Morgunblaðið - Sunnudagur - 26.07.2015, Blaðsíða 22

Heimili
og hönnun *Það þarf ekki að vera dýrt að breyta tilheima. Ódýr húsgögn má mála skjannahvít ogná þannig léttu andrúmslofti í rýmið. Stórlistaverk gefa mikla stemningu en geta veriðdýr. Svipuðum áhrifum má ná fram með þvíað hengja ódýra en fallega keramikdiska ástórt veggpláss. Nota má mismunandi liti,
form, stærðir og mynstur – heildaráhrifin
skipta mestu.
S
vava Halldórsdóttir segir litagleði
koma fyrst upp í hugann þegar hún
er beðin um að lýsa eigin stíl.
„Heima hjá mér eru allir litir not-
aðir. Annars er stíllinn heima frekar bland-
aður, nýtt og stílhreint í bland við eldra og
klassíkt, mér finnst mjög gaman að blanda
saman mismunandi hlutum og litum. Ég er
alltaf að breyta hjá mér, mála rendur eða
þríhyrninga á veggina. Ég get svo bara mál-
að yfir ef ég fæ leiða á því,“ segir Svava
sem er greinilega mjög skapandi, enda
menntuð sem fatahönnuður frá Flórens á
Ítalíu. Í Hrími sér hún einnig um allar
gluggaútstillingar.
Aðspurð hvert hún sæki innblástur, segir
Svava frá því að hún fylgist mikið með
skandinavískum bloggum og blöðum. „Ég
heillast af einfaldleikanum en vil skapa minn
eigin stíl út frá honum með „dass“ af litum.
Ég finn innblástur í öllu, þegar gott lag
kemur í útvarpinu, í smekklega klæddu pari
sem gengur niður Laugaveginn, í dóttur
minni Sögu sem er mjög litríkur karakter
o.s.frv. Það eru form og fallegir litir út um
allt, hvernig er annað hægt en að fá inn-
blástur? Það þarf bara að opna augun og sjá
hvað er í kringum sig. Pinterest er svo eitt
það besta sem ég veit, ég get eytt heilu dög-
unum í þeim heimi og fyllist af endalausum
hugmyndum fyrir íbúðina okkar eða pallinn
okkar góða,“ segir Svava en pallurinn í bak-
garðinum er einn helsti samverustaður fjöl-
skyldunnar á sumrin. „Við smíðuðum hann í
fyrra og erum alltaf þarna úti, höfum opinn
eld, sitjum með gott rauðvín eða hvítvín og
ræðum málin. Á veturna erum við með þykk
teppi og heitt kakó og sitjum við eldinn,
helst í miklum snjó.“ Hinn uppáhaldsstaður
fjölskyldunnar er eldhúsið, þar sem oft er
eldað fyrir fjölskyldu og vini. „Við erum líka
dugleg að föndra og mála saman við eldhús-
borðið,“ segir Svava.
Margir af munum heimilisins koma eðli-
lega frá verslunum Hríms. „Ég er dugleg að
taka vörur með mér heim. Svo hoppa ég
einstaka sinnum yfir í Epal og versla þá frá
hinum uppáhaldsmerkjunum mínum. Ikea
klikkar ekki, þar er alltaf hægt að finna eitt-
hvað fallegt. Síðan kíki ég líka í Góða hirð-
inn og á nytjamarkaði. Ég elska að gramsa
og finna gersemar sem einhver hefur hent.“
Áhugasömum um gluggaútstillingar Svövu
og daglegt líf fjölskyldunnar er bent á
Instagram-síðu hennar, @svavahalldors-
dottir.
Fjölskyldan tekur oft
á móti fjölskyldu og
vinum í mat og notar
því eldhúsið mikið.
Morgunblaðið/Eggert
Svava lagði mikla vinnu í að mála þríhyrningavegginn, sem teygir sig skemmtilega upp í loft.
ELDHÚSIÐ OG PALLURINN Í UPPÁHALDI
Finnur innblást-
ur alls staðar
SVAVA HALLDÓRSDÓTTIR, VERSLUNARSTJÓRI Í HRÍMI Á LAUGAVEGI,
BÝR ÁSAMT MANNI SÍNUM, SIGURÐI BAHAMA MAGNÚSSYNI, OG
DÓTTUR ÞEIRRA, SÖGU LJÓS, Í BJARTRI ÍBÚÐ Á HREFNUGÖTU Í
REYKJAVÍK. ÍBÚÐIN BER SKÖPUNARGLEÐI ÍBÚANNA LJÓS MERKI.
Guðrún Ingibjörg Þorgeirsdóttir gith@mbl.is
Svava Halldórsdóttir og dóttir hennar, Saga Ljós, láta fara vel um sig úti á palli.
Diskar í stað listaverka