Skagfirðingabók - 01.01.1999, Blaðsíða 66

SKAGFIRÐINGABÓK
þeir komust ekki lengra. Varð því ráð þeirra að róa þangað upp,
taka silunginn úr trillunni og fara að gera að honum. Fengu
þeir tunnur og salt hjá Pétri Björnssyni, sem þá var bóndi á
Mýrum, en kindurnar höfðu þeir kyrrar og gættu þess, að þær
kæmust ekki upp úr bátnum.
Þegar þeir höfðu lokið aðgerðinni, var komin nótt, og gistu
þeir á Mýrum, en ætluðu síðan að róa heim daginn eftir. En
einhvern veginn urðu þeir seint fyrir og komust ekki af stað
fyrr en liðið var á dag. Segir ekki af ferðum þeirra fyrr en þeir
voru komnir inn á móts við Gjávík eða svokallað Æðarsker, þá
brast á þá sunnan hvassviðri, svo að ekki varð lengra komizt.
Það varð þeim til óhagræðis, að þeir tóku stýrið af trillunni á
Mýrnavík og settu það ekki aftur á. Nú þegar rokið skall á,
gættu þeir þess ekki að vera nógu nærri landinu og urðu svo
djúpt fyrir Straumnesinu, að engin leið var að ná landi. Tóku
þeir það til bragðs að leggjast, og var þá ekkert fyrir hendi ann-
að en bíða þess sem verða vildi.
Þegar við komum ofan á Mýrnavík, var eigandi bátsins þar
fyrir og tveir menn aðrir, þeir Jóhann Sigurðsson í Keldnakoti
og Konráð Sigurðsson á Mýrum. Þá var orðið áliðið og tekið að
skyggja, en særokið svo ægilegt, að við sáum aldrei bátinn úr
landi. Og þótt við færum vestur á Straumnesið, vissum við
ekkert, hvort hann væri þarna enn eða ekki.
Við fórum svo að kanna aðstæður. Eg átti þarna góðan bát, og
var honum hrundið á flot. Létum við í hann allmikið af grjóti
og rerum svo vestur með landinu. Við vorum sex, en Konráð og
Sigurbjörn gamlir menn og ekki til stórræða. Þvf setti ég þá
báða í land við Straumnestána við svonefndan Skarfastein, og
áttu þeir að rekja út færi, sem við höfðum bundið í bátinn.
Skyldi það vera okkur til trausts, ef illa gengi. En þeir voru nú
svo handstirðir aumingja karlarnir, að um leið og átti að fara að
rekja niður, stoppaði allt, og ég skar á línuna, þegar komið var
nokkrar bátslengdir frá landi. Við þurftum lítið að róa vegna
roksins, aðeins stjórna horfinu fram að trillunni, og gekk það
64