Morgunblaðið - Sunnudagur - 26.07.2015, Page 17

26.7. 2015 MORGUNBLAÐIÐ SUNNUDAGUR 17
löndum sé keppt í ólympískum lyft-
ingum alveg niður í tíu ára aldur
en þar sé ekki keppt um mestu
þyngdirnar heldur um að fram-
kvæmdin á lyftunum sé sem best.
„Á Íslandi eru mjög fáir ungling-
ar eingöngu að lyfta. Þeir sem
lyfta eru almennt einnig í öðrum
íþróttum á borð við frjálsar íþróttir
eða krakka-crossfit. Þar læra þau
ákveðin undirstöðuatriði í lyfting-
um og eru ekki að stefna á lyft-
ingakeppni.“
Vissulega séu undantekningar
frá þessu, ein þeirra er Guð-
mundur Högni Hilmarsson sem er
af þriðju kynslóð afrekslyftinga-
manna. Hann byrjaði að æfa
ólympískar lyftingar 13 ára en
hann snaraði 80 kílóum og jafn-
henti 101 kíló 15 ára gamall.
Aðferðafræðin skiptir öllu
„Börn fá jafnmikið
út úr lyftingum og
fullorðnir, þetta er
bara spurning um
aðferðafræðina við
þjálfunina,“ segir
Ingimundur
Björgvinsson,
kraftlyftingaþjálf-
ari í Gróttu. Hann
hefur gríðarlega
reynslu af lyftingaþjálfun barna og
unglinga en hann þjálfar m.a.
Fanneyju Hauksdóttur, heims-
meistara unglinga í bekkpressu, og
þjálfaði börn í Danmörku þar sem
hann bjó áður.
„Þó svo að börn megi ekki byrja
að keppa í kraftlyftingum fyrr en
þau verða 14 ára, geta yngri iðk-
endur samt lært greinina en þá eru
æfingarnar mjög almenns eðlis og
snúast alfarið um að læra tækni og
auka hreyfifærni. Þá taka þau mun
fleiri endurtekningar, kannski 10-15
sinnum, og minni þyngdir en full-
orðnir einstaklingar,“ segir hann og
bætir við að rétt tækni sé fyrir öllu
en þyngdin skipti ekki máli.
„Það á ekki að vera nein sérhæf-
ing heldur eiga æfingarnar að vera
mjög fjölbreyttar. Markmiðið er að
tryggja gott vöðvajafnvægi, byggja
upp góðan grunn og einbeita sér
að góðri tækni. Álagið verður aldr-
ei sambærilegt hjá þessum ein-
staklingum og hjá þeim sem hafa
náð fullum þroska.“
Þegar Ingimundur bjó í Dan-
mörku þjálfaði hann börn frá fimm
ára aldri en yngstu iðkendurnar
sem hann hefur þjálfað á Íslandi
eru í kringum níu ára aldurinn.
Hann bendir á að í nágrannalönd-
um okkar tíðkist að börn frá fimm
ára aldri læri grunnhreyfingar í
kraftlyftingum en á allt öðrum for-
sendum en fullorðnir. Markmiðið
sé ekki að lyfta sem mestum
þyngdum heldur að sýna góðar og
réttar hreyfingar.
Að mati Ingimundar er umræða
um áhrif lyftinga á vöxt barna ein
ástæða efasemda sumra foreldra.
„Rannsóknir í dag afsanna þá full-
yrðingu, en auðvitað skiptir máli
hvernig farið er að. Ef ungur ein-
staklingur er undir sama álagi og
fullorðinn einstaklingur eru yfir-
gnæfandi líkur á að viðkomandi
verði fyrir meiðslum, ferill hans
verði ekki langur og að hann njóti
ekki góðs af jákvæðum áhrifum
styrktarþjálfunar.“
Leikur og náttúrulegar
hreyfingar
Crossfit Reykja-
vík býður upp á
krakka-crossfit
fyrir aldurshóp-
ana 3-5 ára, 6-9
ára og 10-16 ára.
Sólveig Gísladótt-
ir, sem einnig er
leikskólakennari
að mennt, kennir
á námskeiðunum.
