Skagfirðingabók - 01.01.1999, Side 100

SKAGFIRÐINGABÓK
flestum þeirra virðist hann hafa verið 3-4000 krónur.35 Árið
1910 var Viðlagasjóðslánið allt í skuld hjá Framtíðinni og þar
að auki 2500 krónur sem teknar voru annars staðar að láni við
byggingu skálans.
Nú þurfti ekki að greiða afborganir af Viðlagasjóðslánunum
fyrstu árin, en þau voru veitt til 20 ára og voru afborgunarlaus
fyrstu 5 árin. Þegar fór að líða að afborgun lánsins árið 1908,
urðu miklar umræður á aðalfundi félagsins hvernig henni
skyldi hagað. Á þeim fundi var samþykkt tillaga með nítján at-
kvæðum gegn níu „að félagsmenn rjómabúsins borgi 0.50 af
hverju rjómabúskúgildi til afborgunar skuldum félagsins (auk
rentunnar)."36
I júní var boðað til deildarfundar í Hofsdeild og þar var sam-
þykkt að krefjast aukafundar í félaginu. Þar var og mótmælt
því ákvæði sem samþykkt var á aðalfundinum um grundvöll
gjalds þess sem leggja átti á félagsmenn til afborgunar skuld-
anna. Einnig var samþykkt að krefja rjómabúsfélagið um
greiðslu flutningsferða sem Hofsdeildin taldi sig eiga inni hjá
félaginu. Ef þessum kröfum væri ekki sinnt fyrir 1. júlí, þá
töldu félagar í Hofsdeild sig lausa undan umræddu ákvæði frá
síðasta aðalfundi. Undir fundargerðina rituðu 9 bændur nöfn
sín.
I byrjun júlí var boðað til fundar í félaginu og mættu þá að-
eins 12 félagar. Frá Hofstaðadeild 7, Hofsdeild 3, Rípurdeild 1
og Hóladeild 1. Samþykkt var að ekki væri hægt að breyta
neinu sem aðalfundur hefði ákveðið fyrr en á næsta aðalfundi.
Á aðalfundi 1909 var skýrt frá því að framleiðsla ársins hefði
verið 5.915 pund. Auk þess var upplýst um framleiðslu ein-
stakra deilda.
Hofstaðadeild
Hóladeild
Rípurdeild
Hofsdeild
2.545,64 pund
1.371,44 —
1.302,97 —
696,55 —
98