru
af vörum sem sumar hverjar eru
glænýjar og flokkast jafnvel sem
handverk ekki síður en spennandi
matur eða drykkur.
Matvælalandið Svíþjóð festir sig í sessi:
Svíar einbeita sér að uppruna og sögu
– Nýjar mat- og drykkjarvörur sem byggja á sænskri matarhefð
Markvisst unnið að því að kynna
Svíþjóð sem matvælaland
Visit Sweden, Ferðamálaskrifstofa Svíþjóðar, tók að sér árið 2010 að koma Svíþjóð
á kortið sem alþjóðlegu matvælalandi. Fyrr á árinu fengu Íslendingar kynningu á
starfsemi Visit Sweden þegar Ami Hovstadius verkefnastjóri hélt erindi um starfsemina
og hvernig Svíar hafa borið sig að við markaðssetningu á matarferðamennsku.
Fyrirlestur Ami er að finna á netinu á vefsíðu Bændablaðsins, www.bbl.is
Hefur þú smakkað birkisafa eða þurrkað hreindýrakjöt frá Jämtland og Härjedalen? Ljósmyndir / TB
Hreindýratartar ásamt sveppum og sænskum laufgróðri.
Rabarbarasaft.
Hrökkbrauðið er aldrei langt undan.
Sænska síldin er þjóðþekkt en Svíarnir hafa einnig unnið mikið með sjávar-
gróður á síðustu árum, s.s. þara og söl, enda bráðholl matvara.
Á veitingahúsi Visit Sweden á GastroNord voru réttir í boði frá allri Svíþjóð.