Að hennar sögn er kennsla yngstu
barnanna aðeins í gegnum leik en
þau læri í sjálfu sér ekki neinar
sérstakar æfingar. „Þegar þau eru
sex til tíu ára læra þau einfaldar
æfingar með eigin líkamsþyngd,
náttúrulegar hreyfingar sem okkur
er ætlað að geta gert á unga aldri
eins og hnébeygjur og að reisa sig
upp.“
Eftir tíu ára aldurinn séu hreyf-
ingar á námskeiðunum framsettar
sem sérstakar æfingar. Börnin læri
þá grunnhreyfingarnar bakvið rétt-
stöðulyftu, hnébeygju, jafnhendingu
og snörun. Hins vegar fari kennsl-
an fram með 300 gramma priki.
„Þegar þau eru á grunn-
námskeiði hjá okkur eru þau bara
með prik og þá skiptir engu hvort
þau eru tíu eða sextán ára. Börn-
unum finnst þau löngu tilbúin til að
takast á við meiri þyngdir en við
erum mjög passasöm. Þegar þau
ná valdi á hreyfingunum fá þau að
nota fimm kílóa tæknistangir.“
Hún segir getu barnanna afar
einstaklingsbundna og því sé ekki
hægt að ráðleggja öllum það sama
hvað þyngdir varðar. „Himinn og
haf getur verið þarna á milli. Þess
vegna segi ég ekki öllum 12-13 ára
að gera það sama heldur miða
þyngdina við getu hvers og eins.
Þegar þau koma inn í fullorðinstíma
er fylgst vel með unglingunum, rétt
eins og gildir um fullorðna. Við
leggjum ofuráherslu á, hvort sem
um unglinga eða fullorðna er að
ræða, að þyngdin skiptir ekki máli,
heldur rétt tækni.“
Sólveig segir ábyrgð þjálfara
mikla, sérstaklega þegar börn séu
annars vegar. Honum beri að sjá
til þess að iðkendur noti ekki meiri
þyngdir en geta þeirra gefi tilefni
til. „Unglingar geta verið nær
þindarlausir og rosalega góðir í
hlaupum og líkamsþyngdaræfing-
um en um leið og þeir fá stangir
og lóð í hendurnar pössum við þá
einstaklega vel. Ég er afar stolt af
okkar starfi og orðspor starfsem-
innar skiptir mig miklu máli, sem
þjálfara, mömmu og kennara.“
Krakkarnir í Skólahreysti
þurfa að leggja ýmislegt á
sig til að ná árangri í
keppninni, svo sem dýfur,
armbeygjur, hreystigreip,
upphífingar og hraðabraut.
Morgunblaðið/Kristinn
Kría Cycles, Grandagarði 7 í Reykjavík, ætlar að safna saman öfl-
ugum hópi kvenna til að hjóla saman 100 kílómetra, sunnudaginn
26. júlí. Þetta er alþjóðlegur viðburður sem þúsundir kvenna taka
þátt í. Myllumerki hans er #womens100.
Konur hjóla 100 kílómetra saman *Þegar ég áttaði mig á því hversudýrar jarðarfarir væru, fór ég aðhreyfa mig og gæta að mataræðinu.
Thomas Sowell, hagfræðingur.
Grillvertíðin stendur nú sem hæst
og landinn nýtur þess að grilla úti á
palli og í bústaðnum í hvert skipti
sem sú gula lætur sjá sig. Hér er
uppskrift að „hollustuhammara“
Röggu Nagla.
HOLLUR HAMMARI
4% hakk (fæst í Kjöthöllinni)
Season All, sjávarsalt, pipar …
5% ostur
Iceberg-kál
Sykurlaus tómatsósa (t.d.
Sollu)/salsa/sinnep/sykurlaus
BBQ
5% sýrður rjómi
Sneiddir tómatar
Heilhveiti-hamborgarabrauð
1. Móta litlar bollur úr 100g af
hakki. Krydda vel og fletja út.
2. Steikja borgara í George For-
eman-grilli í 5-6 mín. á pönnu eða
útigrilli í 2-3 mín. á hvorri hlið.
