Morgunblaðið - Sunnudagur - 12.07.2015, Blaðsíða 28

28 MORGUNBLAÐIÐ SUNNUDAGUR 12.7. 2015
Matur og drykkir
Þ
að var létt stemmning á Digranesveginum þegar
fimm vinir úr menntaskóla ákváðu að hittast og
halda matarboð. Til stóð að ræða viðburð sem fé-
lagarnir ætla að efna til á Menningarnótt á Bríet-
artorgi. Þeir ákváðu að leggja hver til sinn rétt og setja
saman í eina allsherjar veislu. Úr varð alþjóðlegur sam-
bræðingur. Fimmmenningarnir eru allir rúmlega tvítugir
leikhúsáhugamenn og eru virkir við skapandi skrif og
skáldskap af ýmsu tagi.
Á Bríetartorgi munu þeir bjóða gestum og gangandi að
setja á sig heyrnartól og hlusta á hljóðverk úr eigin smiðju,
ýmist ljóð, leikverk eða annan texta. Um leið getur fólk
lagst á teppi og fengið sér kex og kakó þannig að stemn-
ingin verður notaleg. Þeir nefna viðburðinn Torgið talar.
Alþjóðlegt hlaðborð
Ýmislegt var á matseðli ungu mannanna þetta kvöld. Þeir
hjálpuðust að við matargerðina en Matthías Tryggvi Har-
aldsson stóð vaktina á grillinu, Adolf Smári Unnarsson sá
um taílensku rækjurnar, Birnir Jón Sigurðsson lagði til
húsnæðið og kúrbítinn, Ingólfur Eiríksson sá um að skera
tómata og Stefán Ingvar Vigfússon gerði gríska eftirréttinn
eftir uppskrift móður sinnar.
Í aðalrétt voru taílenskar rækjur eins og þær eru eldaðar
í Svíþjóð. „Þetta er persónuleg útgáfa af réttinum mínum á
veitingastaðnum Koh Phangan í SoFo-hverfinu í Stokk-
hólmi, Södermalm. Þetta er aðalveitingastaðurinn meðal
kúlista og rojalsins í höfuðborg Skandinavíu. Oft er mán-
aðarlangur biðlist eftir borði innandyra en oftast er hægt
að troða sér á borð utandyra. Þar er þó ekki hægt að taka
frá,“ segir Adolf.
Í forrétt var kúrbítur og sveppir fylltir með piparosti en
með rækjunum var maís sem var baðaður í kryddblöndu.
Einnig voru þeir með mozzarella og tómatasalat með basil.
„Ég vil meina að þetta hafi verið góð blanda þótt þemað
hafi verið óljóst. Þetta var kannski örlítið sundurleitt en það
má segja að þetta hafi verið alþjóðlegt hlaðborð,“ segir
Matthías. Í eftirmat var réttur úr grískri jógurt með hafra-
kexbotni og rjóma og ávöxtum. „Þetta var kannski bara
heimshornaflakk, enda hyggjumst við leggjast í slíkt,“ segir
hann, en þeir félagar hafa ferðast mikið til framanda landa.
Ekki hringt í Dómínós
Adolf segir að sinn réttur hafi klárlega verið bestur og
kvöldið afar skemmtilegt. „Við vildum líta út sem hinir
glæsilegustu kokkar og völdum rétti sem okkur fannst fal-
legir,“ segir hann, en þeir lögðu mikið upp úr klæðaburði
líka. „Það var mjög mikilvægt að sýna að við kynnum að
elda og var því mikið lagt í þetta. Við vildum sanna að það
yrði ekki hringt í Dómínós,“ segir hann hlæjandi, en vinur
þeirra einn hafði spáð því. Adolf segir að þeir hafi vandað
vel valið á víni og bjór með matnum, en fyrir valinu varð
taílenskur bjór með rækjunum og ítalskt hvítvín sem ber
nafnið Stemmari og var valið eingöngu vegna nafnsins.
„Það var góður fyrirboði fyrir kvöldið.“
Adolf leyfir Birni að smakka rækjuréttinn, enda mikill metnaður að hafa rækjuréttinn fullkominn.
VEISLA UNGRA MANNA
Heimshornaflakk
á borði
FIMM VINIR ÚR MENNTASKÓLA SÝNDU TILÞRIF Í ELDAMENNSKU
ÞEGAR ÞEIR LÖGÐU SAMAN KRAFTA SÍNA. RÉTTIRNIR VORU ÆTTAÐIR
VÍÐS VEGAR ÚR HEIMINUM OG HVER ÖÐRUM GÓMSÆTARI.
Ásdís Ásgeirsdóttir asdis@mbl.is
basilíka
1 blaðlaukur
1 næpa (hnúðkál)
2 paprikur
Tígrisrækjur í rauðu karríi og kókosmjólk, með grænmeti og sætum basil fyrir 4-5
700 g risarækjur
úr Indlandshafi
2 laukar
100 ml rautt karrí „paste“
6 hvítlauksrif
2 dósir kókosmjólk
meðalstórt engifer
2 sítrónur
2 límónur
1 stórt chilli
Geng Ped Koong