Morgunblaðið - Sunnudagur - 12.07.2015, Blaðsíða 21

var niður í dalinn og á fjallstindana
í kring: tignarlegt útsýni.
Gistiheimili í fjöllunum
Eftir þetta má segja að gangan hafi
verið leikur einn. Við tók um
tveggja tíma ganga eftir stígum í
fjallshlíðum, áleiðis niður að þorpum
og fátæklegum bændabýlum, hjá
gönguhópum sem voru að borða og
bændum sem héldu litlum fjár-
hópum til beitar. Síðdegis vorum við
komin á gististað, að einföldu gist-
heimili sem stóð hátt yfir dal sem
fjörleg á skoppaði niður. Bóndinn
sem á húsið tók brosandi á móti
okkur, kom fjórum einföldum rúm-
dýnum fyrir í hornherbergi með
rússneskri ljósakrónu og mý-
flugnaneti í gluggum og svo rölti
hann upp á flatt þakið, settist niður,
reykti og naut útsýnisins yfir kon-
ungsríki sitt milli snævi typptra
fjallanna. Mohamadar tveir sprettu
hins vegar af múlasnanum og gengu
inn í eldhús að hita te, saxa og elda
og innan skamms barst matarilm-
urinn um húsið og út á hlað þar
sem blómstrandi eplatrén stóðu í
röðum. Þegar húmaði bárust bæna-
köllin frá moskunni í þorpinu yfir
þröngan dalinn; heillandi ómur af
hefðum í þessum fátæklega en gest-
risna heimi.
Úr þoku í blómgaðar brekkur
Við vöknuðum í þoku. Skýin höfðu
sigið niður fjöllin og sest á gisti-
heimilið, þar sem Mohamed mat-
sveinn hellti upp á te og fann til
brauð og sultur í morgunverð.
Þröngir bílvegir liggja milli þorp-
anna og í leysingum undanfarið
hafði grjót hrunið á marga þeirra
og um morguninn fór vörubíll milli
húsa og ungir menn hlupu upp á
pallinn með skóflur, allir áttu að
hjálpast að við að ryðja vegina.
Eftir að klyfjar voru komnar á
múlasnann og fjölskyldan í úlpur í
hrollkaldri morgunþokunni, var
gengið af stað. Fyrst eftir veginum
niður í næsta þorp en svo var tekið
til við að rölta upp háan klappaás,
þar sem hlaðin hús, einiberjatré og
stöku bændur birtust í þokunni eins
og tröll eða aðrar vættir, og þá tók
moldugur stígur við og við héldum
sífellt hærra þar til skyndilega létti
til og við vorum komin upp í hæsta
skarð dagsins, 2.200 metra hátt. Þá
var óhætt að fækka fötum enda hit-
inn um tuttugu gráður og þannig
hélst það næstu tímana, þegar við
fetuðum okkur í frjórri samræðu við
Mohamed niður í byggð að nýju;
fram hjá fólki að reisa hús ofarlega
í dalnum, í gullfallega gróðurlundi,
niður með kátum lækjum og blómg-
uðum brekkum, ætíð með til-
komumikla snævi þakta tinda yfir
okkur.
Á hlöðnum stalli yfir tærri á hafði
Mohamed matsveinn breitt úr tepp-
unum í skugga af limmiklu tré, og
var það vel til fundið í hádegis-
sólinni. Þar reiddi hann fram síð-
ustu veislumáltíð ferðarinnar og
kom öllum á óvart hvað hann hafði
komið lystugum kræsingum niður í
skrínurnar á klyfberanum. Liðmarg-
ur mauraher hafði líka áhuga á
matnum en það gerði máltíðina ein-
ungis forvitnilegri.
Eftir góða hvíld í skugganum tók
við lokaáfangi göngunnar, niður bíl-
veginn úr dalnum, milli blómum
skrýddra trjáa, áleiðis að gatnamót-
um þar sem ökumaður beið í síð-
deginu og flutti okkur aftur til borg-
arinnar, úr dýrðarheimi fjallanna.