Skella svo 1-2 sneiðum af horuðum
osti og leyfa að bráðna.
3. Hita hamborgarabrauð í ofni eða
ofan á brauðrist.
4. Smyrja brauð með tómatsósu/
salsa/sinnepi/sýrðum/bbq.
5. Raða á brauðið káli, gúrku, tóm-
ötum, rauðlauk eða hverju því
grænmeti sem gleður sjálfið.
Hollustuhammari Röggu
Hamborgarinn er sérstaklega góður
með kartöflubátum.
https://ragganagli.files.wordpress.com
Á heimasíðu Sóla jógastúdíós, á
Fiskislóð 53-55 í Reykjavík, má
finna góð ráð til þeirra sem eru að
stíga sín fyrstu skref í jóga.
1. Jógadýna Á langflestum jóga-
stöðum er boðið upp á lánsdýnur
og á meðan þú sérð hvað hentar
þér er ágætt að nýta sér það.
2. Handklæði Í heitu jóga er
handklæði ómissandi. Best að það
sé ekki úr of grófu efni, vegna nún-
ingsálags.
3. Fatnaður Algengt er að karl-
menn séu á stuttbuxum einum
klæða og konur í stuttbuxum og
topp. Með léttum klæðnaði nærðu
að njóta þín betur í hita en mikil
klæði og óþarfa hiti vegna þeirra
dregur úr getu þinni.
4. Aukahlutir Stundum eru not-
aðar svokallaðar blokkir til að
draga úr álagi á t.d. bak og hné.
Allir geta stundað jóga með smá æf-
ingu og haft gaman af, ungir sem aldnir.
Morgunblaðið/Styrmir Kári
Góð ráð fyrir jóga
Í kraftlyftingum (e. powerlifting) er keppt í
þremur greinum, hnébeygju, bekkpressu og
réttstöðulyftu. Ýmist er keppt í sérstökum
búnaði eða án búnaðar. Keppendum er skipt
í þyngdarflokka eftir líkamsþyngd. Sigurveg-
ari er sá sem lyftir mestri þyngd samanlagt í
öllum þremur greinum. Stundum er keppt í
einstökum greinum, þá helst í bekkpressu.
Ólympískar lyftingar (e. weightlifting)
skiptast í jafnhendingu og snörun.
Í jafnhendingu (e. clean and jerk) er stöng
lyft í tveimur hreyfingum upp fyrir höfuð.
Fyrri hreyfingin er frívending og síðari hreyf-
ingin er jafnhöttun.
Í frívendingu (e. clean) er stöng lyft frá gólfi
upp að öxlum í einni samfelldri hreyfingu þar
sem viðkomandi beygir sig undir stöngina á
réttu augnabliki og stendur upp.
Í jafnhöttun (e. jerk) er stöng lyft í einni
samfelldri hreyfingu frá öxlum/brjóstkassa
með arma upp fyrir höfuð, með því að
beygja sig í hnjánum og rétta ásamt því að
rétta úr örmum og ljúka lyftunni í jafnvægi
með útrétta arma og stöngina fyrir ofan höf-
uð.
Snörun (e. snatch) er þegar stöng er lyft
með útrétta arma frá gólfi og upp fyrir höfuð
í einni samfelldri hreyfingu með því að toga í
stöngina og beygja sig undir hana.
Kraftlyftingar eða
ólympískar?
Ingimundur
Björgvinsson
Sólveig
Gísladóttir
Göngugreining
Pantaðu
tíma
í síma
5173900
Orkhúsinu / Suðurlandsbraut 34 / 517 3900
Vandamál sem göngugreining Flexor getur
hjálpað til við að leysa eru til dæmis:
• þreytuverkir og pirringur í fótum
• verkir í hnjám
• sársauki eða eymsli í hælum
(hælspori, „plantar fasciitis“ o.fl.)
• beinhimnubólga
• óþægindi eða verkir í baki
og/eða mjöðmum
• verkir í tábergi og/eða iljum
• hásinavandamál
• óþægindi í ökklum
• þreytu- og álagsverkir
hjá börnum og unglingum