Bændablaðið - 19.06.2014, Qupperneq 7
7Bændablaðið | Fimmtudagur 19. júní 2014
síðasta þætti birtust fáeinar
kosningavísur svona
í tilefni nýafstaðinna
sveitastjórnakosninga, og
því rétt að spinna þann
þráð ögn lengri. Jón Pálmason
alþingismaður frá Akri gerði
svofellda athugasemd við skrif
Tímans í einhverju máli:
Dregur grímu á dal og fjall,
daufa skímu veitir.
Leggur Tímans lygaspjall
líkt og hrím um sveitir.
Sigfús Jónsson, þá bóndi á
Laugum í Hraungerðishreppi, hélt
Jón á Akri ekki í neinni stöðu til
að bæta skrif Tímans:
Þótt hann beiti brandi vökrum,
bragarópi og lygarími,
Jón af sínum íhalds-Ökrum
ei fær sópað Tímans hrími.
Einhverju sinni fyrir
bæjarstjórnarkosningar á
Akureyri hafði Jóhann bóksali
Valdimarsson límt úrklippu úr
Degi innan á náðhússdyr þar sem
tvö fyrirtæki deildu afnotum.
Á úrklippunni úr Degi var
framboðslisti Framsóknar þetta ár.
Af því tilefni orti Bjarni frá Gröf:
Jóhann gamli gleymir sér,
geymir Dag á stöðum
þar sem mesta þörfin er
á þunnum skeiniblöðum.
Og eftir kosningarnar 22. maí 1966
orti Bjarni frá Gröf:
Í kosningarnar Framsókn fór
feit og glöð í sínu vígi,
en uppskeran varð ekki stór
eftir svona mikla lygi.
Og fyrir þessar sömu
bæjarstjórnarkosningar 1966 orti
Rögnvaldur Rögnvaldsson:
Talið er, að látinn lifi,
líður Amen við það tjón.
Bænum finnst sem Bragi skrifi
beint í gegnum Sigurjón.
Að þessum kosningum afstöðnum
orti svo Rögnvaldur:
Bragi sigur bar af Gísla,
blæða sárin mörg.
Áfram má við sjúka sýsla
systir Ingibjörg.
Eitt sinn var Pétur á Hallgilsstöðum
(Peli) á stjórnmálafundi í Reykjavík
þar sem Jón á Akri og Páll S.
Pálsson áttust við með kviðlingum.
Þá orti Pétur:
Víst er engum varnað máls,
víða er eldur falinn.
Jón frá Akri og Páll S. Páls
perlum dreifa um salinn.
Ef að Peli yrkir ljóð,
allir fá að heyra.
Það er líkt og faðma fljóð
og fá svo ekkert meira.
Að endingu koma svo vísur eftir
Jakob Ó. Pétursson ortar eftir
alþingiskosningar 1971:
Kvíðum ei því sem koma skal,
kannske er gott að breyta til,
og vísast mun hetjan Hannibal
hjálpa og gera allt í vil.
Hlýðum allir Hannibal
á hljóðum rökkurkvöldum.
Séra Páll í Selárdal
sestur er að völdum.
Umsjón:
Árni Geirhjörtur Jónsson
kotabyggd1@gmail.com
Líf og starf
MÆLT AF
MUNNI FRAM
Í
68 nemendur brautskráðir frá Háskólanum á Hólum
Alls voru 68 nemendur
brautskráðir frá Háskólanum
á Hólum föstudaginn 6. júní
síðastliðinn við hátíðlega athöfn
í Menningarhúsinu Miðgarði í
Varmahlíð.
Nemendur á Hó lum
útskrifast frá hestafræðideild,
fiskeldis- og fiskalíffræðideild
og ferðamáladeild. Í fyrsta
sinn var nemandi brautskráður
með MA-próf í ferðamálafræði,
Guðrún Ólafía Brynleifsdóttir,
og einnig var þetta í fyrsta skipti
sem nemendur útskrifuðust með
BS-próf í sjávar- og vatnalíffræði
af sameiginlegri námsbraut
Háskólans á Hólum og Háskóla
Íslands. Það voru þær Freydís
Ósk Hjörvarsdóttir og Soffía
Karen Magnúsdóttir.