Vinsæll áfangastaður
Undir kvöld vorum við aftur komin
til Marrakesh, þessarar heillandi
borgar á hásléttunni þar sem bjart-
sýnir sölumenn hlupu til móts við
okkur og buðust til að sýna verslun
bróður síns, án þess að áhugi væri
fyrir hendi, og sá við teppabúðina
við ríadið fagnaði okkur með sama
frasa og venjulega: „See you later,
aligator!“
Ökumaðurinn sem ók okkur til
borgarinnar í Toyota-jeppanum sín-
um rekur fyrirtæki sem er í sam-
keppni við Mohamed þann sem seldi
okkur ferðina, en hann sagði að
samvinnan væri engu að síður með
þeim hætti í fjöllunum að menn
hjálpuðu hver öðrum. Það þurfti að
koma okkur í bæinn og hann tók
það að sér.
Sjálfur stofnaði hann ferðafyrir-
tæki fyrir nokkrum árum, með ferð-
ir á Toubkal og í Sahara-eyðimörk-
ina; fyrsta árið voru viðskipta-
vinirnir tuttugu en í ár eru þeir
fimmhundruð. Margir þeirra koma
frá Danmörku fyrir tilstilli nor-
rænnar ferðaskrifstofu sem hann
vinnur með.
„Eftir tvö ár fer ferðaþjónustan
fram úr landbúnaði sem mikilvæg-
asti atvinnuvegurinn hér í Mar-
okkó,“ sagði hann. Það kemur ekki
á óvart, þetta er heillandi land að
heimsækja. Land þar sem meira að
segja gestir sem telja sig ekki hafa
gaman af fjallgöngum njóta þeirra.
Morgunblaðið/Einar Falur
Gönguleiðin hlykkjast eftir
misbröttum en þó frekar
auðförnum stígum í hlíðum
dalanna. Háir tindar rísa yfir
dölum sem Berbar hafa
byggt og ræktað um aldir.
12.7. 2015 MORGUNBLAÐIÐ SUNNUDAGUR 21
Sannkölluð sprenging hefur
orðið í ásókn göngufólks í hin
fögru Atlas-fjöll í Marokkó,
norðan við Sahara-eyðimörk-
ina.
Á tignarlegum fjallarananum
gefst fólki kostur á að ganga á
nokkra tinda sem eru yfir 4.000
metra háir og er Toubkal þeirra
vinsælastur, þar sem hann situr í
samnefndum þjóðgarði. Þeir
sem hafa ekki áhuga á tindapríli
geta farið í mislangar ferðir um
dalina í kring, sem eru byggðir
fólki af ætt berba; þetta er fag-
urt, harðbýlt en frjósamt svæði
og fjallasýnin ætíð tilkomumikil.
Fjöldi heimamanna hefur
menntað og sérhæft sig á sviði
ferðaþjónustu og starfar ýmist á
gistiheimilum í bænum Imlil, þar
sem flestir leggja upp, eða þar
nærri, við leiðsögn eða mat-
argerð.
Höfundur fann á netinu
tveggja daga hringferð frá Imlil
að þorpi skammt þar frá, yfir
tvö fjallaskörð, 2.471 og rúm-
lega 2.200 m. há, og um byggða
dali. Fróður leiðsögumaðurinn
var enskumælandi og einnig
voru í ferð múlasni, sem bar
farangurinn og matsveinn sem
galdraði fram listagóða rétti.
Með ferðum til og frá hóteli í
Marrakesh, í klukkustundar fjar-
lægð frá Imlil, gistingu hjá bónda
og leigu á svefnpokum, kostaði
leiðangurinn 340 evrur - um
50.000 krónur.
Veisla í farangrinum. Matsveinninn galdraði fram góða rétti á áfangastöð-
um; marokkóskt tajine, salöt og kjötbollur og öllu skolað niður með tei.
Fjölskylduferð um dalina
VÍKKAÐU HRINGINN
Við gefum þriðja bílinn á þessu ári í glæsilegum
áskriftarleik fyrir trausta lesendur Morgunblaðsins.
Allir áskrifendur eru með í leiknum. Fylgstu með
þann 17. júlí þegar við drögum út fjórhjóla-
drifinn Mercedes-Benz B-Class
með 7 þrepa sjálfskiptingu
að verðmæti 6.970.000 kr.*
*Inni í verðinu er ríkulegur aukabúnaður.
Grunnverð á Mercedes-Benz B-Class CDI 4MATIC er 5.790.000 kr.