Skírnir - 01.04.1998, Blaðsíða 157

SKÍRNIR
GEGN ÞJÓÐTRÚ
151
jeppinn þeirra skyndilega og helgin fer í viðgerðir á honum.
Þennan atburð segja þau systkinum sínum og verða þau sammála
um að hér hafi draugurinn enn og aftur komið við sögu. Sumarið
1996 tekst þrenningunni að koma sér saman um brottfarardag til
að fara að Skipeyri, þrátt fyrir andstöðu Sigga. Þau hafa hljótt um
áform sín, því þau mega með engu móti berast Hildi til eyrna. En
þá kemur nýr aðili til sögunnar: Björk (38 ára), eiginkona Sigga,
tekur upp á því að leggja blátt bann við því að eiginmaðurinn fari
í slíka óheillaför. Að hennar mati er betra að láta illt kyrrt liggja
en að kalla yfir sig ógæfu. Hún heitir því að koma í veg fyrir ferð-
ina og það tekst henni svo sannarlega; nóttina fyrir ráðgerðan
ferðadag fæðir hún son þeirra hjóna, tveimur vikum fyrir tímann!
Samskiptaflœkjur fjölskyldu og draugs
Eftir því sem farið er nánar í saumana á sögu ættardraugsins fara
flókin fjölskyldutengsl að taka á sig mynd. Sífellt fleiri einstak-
lingar koma fram á sjónarsviðið. Þeir eru ólíkir innbyrðis en eitt
eiga þeir að minnsta kosti sameiginlegt. Og þó þessi samnefnari
sé dulinn augum mannfræðingsins er nærvera hans næstum
áþreifanleg: draugurinn sjálfur. Þegar dregið er saman hvað fram
hefur komið um sögu fjölskyldunnar, koma eftirfarandi þættir
fram. Fyrst ber að nefna Guðrúnu sem hefur mátt þola ásóknir
draugsins um árabil. Siggi telur sig einnig hafa orðið fyrir barðinu
á draugnum. En ólíkt Guðrúnu koma þessar ofsóknir ekki fram í
sýnum og óttaköstum; Siggi kennir draugnum um „ólán“ sem
hefur elt hann á röndum um árabil. Þessar misfarir hafa aldrei
verið alvarlegar en geta samt talist töluverð óheppni. Eftirfarandi
dæmi eru lýsandi: veturinn 1996 strönduðu tveir bátar sem Siggi
gerði út, en það hafði aldrei fyrr hent hann á allri hans sjó-
mannsævi. Viðgerðirnar urðu ódýrari en hann hafði búist við, en
voru honum samt þungur baggi. Skömmu eftir þetta kviknaði í
vél í aðalbátnum hans. Það gerði atvikið enn dularfyllra en ella að
báturinn var nýyfirfarinn. Stuttu síðar varð fyrirtæki, sem Siggi
hafði fjárfest í ásamt bróður sínum, gjaldþrota. Ógetið er þá um
ógreidda skuld þessa sama bróður og lánin sem Siggi hefur
neyðst til að taka á sig á undanförnum þremur árum. Þrátt fyrir