S jö nemendur vo ru
brautskráðir með BS í
hestafræði, af sameiginlegri
námsbraut Háskólans á Hólum
og Landbúnaðarháskóla Íslands
á Hvanneyri, en að þessu sinni
var það Landbúnaðarháskólinn
sem annaðist brautskráninguna.
H ó l a r e k t o r á v a r p a ð i
viðstadda og deildarstjórar
fluttu auk þess stutt ávörp áður
en þeir afhentu prófskírteinin.
Að athöfn lokinni bauð skólinn
viðstöddum til kaffisamsætis,
sem Ferðaþjónustan á Hólum
annaðist.
Erla Björk Örnólfsdóttir, rektor Háskólans á Hólum, fyrir miðri mynd í fremstu röð ásamt útskriftarnemendum.
Mynd / Guðmundur B. Eyþórsson
Landbúnaðarklasinn stofnaður
– Ekkert má trufla þá framfarasókn sem íslenskur landbúnaður þarf á að halda
Landbúnaðarklasinn var formlega
stofnaður 6. júní síðastliðinn.
Hugmyndin með klasanum er að
tengja saman alla þá sem hafa tengsl
í landbúnaði, í víðtækum skilningi.
Fjöldi fulltrúa fyrirtækja og félaga
með tengsl við landbúnað mætti í
stofnfundinn sem haldinn var á
Hótel Sögu.
Á fundinum hélt Tjörvi Bjarnason,
sviðsstjóri hjá Bændasamtökum Íslands,
framsögu og fór yfir aðdraganda, tilurð
og tilgang samstarfsins. Þá kynnti
Jóhanna Lind Elíasdóttir, ráðgjafi hjá
Ráðgjafarmiðstöð landbúnaðarins
fjárfestingarþörf og kosti í landbúnaði.
Kosið var í stjórn klasans og var
Haraldur Benediktsson, þingmaður og
fyrrverandi formaður Bændasamtaka
Íslands, kosinn formaður. Unnið
verður að frekari útfærslu starfs
landbúnaðarklasans í sumar og fram
á haust.
Í máli Haraldar, sem ávarpaði
stofnfundinn, kom fram að um mitt ár
2006 hefði stjórn Bændasamtakanna
tekið þá meðvituðu ákvörðun að
reyna að breyta umtali um íslenskan
landbúnað og fara frá því að horfa
á þrönga hagsmuni bænda og yfir
í að tala um gildi landbúnaðar og
umfang í atvinnulífinu. Í því skyni
var samið við Hagfræðistofnun
Háskóla Íslands um að meta umfang
og starfafjölda í landbúnaði, ekki bara
í frumframleiðslu heldur í afleiddum
störfum. Niðurstaða þeirrar vinnu sýndi
að um 10.000 störf voru talin tengjast
íslenskum landbúnaði. Í framhaldi af
þeirri vinnu fór af stað bolti sem nú
er orðinn að Landbúnaðarklasanum.
Það er í samræmi við það sem tíðkast
í löndunum í kringum okkar, að til
sé sameiginlegur vettvangur bænda,
félaga og fyrirtækja sem þeim tengjast.
„Mikilvægi þess, á þessum
tímamótum þegar við horfum fram
á miklar breytingar og tækifæri í
íslenskum landbúnaði, að við þéttum
hópinn og sækjum fram saman er
gríðarlegt. Við megum ekki láta
neitt verða í vegi okkar til að trufla
þá framfarasókn sem íslenskur
landbúnaður þarf á að halda. Það
eru ekki bara bændurnir sem þurfa
að standa þar í stafni heldur líka þeir
sem þjónusta landbúnaðinn,“ sagði
Haraldur.
Upplýsingar og erindi af fundinum
er að finna á bondi.is /fr
Myndir / smh
Tjörvi Bjarnason, sviðsstjóri hjá
Bændasamtökum Íslands, hélt
tilurð og tilgang klasasamstarfsins.
Haraldur Benediktsson, þingmaður og fyrrverandi formaður Bændasamtaka
Íslands, ávarpaði stofnfundinn og var kosinn formaður.