Morgunblaðið - Sunnudagur - 26.07.2015, Qupperneq 49

26.7. 2015 MORGUNBLAÐIÐ SUNNUDAGUR 49
Í dag, laugardag, klukkan 15
verður opnuð í Listasafninu
á Akureyri, Ketilhúsi, sýn-
ingin NOT – norðlensk
vöruhönnun. Um er að ræða sam-
sýningu fimm hönnuða sem búsettir
eru á Norðurlandi.
2
Á áttundu tónleikum
sumarjazztónleikaraðar
veitingahússins Jómfrúar-
innar við Lækjargötu kemur
fram Chet kvartett – kvartett í anda
trompetleikarans og söngvarans
Chet Baker. Þeir hefjast kl. 15 í dag,
laugardag, og standa til kl. 17. Að-
gangur er ókeypis.
4
Hljómsveitirnar Börn, Kælan
Mikla og Antimony munu í
kvöld, laugardag, efna til
pönktónlistarveislu á Dillon í
kjölfar druslugöngunnar. Húsið verð-
ur opnað klukkan 21 og tónleikarnir
hefjast klukkan 22.
5
Hinn 19. júlí var opnuð
ljóða- og smásögusýningin
The Meta Level í Gallerí Tukt
í Hinu Húsinu. Verkin á sýn-
ingunni eru eftir 16 til 18 ára gamla
þátttakendur vinnusmiðjunnar
10x10Reykjavík sem gekk út á það að
skrifa sögur og ljóð með innblæstri
frá list, náttúru, fólki og hugtökum
sem finna má í mannréttindastefnu
Reykjavíkurborgar.
3
Listakonan Hlíf Ásgrímsdóttir
setti upp sýningu í Grafík-
salnum í Tryggvagötu á
fimmtudaginn og stendur hún
til 27. júlí. Verk Hlífar eru undir áhrif-
um af umhverfislist og málverkum
sem máluð eru í einum lit.
MÆLT MEÐ
1
Tekurðu alltaf sjálfur þátt?
„Já“, svarar Björn snöggur. „Þetta geng-
ur út á það að þetta er kvöldið mitt. Ég er
gestgjafinn og þetta er fólkið sem kemur
að spila með mér. Í rauninni erum við
ennþá að tala um Gítarveislu Bjössa Thor.
Ég byrja yfirleitt alltaf kvöldin og kynni
svo næsta atriði, t.d. Al Di Meola. En þeg-
ar menn eru svona stórir þá eru þeir með
sitt eigið fyrirkomulag. Annars spila menn
yfirleitt með mér. Þetta er annars vegar
samspil og hins vegar einleikur.“ Fyrst
Björn minnist á Al Di Meola komumst við
ekki hjá því að ræða hann lítillega.
„Það er greinilegt, af þessum hátíðum
sem ég hef spilað á, að hann er þekktasta
gítarnúmerið í heiminum í dag,“ segir
Björn. „Hann er búinn að vera lengi að og
er alger goðsögn. Hann var til dæmis að
vinna til Miles Davis-verðlaunanna núna í
ár, sem eru mjög flott verðlaun.“
Þessir menn, t.d. Robben Ford og Meola,
hafa ekki komið hingað áður, er það?
„Nei. Þeir hafa aldrei stigið fæti á ís-
lenska grund. Það er annað sem ég hef
reynt að gera, að koma með eitthvað nýtt.
Þótt Ísland sé eitthvert mesta hippstera-
land í heiminum reyni ég að finna einn og
einn sem hefur ekki spilað hér eða komið.“
Gullnöglin í fjórða sinn
Þetta er ekki fyrr en í október. Eru ennþá
til miðar?
„Það er mjög mikið farið veit ég þótt ég
hafi ekki nákvæmar tölur. Það eru þúsund
sæti í boði. Háskólabíó er bakhjarl í þessu
með mér. Það er svolítið fyrirtæki kringum
þessa gaura og það stendur aðeins til að
gera þetta einu sinni. Listamennirnir vilja
bara taka eitt kvöld því svo eru þeir farnir
eitthvað annað.“
Aðspurður hvernig undirbúningurinn
gangi svarar Björn því til að enn sé heil-
mikið eftir. „Þessu fylgja líka aðrir við-
burðir. Við höfum til dæmis tekið upp á því
gegnum tíðina að heiðra einn gítarleikara
sem hefur haft töluverð áhrif á íslenska
tónlist, raunar rytmíska tónlist yfirhöfuð.
Við heiðruðum t.d. Ólaf Gauk, Jón Pál og
Björgvin Gíslason, þegar þetta hét Gít-
arveisla Bjössa Thor. Þá afhentum við
þessum einstaklingum Gullnöglina. Nú ætl-
um við að gera þetta aftur, og gera það
svolítið veglega. Línan lá fyrst svolítið í
djassinum en svo fórum við að rokkast svo-
lítið upp þegar Björgvin Gísla fékk nöglina.
Það verður sem sagt ýmislegt í kringum
komu þessara manna. Þetta er í fyrsta
skipti sem Guitarama verður á Íslandi og
vonandi verður þetta árlegt. Ég er raunar
sannfærður um það.“
Burtséð frá Guitarama, hvað stendur til
hjá þér í sumar?
„Ég fór á smá túr um landið, Vestfirðina
til dæmis. Ég hef verið að spila tónleika
sem ég hef verið að þvælast með um allan
heim. Þá er ég bara einn á sviðinu í einn
og hálfan tíma. Í augnablikinu sinni ég því.
Ég verð eitthvað úti á landi með þessa tón-
leika í sumar en mun hafa tiltölulega hægt
um mig þar til Guitarama brestur á.
Eftir það fer ég m.a. til New York og
verð að þvælast í Bandaríkjunum og
víðar. Það er nóg að gera.“
Svo heldur sýningin áfram á nýju
ári?
„Guitarama er árlegur viðburður í
tveimur borgum í Kanada, Winnipeg og
Edmonton. Þetta er ekki orðið árlegt í
Bandaríkjunum, en það er verið að
skoða ýmsa möguleika. Þetta verður
vonandi árlegt á Íslandi og svo er mjög
spennandi að sjá hvað gerist í Eng-
landi. Ég hef mikinn áhuga á að koma
þessu til Evrópu þótt það væru ekki
nema einn eða tveir staðir. Því ef það
bætast einn eða tveir staðir við, þá er
þetta orðið svo stórt að ég get ekki
sinnt þessu. Þetta er eiginlega orðið
gott.
Ég verð ánægðastur ef England
kemur inn. Þótt það verði lítill staður
veit maður aldrei hvernig það æxlast.
Þetta er skemmtileg hugmynd, hún er
einföld. Allt sem ég geri er mjög ein-
falt. Ég er einfaldur maður. Öllum tón-
leikahöldurum sem ég hef verið að
vinna með finnst þetta flott viðskipta-
hugmynd. Ef „sjóvið“ er gott og hug-
myndin góð þá er þetta skemmtilegt.“
Að lokum spurði blaðamaður hvort
einhvern tíma kæmi sá dagur að Guit-
arama yrði haldið án hans og það stóð
ekki á svari: „Ég ætla bara að vona
það,“ sagði Björn.
„Þetta er skemmtileg hugmynd, hún er einföld. Allt sem ég geri er mjög einfalt. Ég er einfaldur maður,“ segir Björn Thoroddsen um Guitarama.
Morgunblaðið/Eggert