Morgunblaðið - Sunnudagur - 12.07.2015, Blaðsíða 43

Courtney Carver sem heldur úti blogginu bemorewit-
hless.com skrifaði grein á becomingminimalist.com um
hvaða tíu hluti fólk ætti að byrja á því að sleppa takinu
af til að einfalda líf sitt. Þá er best að byrja á hlutunum á
heimilinu. Það að eiga minna getur hjálpað til við að
spara tíma, segir hún.
1. Föt sem maður not-
ar ekki. Tilvalið er að
byrja á fötunum. Flest
okkar eiga of mikið af föt-
um en eru jafnframt alltaf í
sömu fötunum. Gefðu
gallabuxurnar sem þú get-
ur ekki lengur rennt upp, hentu götóttu sokkunum,
losaðu þig við föt sem eru ekki lengur í tísku. Og ef þú
átt auka-úlpu, gefðu hana einhverjum sem þarfnast
hennar.
2. Hlutir í draslskúffunni sem maður ber ekki
kennsl á. Það gæti verið of snemmt að losa sig við
skúffuna í heild sinni en það
er hægt að fjarlægja hluti
sem passa hvergi eða eru
ekki í notkun og maður man
ekki af hverju maður setti í
skúffuna til að byrja með.
Viti maður það ekki í dag er
ólíklegt að það renni upp
fyrir manni á morgun..
3. Krem af ýmsu tagi.
Raðaðu saman kremunum, förðunardóti, hársápu og
fleiru á einn stað. Raðaðu í hillu hlutunum sem þú not-
ar á hverjum degi og hentu afganginum.
4. Stakir hlutir. Ef það er ekki hægt að nota hlutinn
án einhvers annars hlutar sem er löngu týndu eða ónýt-
ur þá er kominn tími til að sleppa takinu. Þetta gætu til
dæmis verið kassettur án
kassettutækis, Tupperw-
are-lok án boxins og
stakir sokkar.
5. Krakkadót. Ekki
neyða börnin til að losa
sig við hluti heldur gerðu
það að skemmtilegum viðburði. Til dæmis er hægt að
veita verðlaun fyrir hverja tíu hluti sem þau ákveða að
gefa. Verðlaunin geta verið eitthvað skemmtilegt sem
fjölskyldan gerir saman eða uppáhalds-kvöldmatur
barnsins. Ef þú átt fleiri en eitt barn þá er hægt að
bjóða uppá bónusverðlaun ef allir ná takmarki sínu, til
þess að hvetja til samvinnu.
6. Útrunninn matur. Stilltu tímastilli á fimmtán mín-
útur og farðu í gegnum búrið, frystinn eða ísskápinn.
Hentu því sem er útrunnið eða því sem búið er að
opna og er ónýtt. Ef þarna leynist matur sem er í lagi
með en þú munt aldrei borða gefðu einhverjum matinn
sem getur notað hann.
7. Auka matarstell. Ef þú átt tvö stell og tvö hnífap-
arasett skaltu losa þig við annað. Ef þú elskar fínu
diskana þína notaðu þá á
hverjum degi. Ef þeir eru í
boxi og þú notar þá aldrei,
gefðu þá einhverjum sem
getur notað matarstellið.
8. Annarra manna hlut-
ir. Ef heimili þitt er orðið
að geymslu fyrir fjölskyldu
og vini hringdu þá í fólkið.
Vertu almennilegur, láttu
vita að þetta þurfi að fara, biddu kurteislega eða hjálp-
aðu þeim að losa sig við hlutina ef það hefur ekki áhuga
á þeim sjálft.
9. Hlutir sem draga þig niður. Það sem hefur til-
finningalegt gildi er oft geymt þegar verið er að fækka
hlutum. En slepptu endilega taki af hlutum sem minna
þig á fólk, staði eða viðburði sem valda þér sársauka, til
að rýma til fyrir nýjar og ánægjulegar minningar.
10. Sektarkennd. Þetta fellur ekki í „auðvelda“ flokk-
inn en ef þú sleppir takinu nú hefur ferðalagið fram-
undan meiri þýðingu. Þú ert búinn að borga með tíma,
peningum og athygli. Sektarkenndin er versti gjaldmið-
illinn af öllum. Með sektinni borgar maður áfram, með
því að halda í fortíðina og refsa sjálfum sér. Kveddu
sektarkenndina. Það að sleppa takinu af þessum hlutum
á eftir að létta líf þitt og hvetja þig til að halda lengra í
ferðalaginu í leit að einfaldara lífi og meira frelsi. Þegar
þessir hlutir eru farnir, fagnaðu þá áfanganum og haltu
áfram. Það er einfaldara líf framundan.
10 hlutir til að
sleppa takinu af
Verkefni 333 er góð leið til að prófa að nota færri föt á mark-
vissari hátt í þrjá mánuði en það þarf að vanda valið.
Getty Images/iStockphoto
Þær segja báðar að börn þroskist í því sem þau leiki sér
og eðlilega sé leikið mest með nýjustu hlutina. Ekki þýði að
geyma allt hitt fyrir ókomnar kynslóðir.
En er stöðug vinna við að viðhalda þessum lífsstíl?
„Það verður alveg framþróun, til dæmis með því að af-
þakka gjafir,“ segir Þórhildur. „Þá stopparðu í það gat og
þarft ekki að fá allt þetta dót. Svo líka ef þú breytir hegðun
þinni og hættir að fara í H&M þegar þú ferð til útlanda og
velur betur hvað þú kaupir.“ Magnea segir að þetta smiti út
frá sér og fólk hætti að gefa eins mikið. Hún segist sjálf
hafa áhuga á snyrtivörum og setji sér það takmark að eiga
ekki meira af þeim en sem nemi einni hillu á baðinu. Hún
segir Íslendinga oft ganga svo langt í áhugamálum sínum.
Nú ætli annar hver maður að verða hjólari og þá þurfi að
græja sig upp fyrir allan peninginn og nota allt geymslu-
plássið í það. „Það væri kannski betra að prófa að fara út að
hjóla fyrst?“
Sjálf segist hún hafa losað um mikið pláss á heimilinu eft-
ir að hafa losað sig við tölvuborð og tölvu sem var lítið not-
uð, farsímarnir og fartölvan duguðu. Þannig græðir hún
pláss, með því að fækka hlutum en ekki með því að flytja í
stærra húsnæði. Draumur hennar er ekki að flytja í einbýlis-
hús. „Ég þarf að þrífa það og hugsa um það. Ég nenni ekki
að eyða fríinu í að reyta arfa,“ segir hún en ítrekar að það
geti vel hentað einhverjum öðrum. Það að vera meðvitaður
skipti máli, að spyrja sig; „hvað er tímans míns virði?“
„Af því bara“ og „kannski einhvern tímann“
Þórhildur segir að það sé munur á því að nota hluti og njóta
þess að nota þá. Því sé mikilvægt að losa sig við hlutina sem
maður á „af því bara“ og dótið sem maður heldur að maður
þurfi „kannski einhvern tímann“.
„Ef mig vantar einhvern tímann sautján lök þá skrifa ég
bara Facebook-status og spyr hvort einhver geti ekki lánað
mér,“ segir Magnea og líkar heldur ekki allt þetta tal um að
það verði að vera gott skápapláss. „Af hverju? Hvað ætlarðu
að geyma í þessum skápum? Efri skáparnir hjá mér eru
hálftómir,“ segir Magnea, sem vill vita hvað er í kössunum
hennar í geymslunni.
Hún segir að þegar börnin þurfi sitthvort herbergið íhugi
hún að sofa bara í stofunni frekar en að vinna meira til að
eiga fyrir húsi. Hún segir að hún og maður hennar hafi tek-
ið eftir því þegar þau tóku upp þennan lífsstíl að þau hafi
átt meiri pening en áður. „Það var eitt sem við tókum fljótt
eftir, við áttum meiri pening vegna þess að við vorum ekki
að eyða í eitthvað sem við þurftum ekki. Og við gátum frek-
ar farið á kaffihús með börnin okkar. Þetta snýst um að
hafa meiri tíma með fólkinu sínu og átta sig á því að hlutir
skipta þig ekki máli; þetta eru bara hlutir. Ef ég þarf að
eyða miklum tíma í að þrífa íbúðina mína með því að færa
til allt dótið sem er í henni eða raða í barnafatakommóðuna
þá er ég að eyða minni tíma með fjölskyldunni minni. Þetta
snýst um að eyða meiri tíma með fólkinu mínu og mig lang-
ar til að nota þetta til að einfalda líf mitt fyrst og fremst,“
segir Magnea.
Þórhildur segir að þær séu vissulega að synda á móti
straumnum og allt samfélagið sé mikið til byggt upp á
neysluhyggju. Magnea furðar sig á því hvernig við getum
verið komin svona langt frá þessum nýtnu kynslóðum sem
fæddust á fyrri hluta síðustu aldar.
Heimilið á ekki að vera streituvaldur
„Við erum ekki enn búnar að tala mikið um streitu en það
er alveg nóg um streitu í lífi fólks svo heimilið sé ekki líka
að valda streitu eða fataskápurinn. Þá er tími til að gera
eitthvað,“ segir Magnea en þeir sem lengra eru komnir í
mínimalíska lífsstílnum eru farnir að yfirfæra þetta á marga
hluti lífsins eins og til dæmis að einfalda matarinnkaup með
því að borða einfaldari mat en fjölskyldufólk þekkir það vel
að „hvað á að vera í matinn?“ er einn af streituvöldum heim-
ilisins.
Það má ennfremur taka til í hausnum á sér og byrja að
stunda hugleiðslu en líka má taka til í tölvunni, nota dropbox
til að afrita skrár til að minnka streituna þar. „Næsta skref
er að taka til í kringum þig, hluti sem eru ekki efnislegir,“
segir Þórhildur.
Það felst líka í því að taka meðvitaða ákvörðun um hvaða
fólk maður vilji hitta, umgangast fólk sem hefur jákvæð
áhrif á mann og koma sér ekki í aðstæður sem mann langar
ekki að vera í, útskýra þær.
En fyrir þá sem eru að byrja í mínimalíska lífsstílnum þá
er best að byrja á því að losa sig við allt óþarfa drasl og hér
til hliðar má finna góðar leiðbeiningar um hvernig eigi að
hefja þessa vegferð.
Morgunblaðið/Styrmir Kári
* Þetta snýst um að hafa meiritíma með fólkinu sínu og áttasig á því að hlutir skipta þig ekki
máli; þetta eru bara hlutir.
12.7. 2015 MORGUNBLAÐIÐ SUNNUDAGUR 43